Kɔ̀losìà 3:13 - Mundani

¹³ Bɨ̀ me baãaã mèntɨ̧ɨ̧ mɨ̧, mè ngwaꞋà bèkàbɔ̀ŋ bɔnyɨ bɨ̧ ane àghɨ àgème bɔ ghɨ̂ bɨ me fèèlè àwɔb adù̧ la. Bɨ̀ me waꞋa bèkàbɔ̀ŋ bɔnyɨ bɨ̧ wuê mbɨ̀Ꞌɨ̀ Yesò Klistò Lefɨ̀Ꞌ waꞋa è bɨ̧ la.

Kɔ̀losìà 3:13 Referans Kwoze

Efesɔ̀s 4:32

Ka bɨ̀ me ghɨa ntsɔ̧̀ ane bɔnyɨ bɨ̧, njùa ane mènəè mɨ̧ mè ngwaꞋà bèkàbɔ̀ŋ bɔnyɨ bɨ̧ wuê mbɨ̀Ꞌɨ̀ Yesò Klistò ghɨ̂ Mbɔ̧ɔ̧mà me waꞋa bɨ̧ la.

Ntu̧ Ntsɔ̧̀ MAK 11:25

À tɨ̧ me tsàꞋte a Mbɔ̧ɔ̧mà, à waꞋa kàbɔ̀ŋ bòt e ghɨ ane yê la, mbɨ̀Ꞌɨ̀ Tǎt wè wu a ègwet la naa waꞋa kàbɔ̀ŋ wê mɨ̧̂. [

Jimsì 2:13

Aa ale nkàà nê, Mbɔ̧ɔ̧mà naa li saꞋa bòt bu bɔ̀ɔ ka ku tèsȩ la kà ku tèsȩ. Ka bòt bu bɔ̀ɔ nkua tèsȩ la e bakà tsi mbɔ̌ ndɨ bɔ̀ɔ mèe me bɔɔ èsaꞋa Mbɔ̧ɔ̧mà la.

Efesɔ̀s 4:2

Bɨ̀ me nɨ awɨ̧ a si àfɨ̀Ꞌ àgème, njùa ane mènəè mɨ̧, nkùùla mèntɨ̧ɨ̧ mɨ̧, bɨ̀ ka mè yaŋa ntsòa ane wòt. Bɨ̀ me nkɔ̀ŋkà bɔnyɨ bɨ̧ nɨa wɔb mbɨ̀Ꞌɨ̀ bɔ̀ɔ la.

Matìù 6:12

WaꞋa èfaãnəè ba mbɨ̀Ꞌɨ̀ bàambɔŋ e waꞋa èfaãnəè bɔnyɨ ba la.

2 Kɔlìn 6:6

Ba fàꞋ nè mèntɨ̧ɨ̧ kèfə, Mbɔ̧ɔ̧mà ghɨ̀ ba bɔ èyì, ba nkùùla mèntɨ̧ɨ̧ ma ndɔ̀Ꞌ ngɨa ntsɔ̧̀ abua bòt, mbɔ Fo Kèfə ane ya, nè èkɔŋ kà ye àfɨte adù̧

Gàlashìà 6:2

Bɨ̀ me ŋeꞋe ètoole bɔnyɨ bɨ̧ nɨ̀a nyɨ̀Ꞌta nê bɨa ngɨ̀à mbɨ̀Ꞌɨ̀ mbɨ̧ Yesò Klistò shu la.

2 Kɔlìn 2:10

Bɨ waꞋa kàbɔ̀ŋ wòt ko maa waꞋa wùà mɨ̧̂. È wu nê mâ lèènè kàbɔ̀ŋ wòt, ko e ngɨ̀à a mbì Yesò Klistò, nkàà àwɨ̧.

Lûk 23:34

Yesò nê, “Tê, waꞋa kàbɔ̀ŋ wɔb, nkàà nê bɔ bakà ko àghɨa bɔ ghɨ̀à la.” Bɔ màꞋà èbìt enɨ ghàbte ndìte tò.

Lûk 11:4

WaꞋa bèkàbɔ̀ŋ ba, mbɨ̀Ꞌɨ̀ bàambɔŋ e waꞋa bèkàbɔ̀ŋ bɔnyɨ ba la. À ka ntsàà wa àdziꞋa bɔ̀ɔ taãaãte awa la.’ ”

Matìù 5:44

Ka e ngua shua wɨ̧ nê ‘Bɨ̀ me kɔ̀ŋkè bɔmbù̧ bɨ̧, mè tsaꞋta a Mbɔ̧ɔ̧mà ane bòt bu bɔ̀ɔ nkɨà ètsə bɨ̧ enɨ la.’

1 Pità 2:21

Mbɔ̧ɔ̧mà li ntɔ awɨ̧ nê mènəè maa ye awɨ̧, mbɨ̀Ꞌɨ̀ è li ndzea Yesò Klistò la. Tòà zìambɔŋ li ndzě ngoꞋ ane yɨ̧ nɨŋ nyɨ̀Ꞌte nê bɨ̀ me ghɨ̀ mbɨꞋɨ̀ ye li ngɨ̀ la.

Lûm 15:7

Ale, bɨ̀ me baãaã bɔnyɨ bɨ̧ ntsɔ̧̀ wuê mbɨ̀Ꞌɨ̀ Yesò Klistò li mbà̧aã àwɨ̧ la, mbɨ̀Ꞌɨ̀ bòt aa me ŋa mèngùꞋte abua Mbɔ̧ɔ̧mà.

Kɔ̀losìà 3:12

Ale, ndɨ̀ wu bɨ̀ wu bòt Mbɔ̧ɔ̧mà tà kɔ̀ŋkà wɨ̧ ndàà àwɨ̧ la, bɨ̀ me ku tèsȩte bòt, mè ngɨa ntsɔ̧̀ abua bòt ko. Bɨ̀ me nɨ awɨ̧ a si, njùa ane mènəè mɨ̧, bɨ̀ ka mè me yàŋa ntsòa ane bòt.

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.