ÀfaꞋa 8:3 - Mundani

³ Ka è me wu a Sɔ̂l tà nyɔ̀Ꞌte nê yea me tseke a si ntaa chɔsì wu. Tà me ghǎ a lobtsə səèŋnà mbâ̧ ègème nè àvi tà zì èntɨ̧ɨ̧ vi ane Yesò la nɨa wɔb ngà maꞋa a tèfȩ.

ÀfaꞋa 8:3 Referans Kwoze

1 Tɔ̀màtià 1:13

È li mbàte ngu àfɨꞋa mbì, e me làꞋa mènəè kàbɔ̀ŋ ane tò nkɨà àtsəa bòt tò enɨ, mè ntsò̧ò̧ta atò, tà bɔ̂ nkù tèsȩ taã. Me ku tèsȩ taã ale ngu nê e ndi è nka ko àghɨa e ngɨ̀à la, nkàà ndɨ̀ è baka zìꞋ ndzì èntɨ̧ɨ̧ am ane tò la.

Filìpȩ 3:6

Ànəa mbɨ̧te Bèjuê a li ngu àtsə am tè e me gheeba nkɨà àtsəa bòt chɔsì enɨ. È wu ànəa màntɨ̧a ndɨŋndɨ̀ŋ a mbì Mbɔ̧ɔ̧mà mbɨ̀Ꞌɨ̀ mbɨ̧te Bèjuê tèa nkɨà la, ko e ndi è nka ghɨ̂ àghɨa ko bòt àa fèèlè am adù̧ la.

Gàlashìà 1:13

Bɨ zə mènəè e ndi ngua ngɨ̀à àfɨꞋa mbì ane èlɨ Bèjuê e li ngua nkɨ̀à nɨ̀a nkùŋa Mbɔ̧ɔ̧mà la. E ndi ngua nùà chɔsì Mbɔ̧ɔ̧mà ndâ nkɨ eliime awɔb kwàꞋ ane ètɨ̧̂, kà ku tèsȩ.

1 Kɔlìn 15:9

E ngu tandiakwèn ane bɔntu̧ Yesò Klistò. E mbakà kuꞋu wòt bɔ̀ɔ me tɔ atò ane wantu̧ Yesò Klistò la nkàà nê, e ndi ngua nkɨà ètsə bòt chɔsì Mbɔ̧ɔ̧mà enɨ.

ÀfaꞋa 22:19

“E bɨ̀ɨ̀lè nê, ‘Tê, bɔ ko ntsɔ̧̀ nê e ndi ngua nga a èbem lobte Mbɔ̧ɔ̧mà tɔb mbà̧aã bòt bu bɔ zì mèntɨ̧ɨ̧ mɔb ane yê la è shù̧a wɔb.

ÀfaꞋa 9:21

Bòt bàgème bɔ zə ndɨ tà làꞋà la, e ghaꞋa mètsəê mɔb ànəê a tsè awɔb la, me biite a kètsìà awɔb nê, “Ka mbê waa wu wòt wu a Jèlusalèm tàa mbùŋa a waa waa tàa ntsàꞋtà a Yesò la à? Ka tà ghɨ̂ me chu a si ŋàa ale ngua nchua mbɨ̀Ꞌɨ̀ ebaãaã bòt enɨ awɔb eghǎ vəèə abua bètǎt bèntsìà mèpɨ̧̀ Mbɔ̧ɔ̧mà à?”

ÀfaꞋa 7:58

səèŋne atò ndzəè a èbem àpfəèà nɨ̧ yu ntèmte atò ane àti. Bòt bu aà ngà a màntemta Stifèn ale, sɔ̀tè mèmà̧ mɔb ŋǎ abua wakèsà kǒ bɔ̀ɔ ntɔ atò ane Sɔ̂l la.

Jimsì 2:6

Ka bɨa ngwàa bòt ntseb, awɨ̧ bɔ̂ ngua ngɨ̧̀ɨ̧̀nà bòt èkab. Wu bɔ̀ɔ̀ba ka bɔ̀ɔ səèŋnà wɨ̧ nɨ̀a nga a èbem lob èsaꞋa la.

ÀfaꞋa 8:2

Stifèn pfə ale, bòt Mbɔ̧ɔ̧mà ko e tu atò mbɔ̂ ndɨ̀ atò kwàꞋ ànyaꞋne.

ÀfaꞋa 16:19

AfɨꞋa bòt bu bɔ bɔ waàvi wu la e ye nê àyɨt a èkab ayɔb a ghà la, bɔ baãaã a Pɔ̂l bɔ̂ Sȩlàs səèŋnè nga a mbì bèkěm àsà̧aã èwen.