ÀfaꞋa 8:4 - Mundani

⁴ Bòt Yesò bu e li ntààte me ghȩ̀ȩ̀na ntsɔ̀tà Ntu̧ Ntsɔ̧̀ yu a èdzìꞋ ègème.

ÀfaꞋa 8:4 Referans Kwoze

ÀfaꞋa 11:19

Bòt Yesò bu e li ntààte afɨꞋa bɔ li mbùŋe a Stifèn me kɨ àtsəa yɔb enɨ la. ÀbəèꞋ àko ane yɔb a li ngà tè ngu àlaꞋ a Fònisìà, nè àlaꞋ a Sȩplùs, nè Antìɔ̀k, ngȩȩna a èdzìꞋ baa ntsɔ̀tà Ntu̧ Ntsɔ̧̀ yu wuê abua Bèjuê.

ÀfaꞋa 8:1

Sɔ̂l li mbɔ̂ mbɨ̧̀ɨ̧̀ne nê bɔ̀ bùŋe atò mbɨ̀Ꞌɨ̀ bɔ li ngɨ̀ la. EbuꞋu ane àlia ngaa bɔ bùꞋ me ŋa ngoꞋ kèkweelè abua chɔsì wu a Jèlusalèm la. Bòt chɔsì bu bàgème e taatè ngà àbâ àlaꞋ a Jùdià bɔ̂ Sàmalìà tè è tsìꞋi wuê bɔntu̧ tò bu a Jèlusalèm.

Matìù 10:23

Bɔ me kɨ àtsəa yɨ̧ enɨ a èbem àpfəè àko, bɨ lùùlà ngà a yea tsa. KwàꞋ ane nkûŋ, tsiꞋ è shu awɨ̧ nê betsiꞋa bɨ̀ ka paa àfàꞋ àyɨ̧ a èbem èpfəè bòt Izəèlȩê ègème kà Waã Wòt kɨ̀Ꞌɨ̂.

1 Tèsàlonikà 2:2

Bɨ ko ndɨ bɔ li mbɨ̀ ngɨ̧̀ɨ̧̀nè àwa mè ntsɔ̧̀ɔ̧̀tè àwa a Filìpȩ ka ba kɨꞋɨ̀ abua yɨ̧ a Tèsàlonikà la. Bòt è li mbàte ndɔ̀Ꞌte a si àpfəa yɨ̧ mɨ̧̂ me pààbè àwa, ka Mbɔ̧ɔ̧mà bɔ̂ ŋà àwa mèntɨ̧ɨ̧ kèkweelè ba tsɔ̀tè Ntu̧ Ntsɔ̧̀ yu è dzəè abua tò la abua yɨ̧.

ÀfaꞋa 15:35

Pɔ̂l bɔ̂ Bànabasì e li nyaꞋa ntsèke a Antìɔ̀k, bɔ̂ bòt ko nyaŋ e me làꞋa mè nyɨ̀Ꞌta èngǎ̧ Lefɨ̀Ꞌ.

Lûk 1:2

Bɔ shɨ ènəê bu ba zə a ètsəê bòt bu bɔ li ndzè èghɨ mbɔŋ a mèmbuꞋu ndɔ̀Ꞌ ntsɔ̀tè la.

ÀfaꞋa 8:12

Mbɨ̀Ꞌɨ̀ bɔ zə Ntu̧ Ntsɔ̧̀ kèfɔ̧̀ Mbɔ̧ɔ̧mà ane èlen Yesò Klistò lu Filìb làꞋà la, wòt ègème, mbâ̧ nè àvi bɨ̧ɨ̧nè, bɔ zì atò a èdzî.