Kɔ̀losìà 3:19 - Mundani

¹⁹ Bèlu̧, bɨ̀ me kɔ̀ŋkè bèzi bɨ̧, bɨ̀ ka me tsoote ane yɔb.

Kɔ̀losìà 3:19 Referans Kwoze

1 Pità 3:7

Bɨ̀a mbâ̧tsə, bɨ̀ me tseke ntsɔ̧̀ nè bèzi bɨ̧ mɨ̧̂. Bɨ̀ me mbaãaã wɔb ntsɔ̧̀, nɨa wɔb mbɨ̀Ꞌɨ̀ bòt bɔ̀ɔ njùa la. Bɨ̀ me baãaã wɔb ntsɔ̧̀ ndɨ̀ wu Mbɔ̧ɔ̧mà nyɨꞋte a ntsɔ̧̀ vi ane yɨ̧ bɨ̀agème mbɨ̀Ꞌɨ̀ eŋa awɨ̧ mèmpème kàlìà la. Bɨ̀ ghɨ̀ ale mbɨ̀Ꞌɨ̀ bɨ̀ me tsàꞋte a Mbɔ̧ɔ̧mà, àghɨa ko à ka nket nê tà ka ndzə.

Kɔ̀losìà 3:21

Bètǎt, bɨ̀ ka me ghɨ̌ bɔ̧ bɨ̧ e me tsoo, mbɨ̀Ꞌɨ̀ mèntɨ̧ɨ̧ mɔb dzə ane mènəè.

Efesɔ̀s 5:25

Bèlu̧, bɨ̀ me kɔ̀ŋkè bèzi bɨ̧ wuê mbɨ̀Ꞌɨ̀ Yesò Klistò li nkɔ̀ŋkè chɔsì tè mpfə ambo wùà la.

Efesɔ̀s 4:31

Bɨ̀ ka mbèà bòt a mèntɨ̧ɨ̧ mɨ̧, bɨ̀ ka me bɔ èntɨ̧ɨ̧ nendu̧ nè ntsootsə, bɨ̀ ka ntsi me ŋȩte bòt, bɨ̀ ka ntsi me làꞋa kàbɔ̀ŋ ane bòt, bɨ̀ waꞋa mèmɨ̀ɨ̀te kàbɔ̀ŋ ègème.

Efesɔ̀s 5:33

Ka a wua ndaꞋa abua yɨ̧ mɨ̧̂, nê waa waa ane yɨ̧ bɔ ndɨ tàa me kɔ̀ŋkè vi vi mbɨ̀Ꞌɨ̀ tàa nkɔ̀ŋkà àvi zìambɔŋ la, bèzi mɨ̧̂ è ye nê bɔɔ ndzəa bèlu̧ bɔb.

Jimsì 3:14

Ka wòt me ghòꞋne bòt a èntɨ̧ɨ̧ vi nyaŋ mè nge ane èghoꞋ, tà ka me ŋeꞋe tèkwȩ ti ègwet ndàꞋà àfɨte ane ànəa è wû nkûŋ la.

Lûk 14:26

“Wòt kɨꞋa abua am, tè mbakà kɔ̀ŋkè am te tsě a tǎt vi nè nyɨ̌ vi, vi vi nè bɔ̧ bi, nè bɔnyɨ bi, te ghǎ dzəâ ane zi zìambɔŋ, ko betsiꞋa ŋut wu ka kuꞋù wòt tàa wu wakatè am la.

Lûm 3:14

“Mètsəê mɔb è lu̧u̧ ne tèntsɔ̧̀ɔ̧̀mètsə, èngǎ̧ wɔb e mè ntaꞋa wua sɔ̀ɔ̀bà mèntɨ̧ɨ̧ bòt.”