ÀfaꞋa 8:12 - Mundani

¹² Mbɨ̀Ꞌɨ̀ bɔ zə Ntu̧ Ntsɔ̧̀ kèfɔ̧̀ Mbɔ̧ɔ̧mà ane èlen Yesò Klistò lu Filìb làꞋà la, wòt ègème, mbâ̧ nè àvi bɨ̧ɨ̧nè, bɔ zì atò a èdzî.

ÀfaꞋa 8:12 Referans Kwoze

ÀfaꞋa 2:38

Pità bɨ̀ɨ̀lè èngǎ̧ wɔb nê, “Waa waa ane yɨ̧ waꞋa mènəè kàbɔ̀ŋ mi, bɔ zì atò a èdzî ane èlen Yesò Klistò. Bɨ ghɨ̌ ale, ko Mbɔ̧ɔ̧mà naa waꞋa mènəè kàbɔ̀ŋ mɨ̧ e mě zǐ Fo Kèfə ane yɨ̧.

ÀfaꞋa 1:3

Mbɨ̀Ꞌɨ̀ bɔ ghɨ̧̀ɨ̧̀ne a Yesò tè tà pfə mè njù̧ù̧mê la, tà nèètè nyɨ̀Ꞌte avi abua bɔntu̧ bi bu ane ndɨ bɔ̀ɔ ko nkûŋ nkûŋ nê Tà yù̧ù̧mè la. Tà li ntaꞋa pùùla a mbì lɔb ane èlibȩ èghem yekwì, ndaꞋa abua yɔb ndɨ Mbɔ̧ɔ̧mà nàa mbà̧aã kèfɔ̧̀ vi la.

Matìù 28:19

È wu ale, bɨ̀ ghǎ ngɨ̀ bòt èlaꞋ ègème è tsiꞋi bɔkatè bɔ̧, ngɨ̀ bɔ zì àwɔb a èdzî ane èlen Mbɔ̧ɔ̧mà, nè èlen Waã, nè èlen Fo Kèfə,

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.

ÀfaꞋa 2:41

Tà làꞋa èngǎ̧ mbɔŋ ale, bòt nyaŋ abot və e bɨ̧ɨ̧nè tè bɔ zì àwɔb a èdzî. Bòt mbɔ̀ŋè bètɔsì batat e nkwèꞋnè ane bòt Yesò bu ane àlia ngaa.

Gàlashìà 3:28

BetsiꞋa bɔ̀ ka tsi nê wòt Juê è kubte ane wòt Glɨ̂k, àbùꞋ à ka kubte ane wòt ka wu àbùꞋ, mbâ̧ kà kubte ane àvi, nkàà nê bɨ̀agème e tsiꞋi àghɨ yeamɔꞋ ane Yesò Klistò.

Lûm 10:10

Wòt nàa ngɨ̀ tà bɨ̧ɨ̧ne a èntɨ̧ɨ̧ vi, Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, wòt mee tà làꞋa ane ètsəê vi, tà bɔ̀ mèmpème.

1 Kɔlìn 11:11

(Bòt àa ngɨ̀ bɔ̀ tsiꞋi àghɨ yeamɔꞋ nè Yesò, àvi ka wu àtsəa zi, mbâ̧ kà wu àtsəa zi mɨ̧̂.

ÀfaꞋa 28:31

Tà li ngua ndàꞋà ànəa kèfɔ̧̀ Mbɔ̧ɔ̧mà nè mènəè Yesò Klistò Lefɨ̀Ꞌ kà bɔ̀â, wòt kà mê nkèle atò.

ÀfaꞋa 20:25

“Mâ ghȩ̀ȩ̀ne a kètsìà wɨ̧ bɨ̀agème ndàꞋà ndɨ Kèfɔ̧̀ Mbɔ̧ɔ̧mà nàa la. Ka nè àfɨ̀Ꞌ yaa, mâ ko nê wòt ane yɨ̧ ka li me pfə e mě ye am a.

ÀfaꞋa 20:21

E ndi səèŋkè ètû̧ Bèjuê, nè bòt kà wu Bèjuê nê, bɔ̀ waꞋa mènəè kàbɔ̀ŋ mɔb, nkuŋe a Mbɔ̧ɔ̧mà, mè ndzì mèntɨ̧ɨ̧ mɔb ane Yesò Klistò Lefɨ̀Ꞌ wa.

ÀfaꞋa 18:8

Klipùs wu tà lè wu àtsəa lob Mbɔ̧ɔ̧mà Bèjuê yu la li ndzì èntɨ̧ɨ̧ vi ane Tè Yesò bɔ̂ bòt bi bàgème. Bòt ko nyaŋ a Kɔlìn e li ndzəâ èngǎ̧ Pɔ̂l ale, e ghɨ̀ bɔ tsiꞋi bòt Yesò tè bɔ zì àwɔb a èdzî.

ÀfaꞋa 11:20

Ka bòt ko, bɔ dzəa Sȩplùs nè Silenè la, e gha a Antìɔ̀k me tsɔ̀te Ntu̧ Ntsɔ̧̀ Yesò Lefɨ̀Ꞌ abua bòt kà wu Bèjuê mɨ̧̂.

ÀfaꞋa 5:14

Ka àfɨ̀Ꞌ a tsekè me wu, mbâ̧tsə nè bèzi e taꞋa zì mèntɨ̧ɨ̧ mɔb ane Tǎt wa, tè nkwèꞋnê ènɔ̧̂ bòt bu.

Lûk 9:60

Yesò shu abua tò nê, “TsiꞋ èpfəꞋte bòt è tu bèmpfəà bɔb. Ka è me wu awê, à ghà me tsɔ̀te ntu̧ Kèfɔ̧̀ Mbɔ̧ɔ̧mà.”

Lûk 9:2

Tà tsàà àwɔb nê bɔ̀ gha ntsɔ̀tè mènəè Kèfɔ̧̀ Mbɔ̧ɔ̧mà mè mbəâ bòt àghɔ̧.

ÀfaꞋa 8:4

Bòt Yesò bu e li ntààte me ghȩ̀ȩ̀na ntsɔ̀tà Ntu̧ Ntsɔ̧̀ yu a èdzìꞋ ègème.

ÀfaꞋa 19:5

Mbɨ̀Ꞌɨ̀ bɔ zə èngà̧ waa la, bɔ zì àwɔb a èdzî ane èlen Yesò Lefɨ̀Ꞌ.