Kɔ̀losìà 2:13 - Mundani

¹³ È lè wu àfɨ̀Ꞌ àko, bɨ wu mbɨ̀Ꞌɨ̀ bòt bɔ pfəꞋte la a mbì Mbɔ̧ɔ̧mà ndɨ̀ wu bɨ̀ le wua ngɨa kàbɔ̀ŋ, mè ngu bòt kà ko a Mbɔ̧ɔ̧mà, bɨ̀ ka ko mbɨ̧te Musì la. Ka Mbɔ̧ɔ̧mà è yu̧u̧me àwɨ̧ àfɨ̀Ꞌ yaa, ŋà wɨ̧ mèmpème bɨ Yesò Klistò ba. Mbɔ̧ɔ̧mà li ngwaꞋa mènəè kàbɔ̀ŋ ma bǎgème.

Kɔ̀losìà 2:13 Referans Kwoze

Efesɔ̀s 2:1

È li ngu àfɨꞋa mbì, bɨ wu bòt bɔ pfəꞋte la a mbì Mbɔ̧ɔ̧mà, nkàà ndɨ bɨ li ngua nkwèèla àtsə abua Mbɔ̧ɔ̧mà ngɨa kàbɔ̀ŋ la.

Lûm 8:11

Fo Mbɔ̧ɔ̧mà wu tà li njù̧ù̧me a Yesò la wu ane yɨ̧, ko Mbɔ̧ɔ̧mà wu tà li njù̧ù̧me a Yesò Klistò la, naa li nɨ Fo zi yu nàa ntsèka ane yɨ̧ la, e ghɨ̌ mbɨ̧te ènyit tɨ̧ tu tèa mpfəèa la, tea yu̧u̧me mɨ̧̂.

2 Kɔlìn 3:6

Tà ghɨ̀ àwa ba kùꞋù èbe bàa me làꞋà ànəa mènkàꞋa kèkweelè fi tò la. Ànəa mènkàꞋa mbɔŋ ntsě a màndzəa mènəè mbɨ̧ bɔ shɨ a si la, wu màndzəa mènəè Fo Mbɔ̧ɔ̧mà nàa shua la. Mènəè mbɨ̧ bɔ shɨ a si la nàà ngɨ̀à bòt e pfəꞋtà, ka mènəè Fo Mbɔ̧ɔ̧mà me ŋa mèmpème.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.

2 Kɔlìn 5:19

Ànəa ba shua la wu nê Mbɔ̧ɔ̧mà li nɨ èvə Yesò Klistò nɨŋ ngɨ̀ àlàŋkè bɔ̂ bɔbȩ bàgème. Tà li tà kà tsi ngua mpà̧à̧ bèkàbɔ̀ŋ bɔb nɔ̀ŋà àtsəa yɔb, mbɔ̂ ndzì èngǎ̧ vi a tèkitebu ta nê ba me laꞋa shua nê bòt èkɨꞋɨ ngɨ̀ àlàŋkè nè Mbɔ̧ɔ̧mà.

Efesɔ̀s 2:11

Bɨ̀ ku̧u̧te nê bɔ̀ le kaꞋa bi awɨ̧ a èbem àndǎ̧ Bèjuê. Bèjuê aa nàŋa awɔb e nɨ nyɨꞋte nê bɔ wu bòt Mbɔ̧ɔ̧mà. Bɔɔ shua nê bɨ ntsě bòt Mbɔ̧ɔ̧mà ndɨ̀ wu bɔ̀ɔ ka nàŋe awɨ̧ la. Ka e naŋe wòt bɔ̂ ngu wu àghɨa wɔ̀bȩ̂ è nɨ àbu azi ngɨ̀ a mbɨ̧̀ ènyit la.

Lûk 15:32

Ka ba ghɨ̂ mbɔ̌ ndɨ bàa wùꞋtè àwa la. Wanyɨ wè lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, nyɔ̂ ka mâ ye atò.’ ”

Lûk 15:24

Na waã am waa lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, tà lè lɔ̂Ꞌ nyɔ̂, ka nè àfɨ̀Ꞌ yaa mâ ye atò.” Tà làꞋ ale, bɔ bùꞋ me wùꞋtè àwɔb.

Jimsì 2:26

Ale, mbɨ̀Ꞌɨ̀ ndɨ mbɨ̧̀ ènyit kà ye fo wu àpfəꞋte àghɨ la, wu wuê a èlɨ mbɔŋ wòt zìà èntɨ̧ɨ̧ vi ane Mbɔ̧ɔ̧mà ka mbàkà wua fàꞋà mbɨ̀Ꞌɨ̀ Mbɔ̧ɔ̧mà kɨa la èntɨ̧ɨ̧ mbɔŋ e wu àpfəꞋte mɨ̧̂ la.

Efesɔ̀s 5:14

nkàà nê, àghɨ àa ngɨ̀ à wu a èbem èkaꞋà àghɨa mbɔŋ a tsiꞋi mbɨ̀Ꞌɨ̀ èkaꞋà mɨ̧̂. Eyaa wu lə bɔ̀ɔ shua nê, “Àwɔ̀ wu ndia la, lɔ̀Ꞌɔ a si a èbem èvə! Ko Yesò Klistò naa ghɨ̌ èkaꞋà aa beꞋe a ègwet lè.”

1 Kɔlìn 15:45

Àkata Mbɔ̧ɔ̧mà a laꞋnê, “Mbɔ̧ɔ̧mà li ngɨ a Adàm mbì tà tsìꞋi wòt yû̧.” Ka Adàm kwèn tsìꞋi Fo nàa ŋǎ mèmpème la.

Lûm 6:13

Bɨ̀ ka sa èdziꞋ ènyit bɨ̧ abua kàbɔ̀ŋ, e ghɨ̀ bɨ me ghɨ èbɨꞋte èghɨ. Bɨ̀ ŋa wɨ̧ wuê abua Mbɔ̧ɔ̧mà, mbɨ̀Ꞌɨ̀ bòt bɔ dzəè a èbem èvə ntsiꞋi a èbem mèmpème la, mè ŋa mbɨ̧̀ tɨ̧ nènkèm abua Mbɔ̧ɔ̧mà mbɨ̀Ꞌɨ̀ tea me ghɨ̀ èghɨ àa mbɔ̀ la.

1 Jɔ̌n 2:12

Bɔ̧ bɔ̧, e shɨa letà waa abua yɨ̧ nkàà nê àghɨa Yesò Klistò li ngɨ̀ la a ghɨ̂ Mbɔ̧ɔ̧mà waꞋa bèkàbɔ̀ŋ bɨ̧.

1 Kɔlìn 15:36

Ye èkèghɨ̧̀ ko! Àa nyɔ̀Ꞌà kèmbèm àghɨ a si, kè baka tu kèmbèm fu kea fǐ, kè ka tsə.

Jɔ̌n 5:21

KwàꞋ ane ndɨ tǎt nàa ngɨ̀ tà yù̧ù̧me bèmpfəà ngɨ̀ bɔ pem la, wu wuê a èlɨ mbɔŋ Waã nàa ngɨ̀a bòt tà kɔ̀ŋkè la e bɔ mèmpème la.

Lûk 9:60

Yesò shu abua tò nê, “TsiꞋ èpfəꞋte bòt è tu bèmpfəà bɔb. Ka è me wu awê, à ghà me tsɔ̀te ntu̧ Kèfɔ̧̀ Mbɔ̧ɔ̧mà.”

Ebùlù 6:1

Bà me ghɨ èghɨ bu e kùꞋu abua bòt bu bɔ tsə ane mènəè Yesò la. Bà ka ntèꞋà wuê ane ànəa èghɨ leyu bu bɔ li mbɨ̀ nyɨ̀Ꞌte awa ane ànəa Yesò Klistò la. Bà ka tsi me làꞋà wuê mènəè mbì mu nàà shua nê bòt è waꞋa mènəè mu nàa ngɨ̀à bɔ tsiꞋi èpfəꞋte bòt a mbì Mbɔ̧ɔ̧mà la. Bà ka tsi me làꞋà wuê ndɨ wòt nàa zǐ èntɨ̧ɨ̧ vi ane Mbɔ̧ɔ̧mà la.

1 Tɔ̀màtià 5:6

Ka nempfə wu tà zǐ èntɨ̧ɨ̧ vi ane èghɨ ngɔ̀ŋ la, batè mbèle kà pfə, ka mbɔ̂ ntsìꞋi mbɨ̀Ꞌɨ̀ wòt tà pfə te ndɔ̀Ꞌ la.

Lûm 4:17

mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Mâ ghɨ̀ awê nê àa wu tǎt èlaꞋ nyaŋ.” Ale, Abàlàghâm wu tǎt wa a mbì Mbɔ̧ɔ̧mà wu tàa njù̧ù̧me bèmpfəà mè ngɨ̀a èghɨ kà zìꞋì ngu e kɨꞋà ngua mbɨ̀Ꞌɨ̀ tà kàꞋà la.

Jɔ̌n 6:63

Fo Mbɔ̧ɔ̧mà ka nàa ngɨ̀a bòt e bɔ mèmpème la, betsiꞋa wɔ̀bȩ̂ ka bɔ mua ane mi ne mètàŋ. Mèngǎ̧ maa e ndaꞋa abua yɨ̧ la dzə abua Fo Mbɔ̧ɔ̧mà, è mè ngu mùà ka nàa ŋǎ mèmpème kàlìà la.

Jimsì 2:20

Àkèghɨ̧̀a wɔ̀bȩ̂, àà nkɨà nè è nyɨꞋte awê nê wòt zìà èntɨ̧ɨ̧ vi ane Mbɔ̧ɔ̧mà tè àfaꞋa tò a bakà wua nyɨ̀Ꞌta, èntɨ̧ɨ̧ mbɔŋ wu àku?

Jimsì 2:17

Eyaa bê ngu wuê ndɨ wòt zìà èntɨ̧ɨ̧ vi ane Mbɔ̧ɔ̧mà, tè mbakà wua nyɨ̀Ꞌta wua ane àfàꞋ àzi, tà ko nê èntɨ̧ɨ̧ mbɔŋ wu àpfəꞋte la.

1 Tɔ̀màtià 6:13

E ngu nkɨ e mě shu awê àyaa nè ànəê. E ngua shua a mbì Mbɔ̧ɔ̧mà wu tàa ndzìà fo ane èghɨ ègème la, bɔ̂ Yesò wu tà li ntɨ̧ a mbì Pontìùs Pȩlèt ngàꞋte shu wòt ye wu wùà la.

Kɔ̀losìà 2:12

Bɔ li ndzì àwɨ̧ a èdzî ale a wu nê bɨ pfəꞋtè bɔ tu awɨ̧ bɨ Yesò Klistò ba nɔ̂, bɔ mè ntsì àwɨ̧ ale a wu nê Mbɔ̧ɔ̧mà yu̧u̧me awɨ̧ bɨ Yesò ba nɔ̂. A li ngu anè nkàà nê, bɨ li ndzì èntɨ̧ɨ̧ wɨ̧ ane mètàŋ Mbɔ̧ɔ̧mà mu tà li nɨŋ njù̧ù̧me a Yesò la.