Kɔ̀losìà 3:15 - Mundani

¹⁵ Bɨ me kɨ èghɨ àghɨ, bɨ ye nê bɨ ghɨ̀ ne àlàŋkè yu a kètsìà wɨ̧ a dzə abua Yesò Klistò la. Mbɔ̧ɔ̧mà lâ ntɔ awɨ̧ nê bɨ̀ kɨꞋɨ ntsìꞋi mbɨ̧̀ ènyit yemɔ̀Ꞌ mbɨ̀Ꞌɨ̀ ebɔ èwuu àlàŋkè yaa. È wu ale bɨ me ŋa mènkɔ̀ŋke abua Mbɔ̧ɔ̧mà.

Kɔ̀losìà 3:15 Referans Kwoze

Jɔ̌n 14:27

Mâ sa àlàŋkè abua yɨ̧, mâ ŋa àlàŋkè am abua yɨ̧, ka è nka ŋa mbɨ̀Ꞌɨ̀ bòt ngɔ̀ŋ àa ŋǎ la. Mbɨ̀Ꞌɨ̀ mèntɨ̧ɨ̧ mɨ̧ me bente, bɨ̀ ka mbɔa.

Lûm 15:13

Maà ntsàꞋta Mbɔ̧ɔ̧mà wu tàa ngɨ̀à bòt e chɨ̀Ꞌà àghɨa tà kàꞋà la nê, tà ghɨa Fo Kèfə ghɨa mèntɨ̧ɨ̧ mɨ̧ mu bɨ zi ane tò la lu̧u̧ nê mèngùꞋte nè àlàŋkè.

1 Tèsàlonikà 5:18

Bɨ̀ me kɔ̀ŋkè a Mbɔ̧ɔ̧mà ane àghɨ àgème, ka ghǎ e màà ngɨ̀à leꞋ. Eyaa wu ndɨ Mbɔ̧ɔ̧mà nàa nkɨà nê bɨ̀a wu bɨ̀ tsiꞋi àghɨ yeamɔꞋ nè Yesò Klistò la è me ghɨ̀ la.

Lûm 5:1

Ndɨ̀ wu Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li nkàà ndɨ̀ wu baa zì mèntɨ̧ɨ̧ ma ane tò la, baa bɔ àlàŋkè nè Mbɔ̧ɔ̧mà nkàà àghɨa Yesò Klistò Lefɨ̀Ꞌ wa ghɨ ane ya la.

Kɔ̀losìà 3:17

Bɨ̀ me ghɨ̌ àghɨ àgème, mè ndàꞋà ànəê àgème wuê ane èlen Yesò Lefɨ̀Ꞌ, mbɨ̀Ꞌɨ̀ bɨ̀a ntsea ane tò ŋǎ mènkɔ̀ŋke abua Tǎt wa Mbɔ̧ɔ̧mà la.

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

Efesɔ̀s 5:20

Bɨ̀ me kɔ̀ŋka Tǎt wa Mbɔ̧ɔ̧mà àfɨ̀Ꞌ àgème ane àghɨ àgème a ghɨ̀ la ane èlen Yesò Klistò Lefɨ̀Ꞌ wa.

2 Kɔlìn 9:11

Tà ghɨ̂ bɨ wu bòt nè èghɨ mbɨ̀Ꞌɨ̀ me ko ŋǎ abua bòt àfɨ̀Ꞌ àgème kà kuꞋte àbu. Bɨ ghɨ ale ko bòt nyaŋ aa ŋa mènkɔ̀ŋke abua Mbɔ̧ɔ̧mà ane àghɨa bɨ̀a ŋǎ la.

Efesɔ̀s 4:4

Mbɨ̧̀ ènyit nàà yemɔ̀Ꞌ, Fo Mbɔ̧ɔ̧mà mè ngu yemɔ̀Ꞌ, wuê mbɨꞋɨ̀ àghɨ yu Mbɔ̧ɔ̧mà tɔ awa ba me chɨ̀Ꞌà la àa yeamɔꞋ la.

Lûm 14:17

Ànəa nɨ̧ a kèfɔ̧̀ Mbɔ̧ɔ̧mà ntsě mànjɨa èghɨjɨ, kò mànua leꞋ, wu màngɨa àghɨa Mbɔ̧ɔ̧mà kɨa la, nè màntseka ane àlàŋkè nè bòt, mè nè màngua ane mèngùꞋte, è wu èghɨ Fo Kèfə nàa ŋa la.

1 Tɔ̀màtià 2:1

Ànəê a mbì e nkɨ enɔ̀ŋe adù̧ bòt Yesò la wu nê bɔ̀ me tsàꞋte a Mbɔ̧ɔ̧mà àtsəa waa waa. Bɔ̀ me shu̧u̧te a Mbɔ̧ɔ̧mà nê, tà me tɨŋe awɔb, ŋà àwɔb àghɨa bɔ̀ɔ nkɨ̀ŋkà la, ndɔ̀Ꞌ mè kɔ̀ŋkè a Mbɔ̧ɔ̧mà ane wòt ègème.

Kɔ̀losìà 2:7

Bɨ̀ neeta ndzì àwɨ̧ ane tò me kweele, mè ngɨ̀ mèntsèke mɨ̧ wu mbɨꞋɨ̀ tàa nkɨà la. Bɨ̀ mèe me zì mèntɨ̧ɨ̧ mɨ̧ ane tò nɨa ngà nè mbì. Eyaa wu èghɨ bɔ li nyɨ̀Ꞌte awɨ̧ la. Bɨ̀ me ghɨ̀ ale, bɨ me ŋa mènkɔ̀ŋke abua Mbɔ̧ɔ̧mà.

Efesɔ̀s 5:1

Ndɨ̀ wu bɨ̀ wu bɔ̧ Mbɔ̧ɔ̧mà tàa ndâ nkɔ̀ŋkà àwɨ̧ la, bɨ̀ nyɔꞋta ngu mbɨ̀Ꞌɨ̀ tàa la.

2 Kɔlìn 4:15

Ba yea ngoꞋ anè mbɨ̀Ꞌɨ̀ bɨa jɨ àbȩ̀, mbɨ̀Ꞌɨ̀ bòt è me kwèꞋna ndzəa ntsɔ̧̀ Mbɔ̧ɔ̧mà ngà nè mbì, bòt bɔ̀ɔ me ŋǎ mèngùꞋte abua Mbɔ̧ɔ̧mà nɨa ndɔ̀kà èlen tò ntsaa a ègwet la e me yaã.

Ètsə 7:12

Bɔ bɔ̀tè ale, me shu nê, “Àmèn! MèngùꞋte wu abua Tǎt wa Mbɔ̧ɔ̧mà, nè ènɨ̧, nè èyì, nè mènkɔ̀ŋke, nè kènùke nè mètàŋ ane àlia nè àlia! Àmèn.”

Efesɔ̀s 4:16

Wu tòà ka tàa ngɨ̀à èdziꞋi ènyit ègème e tsəꞋnà ntsìꞋa àghɨ yeamɔꞋ la, è mè ngu mbɔ̀ɔ̀la ègème a mbɨ̧̀ ènyit nàa fèta mbɨ̧̀ ènyit mbɔŋ nènkèm mbà̧aã la. Ale, àdziꞋa ènyit àgème a me ghɨ̀ àghɨa a bɔ ndɨ àa ghɨ̀ la, ko bòt aa me kɔ̀ŋkè bɔnyɨ bɔb, mbɨ̧̀ ènyit ègème naa me tsəa nkwèèla.

Kɔ̀losìà 1:12

mè nkɔ̀ŋkà a Tǎt wa Mbɔ̧ɔ̧mà. Tà ghɨ̂ bɨ kùꞋù bòt bɔ̀ɔ nɨ ayɔb ne àghɨ ayɔɔ èghɨ bu tà nɔŋe abua bòt bi bu bɔ̀ɔ ngȩȩna a èbem kèfɔ̧̀ èkaꞋà tò la.

Ebùlù 13:15

Ale, bɨ̀ tsiꞋ bà me nɨ èlen Yesò ŋǎ mèngùꞋte abua Mbɔ̧ɔ̧mà àfɨ̀Ꞌ àgème. Eyaa wu èwuu àghɨa betsiꞋa ba ko ŋa abua Mbɔ̧ɔ̧mà la. Èghɨ bàa ŋǎ abua Mbɔ̧ɔ̧mà la wu mèngǎ̧ mu bàa ndàꞋà nɨa shua nê tà wu Tǎt wa la.

1 Kɔlìn 7:15

Ka wòt kà ko a Mbɔ̧ɔ̧mà me kɨ sà ndzɔꞋɔ, tà sàŋ. Ale, àghɨa ko mè nkùùla wanyɨ waa mbâ̧ kò àvi la leꞋ, a te ntsě. Mbɔ̧ɔ̧mà tɔ awa nê bà me tseke ane àlàŋkè.

Lûm 1:21

Bɔ li mbàte nko nê Mbɔ̧ɔ̧mà nàà və, ka bɔ̀ ka ŋa kènuke abua tò mbɨ̀Ꞌɨ̀ Mbɔ̧ɔ̧mà, bɔ̀ ka mě nkɔ̀ŋkè atò ane àghɨa tà ghɨ̀ la. Ale, mèmɨ̀ɨ̀te mɔb è tsìꞋi àku, bɔ̀ ka meè nko àghɨa Mbɔ̧ɔ̧mà li ngua nkɨa nê bɔ̀ ko la.

1 Kɔlìn 10:17

Ndɨ̀ wu bled nàa wemɔ̀Ꞌ, bàagème e mè me jɨ a bled ngaa la, a wua nyɨ̀Ꞌta nê, baa mbàta ndzà̧aã ale ka mbɔ̂ ngu mbɨ̧̀ ènyit yemɔ̀Ꞌ.

1 Tɔ̀màtià 6:12

Tsì ètɨ̧̂ wê ntsènè è nù èbele Mbɔ̧ɔ̧mà. Ghɨ̌ ndɨ àa bɔ mèmpème kàlìà la, nkàà nê Mbɔ̧ɔ̧mà li ndȩ̀ awê nê kɨꞋɨ mbɔ̀ mùà, àfɨ̀Ꞌ yu à li mbɨ̧̀ɨ̧̀nê a mbì bòt nyaŋ nê ye zǐ èntɨ̧ɨ̧ vi ane Yesò Klistò la.