Kɔ̀losìà 2:18 - Mundani

¹⁸ Bɨ̀ ka mbɨ̧̀ɨ̧̀nê wòt kǒ tà mɨɨtè nê ye tsě bòt nkàà ndzò̧ tu tàa ndzèa la è fɨ̀ta awɨ̧. Eyaa èwuu bòt bu bɔ̀ɔ shɨ̀ɨ̀bà nê, bòt è me nɨa wɔb a si mè shua nê, bòt è me ŋa kènuke wuê abua bɔntu̧ Mbɔ̧ɔ̧mà la. MènkwàꞋte tò mbɨ̀Ꞌɨ̀ è me bòt ko nàà ngɨ̀à tà wu̧a nkùꞋ zi kà ye lə.

Kɔ̀losìà 2:18 Referans Kwoze

Kɔ̀losìà 2:8

Bɨ̀ me ko awɨ̧ mbɨ̀Ꞌɨ̀ ka wòt kǒ nɨ mèmɨ̀ɨ̀te àkû mu nàa fɨ̀ta bòt la ngɨ̀ bɨ tsiꞋi èbùꞋ. Èwuu mèmɨ̀ɨ̀te maa dzə ane èghɨ bu bɔbȩ àa nyɨ̀Ꞌta nê bòt è me ghɨ̀ la, mè ndzə abua fo tu tèa mbǎ̧ ngɔ̀ŋ yaa la. Mènəè mbɔŋ ka dzə abua Yesò Klistò.

1 Tɔ̀màtià 1:7

Bɔɔ̀ nkɨ̀ ewu bènyɨꞋtà mbɨ̧te Mbɔ̧ɔ̧mà, ka bɔ̀ ka ko mèngà̧ mu bɔ nyɨꞋtà la, nè èghɨ bu bɔ̀ɔ ngù̧a nkùꞋ tɔb ndàꞋà la.

Kɔ̀losìà 2:23

Bòt aa mɨ̀ɨ̀tà nê, ngule èyì ko aa ane èwuu mbɨ̧te mbɔŋ ka è ka lem nguê. Mbɨ̧te mbɔŋ teà nyɨ̀Ꞌta nê, bòt e bɔ ndɨ bɔ̀ɔ me ŋa kènuke wuê abua bɔntu̧ Mbɔ̧ɔ̧mà la, mè nyɨ̀Ꞌta èlu̧ bòt e bɔ ndɨ bɔ̀ɔ me nɨ ènyit yɔb a si, ka è kà wu we ntsɔ̧̀ la. Teà nyɨ̀Ꞌta mɨ̧̂ nê, bòt è me nɔ̀ŋè ènyit yɔb ane ngɨ̧̀ɨ̧̀nè nê bɔ wua nkuŋa Mbɔ̧ɔ̧mà. Ka mbɨ̧te mbɔŋ te bakà lem mbɔ̀ mètàŋ ekale wòt laꞋ nê tà ka ngɨ̀ èbɨꞋte èghɨ bu mbɨ̧̀ ènyit tò nàa nkɨà la.

1 Tɔ̀màtià 4:1

Fo Mbɔ̧ɔ̧mà nàà bê ndâ ndàꞋà shua nê, ngɔ̀ŋ naa li ngà me lìa, bòt ko e tsì mèntɨ̧ɨ̧ mɔb ane Yesò, ntsiꞋi me zə ànəa fote kàbɔ̀ŋ te fɨtà shua la, mè nkùŋà mènəè te nyɨꞋtà la.

2 Kɔlìn 11:3

Maà mbɔ̀ɔ nê bòt ko aa fɨte awɨ̧ mbɨ̀Ꞌɨ̀ Satàn nyà̧kàbɔ̀ŋ li nɨ̀ àŋɔꞋte fɨ̀te a Ive la, etsòkè ètsə bɨ̧, bɨa baka tsi ŋà wɨ̧ nè èntɨ̧ɨ̧ wemɔꞋ abua Yesò Klistò.

Lûm 1:25

Mbɔ̧ɔ̧mà li ngɨ̀ anè nkàà nê bɔ waꞋa nkûŋ yu ane Mbɔ̧ɔ̧mà la, ntsiꞋi me kùŋè àghɨa àfɨte. Nko nê bɔ sa a Mbɔ̧ɔ̧mà wu tà ghɨ àghɨ àgème la, ntsiꞋi me kukte èghɨ bu tà ghɨ̀ la, bɔ wu me wùꞋtè wuê a Mbɔ̧ɔ̧mà wu tà wu ane àlia nè àlia la. Àmèn.

Matìù 24:24

Bòt aa li lɔ̀Ꞌte a si me fɨta shua nê bɔ wu Fɔ̧̀ mbɔŋ e mě me fɨta shua nê, bɔ wu bèndàꞋàtɔŋ Mbɔ̧ɔ̧mà. Bɔɔ li ghɨ̀ èghɨ a nyɨ̀Ꞌta mètàŋ Mbɔ̧ɔ̧mà la, e mě lute tèkaŋtsə mbɨ̀Ꞌɨ̀ efɨte banɔ̧̀, te e me nyɔ̀Ꞌte a màfɨta bòt Mbɔ̧ɔ̧mà na èlu̧ e wuà la.

Ètsə 3:11

“ ‘E mbele yàŋe kɨꞋɨ, è wu ale bɨ̀ baãaã èghɨ bu bɨ bɔ tê ndɔ̀Ꞌ la ntsɔ̧̀, mbɨ̀Ꞌɨ̀ ka wòt kǒ fàà ènɨ̧ wu Mbɔ̧ɔ̧mà nɔ̀ŋe abua yɨ̧ la.

1 Jɔ̌n 2:26

E shɨa abua yɨ̧ ane ànəa bòt bu bɔ̀ɔ nyɔ̀Ꞌtà nkɨ efɨte awɨ̧ la.

Filìpȩ 3:14

Maà ŋwèèlà ngà wuê nè mbì, mbɨ̀Ꞌɨ̀ à gha à me lìa, e mbɔ àghɨ yu, è wù mèmpème mu Mbɔ̧ɔ̧mà tɔ am nê è nkɨꞋɨ a ègwet mbɔŋ ndɨ̀ wu ba Yesò Klistò è tsiꞋi àghɨ yeamɔꞋ la.

Efesɔ̀s 5:6

Bɨ̀ ka mbɨ̧̀ɨ̧̀ne wòt fɨ̀te awɨ̧ ngɨ̀ bɨ bɨ̧ɨ̧ne mèngǎ̧ èkèghɨ̧̀. Ntsǒ Mbɔ̧ɔ̧mà nàà ènkɨ̀Ꞌa enɔ̀ŋke àtsəa bòt bu bɔ̀ɔ ngɨ̀à èghɨ bàa ntu̧ me zə atò la.

1 Kɔlìn 8:1

È wu ane ànəa èghɨjɨ bɔ nɨŋ njɨ̀a bènàmbəa la, ko baa ko nê, “Bàa gème e ko mènəè.” Wòt nàa nkoa mènəè è me ghɨ̌ tà me ŋeꞋe tèkwȩ ti a ègwet, ka èkɔŋ e me lɔktè mèntɨ̧ɨ̧ bòt.

Ètsə 19:10

E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.

Ètsə 13:14

Tà nɨ ngɨŋa mènəè mu bɔ sa atò nê tà ghɨa a mbì nyà̧mɔ̀Ꞌ mbì yu la, nɨŋ fɨ̀te bòt sitsǎꞋ bàgème. Nyà̧mɔ̀Ꞌ yu ghɨ̀ bɔ kɔ̧ wamâlem kǒ bɔ̀ɔ me nɨa ngùꞋtà nyà̧mɔ̀Ꞌ mbì yu bɔ li nɨ nyi ndzì fɨŋ ane tò, tà bɔ mbèle yû̧ la.

Ètsə 13:8

Waa waa a sitsǎꞋ bɔ̀ le kaꞋa shɨ èlen tò a èbem àkata mèmpème ka ngɔ̀ŋ naa li bùꞋu la naa wùꞋte atò. Àkata mbɔŋ wu àkata Wanjɨ̀ wu bɔ li mbùŋe atò la.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.

2 Pità 2:14

Mèmɨ̀ɨ̀te mɔb ègème bê ngu wuê ànəa mànjɨa àbȩ, tè bɔ̀ ka wua nkà̧aã a màngɨa kàbɔ̀ŋ. Bɔɔ səèà bòt bu mèntɨ̧ɨ̧ mɔb nàa njùa ane Mbɔ̧ɔ̧mà la, ngɨ̀à bɔ ghɨa kàbɔ̀ŋ. Bɔ ghe bɔ̀ɔ nkɔ̀ŋkà e me nɨ nɨ la. Mbɔ̧ɔ̧mà nɔ̀ŋe ndɔ̀ àtsəa yɔb tè ndɔ̀Ꞌ.

Kɔ̀losìà 2:4

E shua wɨ̧ àyaa mbɨ̀Ꞌɨ̀ ka wòt kǒ nɨ ètsəê nendɨ̧ fɨ̀te awɨ̧ ngɨ̀ bɨ fà̧à̧tè èka bɨ̧.

2 Kɔlìn 12:20

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂, bɨ̀ ka wu ane ndɨ màa mɨ̀ɨ̀tà la, mmɔ̌ mbɔŋ è nka mê ngu ane ndɨ bɨ̀a mɨ̀ɨ̀tà la. Maà mbɔ̀ɔ mbɨ̀Ꞌɨ̀ ka ateko e nkɨ̀Ꞌɨ̂, àyɔ̀ŋ a wuê a kètsìà wɨ̧, nè ghɔ̀Ꞌnà, nè ntɨ̧ɨ̧ bɨ̌, bɨ mè me tseka a mètsəê a mètsəê, mè me làꞋa kàbɔ̀ŋ ane tèlente bòt ko, ngɨ̀à mènàŋ, ŋeꞋa tèkwȩ tɨ̧ a ègwet, mè nəèꞋà mènəè.

1 Kɔlìn 13:4

Èkɔŋ wu mànkuula èntɨ̧ɨ̧ nè màngɨa ntsɔ̧̀. Èkɔŋ e bakà bɔ a ghɔ̀Ꞌnà, è ka wua ngù̧a nkùꞋ zi, è ka wua ŋèꞋa tèkwȩ a ègwet.

1 Kɔlìn 9:24

Bɨ bakà ko laꞋ nê bɔ̀ɔ ngɨ̀ bɔ̀ gha ane àlùùlà, waa waa me lùùla, ka è bɔ̂ ngu wuê wòt wemɔ̀Ꞌ tà jɨ bɔ tsɔꞋɔ atò la? Ale, luula mbɨ̀Ꞌɨ̀ jɨ bɔɔ tsɔꞋɔ awê.

1 Kɔlìn 4:18

ÀbəèꞋ àyɨ̧ aa ŋèꞋa tèkwȩ tɔb a ègwet mɨ̀ɨ̀tà nê è nka kɨꞋɨ e ye awɨ̧ a.

1 Kɔlìn 3:3

nkàà nê bɨ bela ntsèka mbɨ̀Ꞌɨ̀ bòt ngɔ̀ŋ yaa. Ndɨ̀ wu bɨ̀ bela ngòꞋnà bɔnyɨ bɨ̧ mè nùà nè nɔ̀b la, a wua nyɨ̀Ꞌta nê bɨ bele mbɨ̀Ꞌɨ̀ bɔbȩ, mè ngɨ̀à mènəè mɨ̧̂ mbɨ̀Ꞌɨ̀ bɔbȩ ko.

Lûm 16:18

Èwuu bòt mbɔŋ è ka faꞋa abua Yesò Klistò Lefɨ̀Ꞌ wa, bɔ fàꞋà wuê abua tèbêm tɔb. Bɔɔ nɨa mèngǎ̧ ntsɔ̧̀ nè àvəèəèlè fɨ̀ta bòt bu bɔ̀ɔ ka kwaꞋte mènəè ntsɔ̧̀ la.

1 Kɔlìn 4:6

Bɔnyɨ bɔ̧, mâ fɨ̀Ꞌnè mènəè maa ane ya ba Àpolòs, mbɨ̀Ꞌɨ̀ bɨa ye ane ya lə ànəa èngǎ̧ Mbɔ̧ɔ̧mà àa shua la, “Bɨ̀ ghɨa mbɨ̀Ꞌɨ̀ mbɨ̧ shuà la.” Wòt ka me ŋeꞋe tèkwȩ ti a ègwet ane èlen wòt ngwaa wekǒ.

Efesɔ̀s 4:17

Ale, e ngua səèŋkà ètû̧ bɨ̧ ane àtɔŋ yu Yesò Klistò ŋa abua am la shua nê, bɨ̀ ka tsi me ghɨ̀ mènəè mɨ̧ mbɨ̀Ꞌɨ̀ bòt bu kà ko a Mbɔ̧ɔ̧mà la. Mèmɨ̀ɨ̀te mɔb wu àku.