Kɔ̀losìà 4:3 - Mundani

³ Bɨ̀ me tsàꞋte a Mbɔ̧ɔ̧mà ane ya mɨ̧̂, mbɨ̀Ꞌɨ̀ tà wu ghaꞋa wa èlu̧ baa me làꞋa èngǎ̧ tò wu è wû ànəa ndò̧ ane ànəa Yesò Klistò la abua bòt. Wu ànəa èngǎ̧ mbɔŋ ka a ghɨ̂ e ngu a tèfȩ anè la.

Kɔ̀losìà 4:3 Referans Kwoze

ÀfaꞋa 14:27

ÀfɨꞋa bɔ nyi a Antìɔ̀k la, bɔ fetè bòt chɔsì bàgème adzìꞋ yeamɔꞋ. Mbɔ̂ shu awɔb ndɨ Mbɔ̧ɔ̧mà li ngɨ̀ nè nɔ̀b a lèghȩ̀ȩ̀nè wu la, mè shu awɔb ndɨ Mbɔ̧ɔ̧mà ghaꞋa alu̧ tè bòt kà wu Bèjuê e zì mèntɨ̧ɨ̧ mɔb ane Yesò la.

Kɔ̀losìà 1:26

Ntu̧ mbɔŋ wu ànəa ndò̧ yu tà li ndò̧ abua bòt bàgème ebùꞋù tê a mèngùꞋu mbì la. Ka àfɨ̀Ꞌ yaa, tà tùꞋu yùà abua bòt bi.

2 Kɔlìn 2:12

E ndi nkɨ̀Ꞌɨ̂ a Tloas etsɔ̀te Ntu̧ Ntsɔ̧̀ Yesò Klistò. E me kɨꞋɨ ale, Tè Yesò Klistò ghaꞋa èlu̧ abua am.

2 Tɔ̀màtià 2:9

Wu ànəa yùà ka a ghɨ̂ e me ye ngoꞋ tè bɔ kuule am mbɨ̀Ꞌɨ̀ wòt tà ghɨ ànəa kàbɔ̀ŋ la. Bɔ batè nkùùlè am ale, ka bɔ̀ ka kuulè Ntu̧ Ntsɔ̧̀ yu.

Filìpȩ 1:7

Mâ bɔ̂ ndɨ màa me tseka mɨ̀ɨ̀tà àwɨ̧ wuê anè la, nkàà nê bɨ wu èntɨ̧ɨ̧ am. Aa ale, nkàà nê ba nɨ̧̀ ba e ye a ntsɔ̧̀ wu Mbɔ̧ɔ̧mà è ghɨ abua ya la. Ba ye a ntsɔ̧̀ mbɔŋ àfɨ̀Ꞌ yaa è ngu a tèfȩ la, fɔ̀ɔ̀le ne àfɨ̀Ꞌ yu e ndi ngua ngèèba ntsɔ̀tà Ntu̧ Ntsɔ̧̀ Yesò Klistò nyɨ̀Ꞌta ndɨ è wû nkûŋ la.

Efesɔ̀s 4:1

Ale, mmɔ̌ wu è ngu wɔ̀tèfȩ nkàà ànəa Yesò Klistò la, e ngua shù̧ù̧ta wɨ̧ nê, bɨ̀ me tseke a èlɨ̀ wu Mbɔ̧ɔ̧mà li me tɔ awɨ̧ ane bòt bi nê bɨ me tseke la.

1 Kɔlìn 16:9

nkàà nê, èlu̧ e lâ ngàꞋa abua am maa ghɨ àfaꞋa ntsɔ̧̀, ka bɔmbù̧ e bɔ̂ me yaãaã.

1 Kɔlìn 4:1

Bɨ̀ me nɨ awa mbɨ̀Ꞌɨ̀ bòt Yesò Klistò zì mènəè mi mu è li ngu mènəè ndò̧ la a tèkitebu tɔb nê bɔ̀ me nyɨꞋte la.

1 Tèsàlonikà 5:25

Bɔnyɨ ba, bɨ̀ me tsàꞋte a Mbɔ̧ɔ̧mà ane ya.

Matìù 13:11

Yesò bɨ̀ɨ̀lè nê “Bɔ ŋa wɨ̧ èyì a mànkoa ènəê ndô̧ kèfɔ̧̀ Mbɔ̧ɔ̧mà, ka bɔ̀ ka ŋa abua bòt ngɔ̀ŋ yaa,

Fȩlemùn 1:22

Mbɨ̀Ꞌɨ̀ àà ngɨ̀à ale la, à ye nê à nèètè àtsəalob abua am nkàà nê, mâ ko nê Mbɔ̧ɔ̧mà nàà nga ezə ndɨ bɨ dɨa abua tò la e ghɨ̌ maa dzəâ a tèfȩ ekɨꞋɨ kwene ane yɨ̧.

Filìpȩ 1:19

nkàà nê mâ ko nê, maa peme ngoꞋ ndɨ̀ wu bɨ̀a ntsàꞋtà Mbɔ̧ɔ̧mà àtsəa am, Fo Yesò Klistò mè me ŋa etɨŋe la.

2 Tɔ̀màtià 1:16

È wua Ònesìfolùs, ko maà ntsàꞋtà nê Mbɔ̧ɔ̧mà ku tèsȩte bòt tò. Tà taꞋa wua nkɨ̀Ꞌâ ndàꞋà nè nà̧. Mâ batè ngu a tèfȩ ale, ka tà kà wua mbɔ̌ àtsəa kɔꞋɔ nkàà am.

Efesɔ̀s 3:1

Àyaa a ghɨ̂, mmɔ̌ Pɔ̂l wu è ngu a tèfȩ nkàà èngǎ̧ Yesò Klistò wu màa ndàꞋà abua yɨ̧ bɨ̀a bòt kà wu Bèjuê la, e me tsàꞋte a Mbɔ̧ɔ̧mà.

Lûm 16:25

Bàa ŋa mèngùꞋte abua Mbɔ̧ɔ̧mà! Tà bɔ mètàŋ e ghɨ̌ bɨa me kweele mbɨ̀Ꞌɨ̀ Ntu̧ Ntsɔ̧̀ nàa shua la. Ntu̧ Ntsɔ̧̀ mbɔŋ wu ntu̧ yu màa ndàꞋà ane ànəa Yesò Klistò la, è wu nkûŋ yu bɔ li bɔ̀ ka ko ànəa yùà ane mèngùꞋ nyaŋ è tsè la.

Efesɔ̀s 3:3

Mbɔ̧ɔ̧mà zìambɔŋ li shu am ànəa ndò̧ àzi yu a li à kà tuꞋa àbȩ bòt aa ko la. Mâ nyaꞋà shɨ adzìꞋ ane ànəa mbɔŋ abua yɨ̧.

Efesɔ̀s 3:4

Bɨ tɔ àghɨa mâ shɨ la ko bɨa ye ndɨ mâ ko ànəa ndò̧ a Mbɔ̧ɔ̧mà yaa ane Yesò Klistò la.

Efesɔ̀s 3:9

ÀfàꞋ am li mè ngu a màngɨa bòt bàgème aa ye ndɨ Mbɔ̧ɔ̧mà nàa ghɨ̌ ànəa ndò̧ àzi ya aa wu la. Mbɔ̧ɔ̧mà wu tà ghɨ àghɨ àgème la li ndò̧ ànəê yaa abua bòt tê àfɨꞋa mbì.

Kɔ̀losìà 4:18

E ntsiꞋa shɨa àdziꞋ ya ane àbu am mmɔ̌ mbɔŋ nê: Mmɔ̌ Pɔ̂l maà tsàꞋtà àwɨ̧. Bɨ̀ ka ndèènè nê e ngu a tèfȩ. Maà ntsàꞋtà nê Mbɔ̧ɔ̧mà me nyɨꞋte a ntsɔ̧̀ vi abua yɨ̧.

2 Tɔ̀màtià 4:2

Maa shu awê nê, tsɔte Ntu̧ Ntsɔ̧̀ yu, nèètè èsènte yùà, kò àfɨ̀Ꞌ aà və, kò a ntsě leꞋ, ko mâ shu awê nê, bòt e ghɨ a kàbɔ̀ŋ, à ŋȩ̀te awɔb. Shu awɔb mɨ̧̂ nê, bɔ̀ sà mènəè kàbɔ̀ŋ mɔb, mè ndɔ̀ktè ètsə bɔb nê, bɔ̀ me ghɨ̌ mènəè ntsɔ̧̀. Me bɔɔle awê àfɨ̀Ꞌ àgème nyɨ̀Ꞌta awɔb.