Kɔ̀losìà 2:16 - Mundani

¹⁶ È wu ale, bɨ̀ ka mbɨ̧̀ɨ̧̀nê wòt tsìte mbɨ̧tsə ane èghɨ bɨ̀a njɨ̀a mè nua la. Bɨ̀ ka mè mbɨ̧̀ɨ̧̀ne wòt tsìte mbɨ̧tsə ane ànəa èli èpfəè bu bɨ bɔ ndɨ bɨ̀a nɔ̀ŋe ane e be Mbɔ̧ɔ̧mà la, kò wu àli a èpǎ̧ ko leꞋ, kò ntseit èŋu nè àliapfəèa Bèjuê leꞋ.

Kɔ̀losìà 2:16 Referans Kwoze

Lûm 14:10

À ghɨ̀ na ka me tsǐ mpəəte wanyɨ wè à? À ghɨ̀ na mè me waa wanyɨ wè à? À ka ngɨ̀ ale ndɨ̀ wu bàagème àa li tɨ̧ɨ̧ a mbì èsaꞋa Mbɔ̧ɔ̧mà la.

Gàlashìà 4:10

Bɨ làà èlibȩ ko me ku̧u̧te bùà, mè nku̧u̧ta mèŋu kǒ bɔ̂ èfɨ̀Ꞌ ko, nè mèngùꞋebȩ.

Ebùlù 13:9

Bɨ̀ me ko mbɨ̀Ꞌɨ̀ bɔ nɨ mèngǎ̧ è kubte ane Ntu̧ Ntsɔ̧̀ Mbɔ̧ɔ̧mà la ntsòkè ètsə bɨ̧. Aà mbɔ̀ nê tsiꞋ è wu ntsɔ̧̀ Mbɔ̧ɔ̧mà wu tàa nyɨ̀Ꞌta abua ya la ka nàa ntɨ̀ŋa ngɨ̀à mèntɨ̧ɨ̧ ma kweelà la. È ka ngu mbɨ̧tsə ane ànəa èghɨjɨ kà wua ntɨ̀ŋa bòt bu bɔ̀ɔ nɔ̀ŋà mbɨ̧te mbɔŋ la.

Matìù 15:11

Àghɨa àa nyia a ètsəê wòt la aà kà tsòke atò, àghɨa àa ndzəa ètsəê wòt la, ka àa ntsòka tò la.”

Ebùlù 9:10

Èghɨ mbɔŋ e wu wuê ane èghɨjɨ nè èghɨ bɔ̀ɔ nu la, nè balu̧ bòt àa nɨa shùà ènyit mbɨ̀Ꞌɨ̀ lèsɔ̀t la. Èghɨ baa wu mbɨ̧te nàbȩ̂ tèa me fàꞋà te egha wu àfɨꞋa Mbɔ̧ɔ̧mà nàa ghɨ̌ àghɨa àgème aa tsiꞋi ayea fi la.

Jimsì 4:11

Bɔnyɨ bɔ̧, bɨ̀ ka me làꞋà kàbɔ̀ŋ adù̧ bɔnyɨ bɨ̧. Wòt me làꞋà kàbɔ̀ŋ adù̧ wanyɨ vi kò saꞋa atò leꞋ, tà ko nê ye wua ndaꞋa kàbɔ̀ŋ ane mbɨ̧ mè ngua saꞋa mbɨ̧ mbɔŋ. À me saꞋa mbɨ̧, à ko nê yea kà ghɨ mbɨ̀Ꞌɨ̀ mbɨ̧ mbɔŋ kɨa la, a bê nko nê ye tsiꞋa wòt tàa sàꞋa mbɨ̧ saꞋa la.

Ntu̧ Ntsɔ̧̀ MAK 7:19

Aà kà nyi a èntɨ̧ɨ̧ tò, aà nyia wuê a èbem tò ndzəèà ngà àbȩ.” (Yesò làꞋ èngà̧ waa ale nɨŋ nyɨ̀Ꞌte nê betsiꞋa wòt jɨ àghɨ àgème).

ÀfaꞋa 15:20

Ba wu eshɨ wuê àkatè eŋa abua yɔb nê, bɔ̀ ka tsi njɨ̀ èghɨ bɔ nɨŋ ntsì èpɨ̧̀ la, nkàà nê wu èbɨꞋte èghɨ; bɔ̀ ka tsi nɔ̀ŋkè nè bèzi kà wu e bɔb; bɔ̀ ka tsi nkwèle nyà̧ bɔ tɨ̀ŋè la, kò njɨ̀ àlo̧ leꞋ.

Kɔ̀losìà 2:20

Ndɨ̀ wu bɨ pfəꞋte ne Yesò Klistò, tè bɨ̀ ka tsi ngu a èten fo tu tèa mbǎ̧ ngɔ̀ŋ yaa la, è ghǎ ghɨ̂ ka bɨ mè me ghɨ̀ mènəè mɨ̧ mbɨ̀Ꞌɨ̀ bòt ngɔ̀ŋ ya à? Bɨ ghɨ̀ na ka mbèla nkùŋà mbɨ̧ tu tèa shua nê,