Kɔ̀losìà 3:12 - Mundani

¹² Ale, ndɨ̀ wu bɨ̀ wu bòt Mbɔ̧ɔ̧mà tà kɔ̀ŋkà wɨ̧ ndàà àwɨ̧ la, bɨ̀ me ku tèsȩte bòt, mè ngɨa ntsɔ̧̀ abua bòt ko. Bɨ̀ me nɨ awɨ̧ a si, njùa ane mènəè mɨ̧, bɨ̀ ka mè me yàŋa ntsòa ane bòt.

Kɔ̀losìà 3:12 Referans Kwoze

Efesɔ̀s 4:32

Ka bɨ̀ me ghɨa ntsɔ̧̀ ane bɔnyɨ bɨ̧, njùa ane mènəè mɨ̧ mè ngwaꞋà bèkàbɔ̀ŋ bɔnyɨ bɨ̧ wuê mbɨ̀Ꞌɨ̀ Yesò Klistò ghɨ̂ Mbɔ̧ɔ̧mà me waꞋa bɨ̧ la.

Efesɔ̀s 4:2

Bɨ̀ me nɨ awɨ̧ a si àfɨ̀Ꞌ àgème, njùa ane mènəè mɨ̧, nkùùla mèntɨ̧ɨ̧ mɨ̧, bɨ̀ ka mè yaŋa ntsòa ane wòt. Bɨ̀ me nkɔ̀ŋkà bɔnyɨ bɨ̧ nɨa wɔb mbɨ̀Ꞌɨ̀ bɔ̀ɔ la.

1 Jɔ̌n 4:19

Baa nkɔ̀ŋkà Mbɔ̧ɔ̧mà nè bɔnyɨ ba, nkàà nê Mbɔ̧ɔ̧mà li mbɨ̀ nkɔ̀ŋkè àwa.

Kɔ̀losìà 3:10

Bɨ tsiꞋi bòt fi. Mbɔ̧ɔ̧mà wu tà ghɨ̀ àwɨ̧ ale la nàà ntsèka àfɨ̀Ꞌ àgème ngɨ̀à a èlɨ bɨ̀a tsiꞋi mbɨꞋɨ̀ zìambɔŋ, mbɨ̀Ꞌɨ̀ eko avi te paa la.

2 Pità 1:10

È wu ale a bɔnyɨ bɔ̧, bɨ̀ la nyɔ̀Ꞌtè ngɨ̀ bòt e ye nê wu nkûŋ nê Mbɔ̧ɔ̧mà làà àwɨ̧, nɨ̀ àwɨ̧ ane bòt bi. Bɨ me ghɨ èghɨ bàa, ko èntɨ̧ɨ̧ wɨ̧ è ka li lɔ̀Ꞌɔ edzə ane Mbɔ̧ɔ̧mà a,

1 Tèsàlonikà 5:15

Ko mbɨ̀Ꞌɨ̀ bɨ bɨ̧ɨ̧nè wòt kǒ vəə a kàbɔ̀ŋ ane kàbɔ̀ŋ, ka bɨ̀ me nyɔ̀Ꞌte àfɨ̀Ꞌ àgème ngɨ̀à a ntsɔ̧̀ a kètsìà wɨ̧ fɔɔle abua waa waa.

2 Kɔlìn 6:6

Ba fàꞋ nè mèntɨ̧ɨ̧ kèfə, Mbɔ̧ɔ̧mà ghɨ̀ ba bɔ èyì, ba nkùùla mèntɨ̧ɨ̧ ma ndɔ̀Ꞌ ngɨa ntsɔ̧̀ abua bòt, mbɔ Fo Kèfə ane ya, nè èkɔŋ kà ye àfɨte adù̧

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

1 Pità 1:2

Tǎt wa Mbɔ̧ɔ̧mà li ndàà wɨ̧ ane mènkɔ̀ŋke mi, nɨ Fo zi ngɨ̀ bɨ tsiꞋi mbɨ̀Ꞌɨ̀ tò, mbɨ̀Ꞌɨ̀ bɨa me zəa Yesò Klistò, àlo̧ atò aa mèe shùù àwɨ̧. Maà shù̧ù̧ta nè Mbɔ̧ɔ̧mà me nyɨꞋta ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

2 Tɔ̀màtià 2:10

Mbɨ̀Ꞌɨ̀ àa anè la, maà nkìà ngoꞋ tègème nkàà bòt bu Mbɔ̧ɔ̧mà è làà àwɔb ane bòt ebi la. E nkìà ale mbɨ̀Ꞌɨ̀ Yesò Klistò naa ŋa awɔb mèmpème mi, bɔɔ ghǎ me tseke a èbem Kèfɔ̧̀ nɨ̧ tò wu kà wu li elìa la.

Lûm 1:7

Tà shɨ abua bòt Mbɔ̧ɔ̧mà bu bàgème a Luêm, Mbɔ̧ɔ̧mà nàa nkɔ̀ŋkà àwɔb mè ntɔ awɔb ane bòt bi la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ nê bɔ̀ nyɨꞋte a ntsɔ̧̀ wɔb abua yɨ̧, ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Tȩtɔ̀s 1:1

Letà Pɔ̂l, wɔ̀fàꞋ Mbɔ̧ɔ̧mà, nè wantu̧ Yesò Klistò. Mbɔ̧ɔ̧mà li ndȩ̀ atò nê nè tà tɨŋe bòt bu ye làà la, ndɨ bɔ̀ɔ nèète zì mèntɨ̧ɨ̧ mɔb ane zi, e mě ko mènəè nkûŋ mu nàa nyɨ̀Ꞌta ndɨ betsiꞋa ba tsekè tè a bɔ a Mbɔ̧ɔ̧mà la,

Matìù 24:31

Bɔɔ li ntɔ taꞋà èsɔndɨk, tà tsàà bɔntu̧ bi bu a ègwet la àbȩ a bètɔ̀Ꞌa sitsǎꞋ bu bakwì la, bɔɔ ghǎ fete bòt bu tà làa ane ebi la, ebùꞋu àbâ ngɔ̀ŋ ko e ghǎ dzə ayea ko.

Lûk 18:7

Tè a wu anè ko bɨ mɨɨtè nê betsiꞋa Mbɔ̧ɔ̧mà kà laŋkè mènəè bòt bi bu tà làà wɔb bɔ̀ɔ ndɨ̀à mènəè mɔb abua tò àli àgème la à?”

Lûk 1:78

ndɨ̀ wu tà wu mbɔɔlà wòt, mè ngu mànkua tèsȩ la. Taa li ghɨ̌ mèmpème mi naa saꞋa ane ya mbɨ̀Ꞌɨ̀ nyèm ntɔtetsɔ̌Ꞌ è saꞋa a ègwet la,

Ntu̧ Ntsɔ̧̀ MAK 13:27

Taa li tsàà bɔntu̧ Mbɔ̧ɔ̧mà bɔɔ ghǎ fete bòt bu tà làa ane ebi la, a bètɔ̀Ꞌa ngɔ̀ŋ bàgème nè bètɔ̀Ꞌa ègwelebuule tègème.”

Efesɔ̀s 4:24

Bɨ̀ bɔ mè ntsìꞋi bòt fi Mbɔ̧ɔ̧mà ghɨ̀ àwɔb nê bɔ̀ wu mbɨꞋɨ̀ zia, me kùŋè alu̧ nkûŋ, è wû ndɨŋndɨ̀ŋ nè màmbɔ mèntɨ̧ɨ̧ kèfə la.

2 Tɔ̀màtià 1:9

Mbɔ̧ɔ̧mà li ŋà àwa ngule mèmpème mi, mè ndȩ̀ àwa nê, bà wu bòt ebi. Tà li tà kà wua ndȩ̀à àwa nê, ba ghɨ ànəa ntsɔ̧̀ ako. Tà li nkɔ̀ŋkè nê yea lȩ̀ àwa mbɨ̀Ꞌɨ̀ eyɨꞋte a ntsɔ̧̀ vi abua ya. È li ngu àfɨꞋa kà ngɔ̀ŋ ya bùꞋ, tà taŋke nê yea li etsàa Yesò Klistò, taa kɨꞋɨ e ghɨ̌ baa wu bòt tò.

Filìpȩ 1:8

Mbɔ̧ɔ̧mà è ko nkûŋ nkûŋ nê, maa ndâ nkɔ̀ŋkà àwɨ̧ nè èkɔŋ wu e dzəa abua Yesò Klistò zìa mbɔŋ la.

Efesɔ̀s 1:4

Ngɔ̀ŋ li me laꞋ nê nàà mbùꞋà, Mbɔ̧ɔ̧mà lȩ̀a wa mbɨ̀Ꞌɨ̀ baa tsiꞋi àghɨ yeamɔꞋ nè Yesò Klistò, ngɨ̀ àwa ane bòt mènəè ntsɔ̧̀ kà ye àghɨa ko bɔ̀ɔ fèèlè àwa adù̧ la a mbì li.

Lûm 9:11

Bɔ li bɔ̀ ka batè ndzìꞋi mbi àwɔb, bɔ̀ ka meè ndzìꞋì ngɨ̀ àghɨa ntsɔ̧̀ kò àyea kàbɔ̀ŋ leꞋ, ka mbɨ̀Ꞌɨ̀ aa nyɨꞋte nê Mbɔ̧ɔ̧mà li ndàà waã mbɔŋ ane mènkɔ̀ŋke mi mbɨ̀Ꞌɨ̀ tà li nɔ̀ŋè la,

Ntu̧ Ntsɔ̧̀ MAK 13:22

Bòt nyaŋ aa li kɨꞋɨ me fɨta shua nê bɔ wu Fɔ̧̀ mbɔŋ, èbeko aa me fɨte nê bɔ wu bèndàꞋàtɔŋ Mbɔ̧ɔ̧mà. Bɔɔ li me ghɨ̀ èghɨ àa nyɨ̀Ꞌta mètàŋ Mbɔ̧ɔ̧mà la e mě me lute tèkaŋtsə, enɨ fɨte bòt Mbɔ̧ɔ̧mà, na bɔ wu ko e ghɨ̀ la.

Ntu̧ Ntsɔ̧̀ MAK 13:20

È kà chɨɨme ngu na Mbɔ̧ɔ̧mà lo̧o̧ne èli mbɔŋ tè ndɔ̀Ꞌ la, ko wòt kǒ tàa li peme la ntsě, ka tàà ghǎ ambo bòt bu tà làa ane bi la elo̧o̧ne èli mbɔŋ.

Matìù 24:22

È kà chɨɨme ngu na Mbɔ̧ɔ̧mà lo̧o̧ne èli mbɔŋ tè ndɔ̀Ꞌ la, ko wòt kǒ tàa li peme la ntsě, ka tàà ghǎ ambo bòt bu tà làa ane bi la elo̧o̧ne èli mbɔŋ.

Ètsə 17:14

Bɔɔ nù èbet nè Wanjɨ̀ wu, ka Wanjɨ̀ wu bɔ̂ ngu tsè àwɔb, nkàà nê tà wu Tǎt bètǎt bàgème mè ngu Fɔ̧̀ bèfɔ̧̀ bàgème. Bòt tò bu tà làà àwɔb bɔ mèe me kùŋe atò nè èntɨ̧ɨ̧ wɔb wemɔꞋ la aa li wu bɔ̂ tò ba nɔ̂.”

2 Jɔ̌n 1:13

Bɔ̧ wanyɨ wè, Mè wu Mbɔ̧ɔ̧mà làà la, aà ntsàꞋtà awê.

Matìù 24:24

Bòt aa li lɔ̀Ꞌte a si me fɨta shua nê bɔ wu Fɔ̧̀ mbɔŋ e mě me fɨta shua nê, bɔ wu bèndàꞋàtɔŋ Mbɔ̧ɔ̧mà. Bɔɔ li ghɨ̀ èghɨ a nyɨ̀Ꞌta mètàŋ Mbɔ̧ɔ̧mà la, e mě lute tèkaŋtsə mbɨ̀Ꞌɨ̀ efɨte banɔ̧̀, te e me nyɔ̀Ꞌte a màfɨta bòt Mbɔ̧ɔ̧mà na èlu̧ e wuà la.

Lûm 13:14

Ka bɨ̀ wèà àwɨ̧ nè mààlà Yesò Klistò Lefɨ̀Ꞌ, bɨ̀ ka me mɨ̀ɨ̀tè èghɨ mbɨ̧̀ ènyit, e me ghɨ̀ àghɨa è kɨa la.

1 Kɔlìn 13:4

Èkɔŋ wu mànkuula èntɨ̧ɨ̧ nè màngɨa ntsɔ̧̀. Èkɔŋ e bakà bɔ a ghɔ̀Ꞌnà, è ka wua ngù̧a nkùꞋ zi, è ka wua ŋèꞋa tèkwȩ a ègwet.