Ebùlù 13:5 - Mundani

⁵ Bɨ̀ ka ndzì èntɨ̧ɨ̧ wɨ̧ nyaŋ ane ànəa èkab. Àghɨa wòt bɔ la à kùꞋa abua tò, nkàà nê, Mbɔ̧ɔ̧mà zìambɔŋ laꞋnê, “È nka waꞋa awɨ̧ a, è nka wu elèènè àwɨ̧.”

Ebùlù 13:5 Referans Kwoze

Matìù 6:25

“Ale e ngua shua wɨ̧ nê bɨ̀ ka me mɨ̀ɨ̀te nê bɨ̀a jɨ ghǎ ko nu ghǎ ka etseke leꞋ. Bɨ̀ ka ndem mɨ̀ɨ̀tè nê bɨ̀a kwaã ghǎ a mbɨ̧̀ tɨ̧ leꞋ. Tè mèmpème wɔ̀bȩ̂ bakà tse èghɨjɨ, mbɨ̧̀ tò naa mě tsě ndǐtsə?

Matìù 6:34

Mbɨ̀Ꞌɨ̀ àa anè la, bɨ̀ ka me mɨ̀ɨ̀te atetsɔꞋ nyaŋ. Bɨa sàꞋa atetsɔꞋ ka bɨ me mɨ̀ɨ̀tè àlia mbɔŋ. TsiꞋ mènəè àliabȩ kùꞋu ane àliabȩ ngaa.

Kɔ̀losìà 3:5

Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.

Lûk 3:14

Bèshujà ko e biite atò nê, “È me wu awa lu̧à? Bàa ghɨ̀ naà?” Tà shu abua yɔb nê, “Ko mbɨ̀Ꞌɨ̀ bɨ̀ ŋwèèlè wòt ndzì mèfà̧ àtsə atò, mbɨ̀Ꞌɨ̀ efàa èkab abua tò. Bɨ̀ yele èkab àfàꞋ yɨ̧.”

2 Pità 2:14

Mèmɨ̀ɨ̀te mɔb ègème bê ngu wuê ànəa mànjɨa àbȩ, tè bɔ̀ ka wua nkà̧aã a màngɨa kàbɔ̀ŋ. Bɔɔ səèà bòt bu mèntɨ̧ɨ̧ mɔb nàa njùa ane Mbɔ̧ɔ̧mà la, ngɨ̀à bɔ ghɨa kàbɔ̀ŋ. Bɔ ghe bɔ̀ɔ nkɔ̀ŋkà e me nɨ nɨ la. Mbɔ̧ɔ̧mà nɔ̀ŋe ndɔ̀ àtsəa yɔb tè ndɔ̀Ꞌ.

1 Tɔ̀màtià 3:3

Wòt àtsəa bòt Yesò ka ngu àbaala mèlùꞋ, tà ka ngu wòt tàa nkàà mèntɨ̧̀ la. A nyɨꞋte nê, tà wu mbɔɔlè wòt tàa ndàŋkà mènəè la, tà ka me zǐ èntɨ̧ɨ̧ vi ane èkab.

Efesɔ̀s 5:5

Bɨ̀ ko ayaa nê wòt me kùŋè bèzi kò mbâ̧tsə leꞋ, ngɨ̀à èbɨꞋte èghɨ, kò ngu wòt aghàbà leꞋ, (na àyaa à wua nyɨ̀Ꞌta nê wòt nɨ èghɨ mbɔŋ ane mbɔ̧ɔ̧mà vi la) ko tà ka bɔ àdziꞋ a èbem kèfɔ̧̀ wu Yesò Klistò bɔ̂ Mbɔ̧ɔ̧mà àa bà̧aã la.

2 Pità 2:3

BènyɨꞋtà fɨte bàa aa gha ambo èlɨ̀ wu bɔ̀ɔ nkɨ me nɨ nɨ la, me dèbè mètaã mɔb mènəè kɔ̀Ꞌa bɔ shua mbɨ̀Ꞌɨ̀ enɨ èghɨ àku abua yɨ̧. Bɔ li mbê ndzaŋe saꞋa awɔb tè ndɔ̀Ꞌ, tè Mbɔ̧ɔ̧mà wu tàa eliime awɔb la tsiꞋì àtatsi nchɨ̀Ꞌà.

Efesɔ̀s 5:3

Bɨ wu bòt Mbɔ̧ɔ̧mà, è wu ale bɨ̀ ka mbê nkèm ànəa mànkuŋa bèzi kò mbâ̧tsə leꞋ a kètsìà wɨ̧, bɔ̀ ka mè ndàꞋà ànəa kàbɔ̀ŋ kò aghàbà leꞋ a kètsìà la.

1 Kɔlìn 5:11

Ka e ndi ngua shɨa nê bɨ̀ ka mbɔ̀ àghɨa ko a màngɨa ne wòt tàa shua nê ye wu wanyɨ wa mbɔ̀ mbèla njɨ̀a ngò̧ò̧tètsə, kò ngɨa aghàbà, nkùkta bènàmbəa, njɨ̀a mènaŋ, nua mèlùꞋ mbea, kò ntsɔa la leꞋ. À ka mbê njɨ̀ àghɨ bɨ èwuu bòt mbɔŋ.

Lûk 8:14

Èsaãaãme wu e kwente a èbèm àdzɔ̧ la, e wu mbɨ̀Ꞌɨ̀ bòt bu bɔ zə èngà̧ waa, ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab nyaŋ la, èngà̧ wu e ka tsi nyî te e ghɨ̀ àghɨa e wu ghɨ̀ la.

Ntu̧ Ntsɔ̧̀ MAK 7:22

mànjɨa àbȩ, nè èghoꞋ nè mènəè kàbɔ̀ŋ ègème la. NdàꞋà mèfà̧, ngɨ̀à èbɨꞋte mènəè, ngòꞋnà bòt, ntsòkà tèlente bòt tsa, ŋèꞋa tèkwȩtsə a ègwet, mè ngɨ̧̀ɨ̧̀nà la.

Jûd 1:11

Aa li bɨɨ awɔb nkàà nê bɔɔ̀ ngȩȩna ane alu̧ Kên li ngȩ̀ȩ̀nè la. Bɔɔ ngɨa kàbɔ̀ŋ wuê mbɨ̀Ꞌɨ̀ Balààm li ngɨ̀ la ambo èkab, mè nkwèèla àtsə mbɨ̀Ꞌɨ̀ Kolà li nkwèèle la tè Mbɔ̧ɔ̧mà wu li eliime awɔb wuê mbɨ̀Ꞌɨ̀ tòà.

1 Kɔlìn 6:10

Ka wuê bètsɔŋ nè bòt aghàbà, nè bòt bɔ̀ɔ nua mèlùꞋ mbea la, nè bòt bɔ̀ɔ ndaꞋa kàbɔ̀ŋ adù̧ tèlente bòt la, ndɔ̀Ꞌ nè bòt bu bɔ̀ɔ nɨa mètàŋ ntsɔa èghɨ bòt la è ka li bɔ àdziꞋ a kèfɔ̧̀ Mbɔ̧ɔ̧mà və mɨ̧̂ a.

Lûm 1:29

Ale, mèntɨ̧ɨ̧ mɔb lu̧u̧ ne tèwuute èbɨꞋte ènəê ègème, kàbɔ̀ŋ nè mànkɨa nè èghɨ bòt tsa e wu tsiꞋi bɔb, mè nè màmɨɨta wuê a kàbɔ̀ŋ ane bòt ko. Mèntɨ̧ɨ̧ mɔb è lu̧u̧ ne ghòꞋnà, bɔ mè ngu bèlɨ̧̀, me tseka nùà bòt, fɨ̀ta bòt, mɨ̀ɨ̀tà wua kàbɔ̀ŋ ane bòt, ndàꞋa kàbɔ̀ŋ ane tèlente bòt.

Matìù 6:19

“Bɨ̀ ka nɔ̀ŋè èghɨ èkab bɨ̧ a sitsǎꞋ, adzìꞋa èsoꞋo e bakà kwet ko àwèlàka aa baãaã, mbə bètsɔŋ e bəꞋə lob nyi nɨŋ la.

2 Kɔlìn 4:9

Bòt àa ngɨ̀ bɔ̀ maa bɔ̀ me kɨ àtsəa ya enɨ, tè ba bɔ shu̧. Bɔ̀ɔ ngɨ̀ bɔ ghɨ̀ ba debte a si, ka bà ka pfəꞋtè,