Kɔ̀losìà 1:29 - Mundani

²⁹ Maa ndâ fàꞋà ànyaꞋne nè mètàŋ mu è ghe Yesò Klistò e ŋǎ abua am la, mbɨ̀Ꞌɨ̀ eye nê mâ ghɨ èghɨ bàagème.

Kɔ̀losìà 1:29 Referans Kwoze

1 Kɔlìn 15:10

Ka Mbɔ̧ɔ̧mà nɨa ntsɔ̧̀ vi ngɨ̀ e ngu àghɨa è ngu yùà la, ntsɔ̧̀ tò mbɔŋ li è kà tse àku. Ane nkûŋ, e ndi fàꞋ tè ntsè àwɔb bàgème, mbɔ̂ è li è kà lem ngu mmɔ̌, è li ngu ntsɔ̧̀ Mbɔ̧ɔ̧mà wu ane yaã la.

Efesɔ̀s 1:19

Mè nè èlɨ mètàŋ kèkweelè Mbɔ̧ɔ̧mà mu nàa ntɨ̀ŋa wa wu ba zì mèntɨ̧ɨ̧ ma ane Yesò la. Mètàŋ maa Mbɔ̧ɔ̧mà nàa nɨa ntɨ̀ŋa wa la, wu wuê mètàŋ mbɔŋ tà li nɨŋ

Efesɔ̀s 3:7

Mbɔ̧ɔ̧mà li ngɨ̀ e ngu wafàꞋ a màntsɔta Ntu̧ Ntsɔ̧̀ yaa. E ntsɔ̀ta ane èghab wu tà ŋa abua am la. Tà li ŋa am èghab waa ane mètàŋ mi.

Filìpȩ 2:13

Bɨ̀ me ghɨ̀ ale, nkàà nê wu Mbɔ̧ɔ̧mà ka tàa ŋa awɨ̧ mètàŋ mè ngɨ̀à bɨ kɔ̀ŋka a màngɨa èghɨ ntsɔ̧̀ bu tàa nkɨà la.

Ebùlù 13:21

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.

Kɔ̀losìà 2:1

Maà nkɨà bɨa ko ndɨ màa ndèbà ènyit yaã mbɨ̀Ꞌɨ̀ è ngu etɨŋe awɨ̧ nè bòt Làoêdisìà, nè bòt ko bu bàgème kà li tè mè ye am la.

2 Tèsàlonikà 3:8

Bà le kaꞋa wua njɨ̀a àghɨ àku. Ka ba li ngua fàꞋà mbɔ tèbəꞋtsə, ètsəꞋ bɔ̂ nèngû̧, mbɨ̀Ꞌɨ̀ ka ba me ŋa ngoꞋ abua wòt kǒ ane yɨ̧.

1 Tèsàlonikà 2:9

Bɔnyɨ ba, ba ko nkûŋ nê bɨ bakà leenè ndɨ ba li ndâ ngua fàꞋà mbɔ̌ tèbəꞋtsə la. Ba li ngua fàꞋà ètsəꞋ bɔ̂ nèngû̧ mbɨ̀Ꞌɨ̀ bà me tsɔ̀te Ntu̧ Ntsɔ̧̀ yu è dzəè abua Mbɔ̧ɔ̧mà la, bà ka ŋa ngoꞋ abua wòt kǒ ane yɨ̧.

Kɔ̀losìà 4:12

Èpaflàs wu tà wu wòt kǒ ayɔɔ yɨ̧, mè ngu wafàꞋ Yesò Klistò la nàà ntsàꞋtà wɨ̧. Tà taꞋa wua ntsàꞋta Mbɔ̧ɔ̧mà ane yɨ̧ nè èntɨ̧ɨ̧ vi ègème. Tàa ngɨ̀ tà me tsàꞋte nê Mbɔ̧ɔ̧mà ghɨa mèntɨ̧ɨ̧ mɨ̧ kweele ane ànəa Yesò Klistò, tè àghɨ à ka tsi mbû ane yɨ̧, bɨ̀ mèe nko ndɨ bɨ̀a me ghɨ̌ àghɨ àgème Mbɔ̧ɔ̧mà nàa nkɨà la.

Filìpȩ 2:16

mbɨ̀Ꞌɨ̀ bɨ̀a ngɨ̀à mènəè mɨ̧ ane ndɨ èngà̧ wu àa ŋǎ mèmpème la àa nkɨà la. Bɨ ghɨ̀ ale, ko naa li ngu ane àlia Yesò Klistò è mê nkɨ̀Ꞌɨ̂ la, e me wu̧u̧ nkùꞋ yaã ngùꞋtè am, nkàà nê àfàꞋ yu e ndi ngua ndèmnà ngɨ̀à la a bakà tse àku.

1 Kɔlìn 12:11

Èghɨ baa ègème nàà ŋǎ wuê Fo yaa yemɔ̀Ꞌ la mbɨ̀Ꞌɨ̀ tà kɔ̀ŋke la. Wòt ègème nàà mbɔ̌ è vi ne èghàb tsa.

Lûm 15:20

Maà ntsɔ̀tà Ntu̧ Ntsɔ̧̀ mbɔŋ ale, nyɔ̀Ꞌtà ndzèa nê e mbakà tsɔ̀ta àdziꞋa wòt è laꞋa ànəa Yesò Klistò abot la, mbɨ̀Ꞌɨ̀ ka e ngua mbɔ̧̀a a ègwet àtetsia wòt kǒ tsa.

Ètsə 2:3

Bɨ batè ntaꞋa ye ngoꞋ ane èlen laã ale, ka mbɔ̀ nkùùle mèntɨ̧ɨ̧ mɨ̧, bɨ̀ ka kaã.

2 Tɔ̀màtià 2:10

Mbɨ̀Ꞌɨ̀ àa anè la, maà nkìà ngoꞋ tègème nkàà bòt bu Mbɔ̧ɔ̧mà è làà àwɔb ane bòt ebi la. E nkìà ale mbɨ̀Ꞌɨ̀ Yesò Klistò naa ŋa awɔb mèmpème mi, bɔɔ ghǎ me tseke a èbem Kèfɔ̧̀ nɨ̧ tò wu kà wu li elìa la.

Filìpȩ 1:30

Tà ŋǎ èlu̧ wàa mɨ̧̂ nê, bɨ̀ zì àbu ba nɨ̧̀ ba è nù èbet waa àfɨ̀Ꞌ yaa. Eyaa bele wuê èbet wu bɨ li ndzè am nùà la, mbɨ̀Ꞌɨ̀ bɨ ko nê è bèle wùà è ngua nua àfɨ̀Ꞌ yaa la.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

Efesɔ̀s 3:20

Bà ŋa mèngùꞋte abua Mbɔ̧ɔ̧mà wu tàa faꞋa ane ya nyaŋ tè ntsè ndɨ betsiꞋa ba mɨ̀ɨ̀tè kò shuê la.

2 Kɔlìn 13:3

Maa ghɨ̀ anè ndɨ̀ wu bɨ̀a nkɨ ye nê e ndàꞋà ane mètàŋ Yesò Klistò la. Tàa ngɨ̀ tà me ghɨ àghɨ a kètsìà wɨ̧, tà kà nyɨꞋte nê yea njùa, ka tàa ngɨ̀à èghɨ a kètsìà wɨ̧ ane mètàŋ mi.

2 Kɔlìn 11:23

Bɔ me shu nê bɔ wu bɔfàꞋ Yesò Klistò, ko maa tsiꞋi làꞋà mbɨ̀Ꞌɨ̀ wòt àbààla nê e ngu wɔ̀fàꞋ Yesò tè ntsè àwɔb. Mâ faꞋa àfàꞋa nyaŋ tè ntsè àwɔb, bɔ zì am a tèfȩ ngò̧tsə nyaŋ tè ntsè àwɔb, shu̧u̧ am tè ntsè àwɔb, èvə e mè nəꞋə a tèdzi taã ngò̧ nyaŋ.

2 Kɔlìn 6:5

Bɔ shu̧a wa, ndzì awa a tèfȩ, banɔ̧̀ e lɔ̀kè mèbet ambo ya, ba fàꞋà nkà̧aã, ndia àtatsi, mè ntsèka ndzìtsə.

2 Kɔlìn 5:9

Eyaa wu lə ba màà mbèle a sitsǎꞋ ŋàa, kò ngà tè ntsìꞋi nè tò leꞋ, ko ànəa mbì abua ya wu màngɨa àghɨa àa mbɔ̀ atò la.

1 Kɔlìn 12:6

Mèyì a mànɨa ghɨ èghɨ nàà tsa tsa, è bɔ̂ ngu wuê Mbɔ̧ɔ̧mà ka tà ŋa èyǐ waa waa nàa nɨa ngɨ̀à àzi ne àfàꞋ la.

Lûm 15:30

Bɔnyɨ bɔ̧, maà shù̧ù̧ta wɨ̧ ndɨ̀ wu bàa tsiꞋi àghɨ yeamɔꞋ ane Yesò Klistò Lefɨ̀Ꞌ wa la, mè nè ndɨ̀ wu Fo Mbɔ̧ɔ̧mà è ghɨ̂ baa me kɔ̀ŋkè àwa la nê bɨ̀ fɔte nê nà̧ me lâ ntsàꞋta Mbɔ̧ɔ̧mà ane yaã.

Lûk 13:24

“Nyɔ̀Ꞌta a mànyia ane ètsələèꞋ techɨɨle, nkàà nê bòt nyaŋ aa li me nùa nyɔ̀Ꞌtà nkɨ enyi ka èlu̧ è ka wu wu abua yɔb.

Ebùlù 12:4

Èbet wu bɨ̀a ntsèka nùà ane ànəa mènəè kàbɔ̀ŋ la e bakà ziꞋ nga te wu àdziꞋa àlo̧ wòt kǒ àa chɨ̧ɨ̧te a si la.

Kɔ̀losìà 2:12

Bɔ li ndzì àwɨ̧ a èdzî ale a wu nê bɨ pfəꞋtè bɔ tu awɨ̧ bɨ Yesò Klistò ba nɔ̂, bɔ mè ntsì àwɨ̧ ale a wu nê Mbɔ̧ɔ̧mà yu̧u̧me awɨ̧ bɨ Yesò ba nɔ̂. A li ngu anè nkàà nê, bɨ li ndzì èntɨ̧ɨ̧ wɨ̧ ane mètàŋ Mbɔ̧ɔ̧mà mu tà li nɨŋ njù̧ù̧me a Yesò la.