Ebùlù 11:3 - Mundani

³ Èntɨ̧ɨ̧ wu ba zi ane Mbɔ̧ɔ̧mà la e ghɨ̂ ba bɨ̧ɨ̧nè nê tà li nɨ èngǎ̧ vi ka nɨŋ ngɨ̀ ngɔ̀ŋ yaa, nko nê ye nɨ àghɨa bɔ̀ɔ ka ye la nɨŋ ngɨ̀ àghɨa bɔ̀ɔ ndzèa la.

Ebùlù 11:3 Referans Kwoze

2 Pità 3:5

Ka bɔɔ ndàꞋà ale mbê ntu̧u̧ e ku̧u̧te laꞋ nê Mbɔ̧ɔ̧mà li ndɔ̀Ꞌ ndàꞋ èngà̧, ègwet ewuê, tà mè ngɨ̀ sitsǎꞋ dzə a èbem mèleb mu tà yaã nɨŋ ngɨ̀ yùà la mpùùlà.

Jɔ̌n 1:3

Mbɔ̧ɔ̧mà li ntsè ane tò ka ngɨ̀ èghɨ ègème. Àghɨa ko a mbê ntsě bɔ ghɨ̀ ka wu tòà tà li ngɨ̀ la.

Lûm 4:17

mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Mâ ghɨ̀ awê nê àa wu tǎt èlaꞋ nyaŋ.” Ale, Abàlàghâm wu tǎt wa a mbì Mbɔ̧ɔ̧mà wu tàa njù̧ù̧me bèmpfəà mè ngɨ̀a èghɨ kà zìꞋì ngu e kɨꞋà ngua mbɨ̀Ꞌɨ̀ tà kàꞋà la.

ÀfaꞋa 17:24

“Wu tòà tà lè ghɨ ngɔ̀ŋ nè àghɨ àgème àa a èbèm la, è mè ngu tòà tà bɔ ègwet nè sitsǎꞋ la. Tàà kà tseke a èbem mpɨ̀Ꞌnetsə bɔbȩ e ghɨ̀ la.

Ètsə 4:11

“Mbɔ̧ɔ̧mà Lefɨ̀Ꞌ wa leꞋ, à kùꞋu we bòt àa me shu nê à ghe, mè nkùkta we, mè ngùꞋtà we ane mètàŋ mè la. Wu àwɔ̀ à lè ghɨ èghɨ ègème, è mě ngu ane mènkɔ̀ŋke me ka èghɨ ègème e li ngu, mè ntsìꞋi èghɨ yu̧ la.”

Ebùlù 1:2

Ka nè àfɨ̀Ꞌ yaa ngɔ̀ŋ tsìꞋa ndìa lìa la, tà tsiꞋi tsàà Waã vi tà me làꞋa abua ya. Waã mbɔŋ wu wòt wu tà tsě ane tò ngɨ̀ ngɔ̀ŋ yaa, mbɔ̂ nê taa tɨ̧ɨ̧ àtsəa èghɨ ègème la.

ÀfaꞋa 14:15

Bɔ̀ gha abot bɔ biite bòt bu nê, “Bèshu̧ ba, bɨ ghɨ̀ na ka me ghɨ̀ èwuu ànəê yaa à? Ba wu bɔbȩ mbɨ̀Ꞌɨ̀ bɨ̀a mbɔŋ? Ba wu a si ŋàa nkɨ etsɔ̀te Ntu̧ Ntsɔ̧̀ Yesò abua yɨ̧, mbɨ̀Ꞌɨ̀ bɨa kubte ane ejuke ènəê baa, etsiꞋi me kùŋè wuê a Mbɔ̧ɔ̧mà yu̧ wu tà ghɨ̀ ègwet nè sitsǎꞋ, mè ngɨ̀ mèleb nè èghɨ ègème aa tèbèm la.

1 Kɔlìn 2:7

Ba làꞋà ànəa èyǐ Mbɔ̧ɔ̧mà wu tà lè yaã ndò̧ la. Ngɔ̀ŋ li me bùꞋu tà yaŋe taŋke ayaa mbɨ̀Ꞌɨ̀ baa bɔ e waa ne èghàb ane ènɨ̧ tò.

1 Tɔ̀màtià 4:5

Aa mbɔ̀ abua Mbɔ̧ɔ̧mà nkàà nê wu ndɨ èngǎ̧ tò e shu la, ba mè nko nê ba tsàꞋta a Mbɔ̧ɔ̧mà adù̧.

Ebùlù 6:5

Bɔ li nko nê ànəa Mbɔ̧ɔ̧mà shu la aa mbɔ̀, mè ndzè mètàŋ mu nàa wu àfɨ̀Ꞌ yu Mbɔ̧ɔ̧mà nàa me bà̧aã ngɔ̀ŋ fi la.