ÀfaꞋa 6:10 - Mundani

¹⁰ Fo Mbɔ̧ɔ̧mà li ŋǎ a Stifèn èyì, tè tà ghɨ̀ tà laꞋa, bòt bu è ka tsi nkoê ntsɔ̀Ꞌɔ èngǎ̧ tò.

ÀfaꞋa 6:10 Referans Kwoze

Lûk 21:15

maa li zǐ mèngǎ̧ a mètsəê mɨ̧, e mě zì mèyì a ètsə bɨ̧, ndɨ betsiꞋa wòt ane bɔmbù̧ bɨ̧ è ka tu̧ ànəa bɨ shua la.

1 Kɔlìn 2:4

E ndi è ka wua nyɨ̀Ꞌta mè ndàꞋà èngǎ̧ Mbɔ̧ɔ̧mà ane ètsəê ntsɔ̧̀ wu bɔbȩ àa nɨa èyǐ wɔb ndàꞋà la, ka Mbɔ̧ɔ̧mà li nɨ̌ Fo zi nyɨ̀Ꞌte mètàŋ mi, ngɨ̀ bòt e ko nê ànəa e ndàꞋà la wu nkûŋ.

Jɔ̌n 7:46

Bèmbaabà bu e bɨ̀ɨ̀lè nê, “Wòt te bakà laꞋa ànəê mbɨ̀Ꞌɨ̀ mbê waa!”

Lûk 1:17

Mbɔ̧ɔ̧mà naa li zǐ Fo yu tà li ndzi ane Èlȩjà la ane tò, taa bɔ mètàŋ eghǎ a mbì Mbɔ̧ɔ̧mà. Taa ghɨ̌ ale mbɨ̀Ꞌɨ̀ gheble mèntɨ̧ɨ̧ bètǎt ètsəꞋne awɔb bɔ̂ bɔ̧ bɔb. Taa li gheble bòt àtsəa kekweelè, mbɨ̀Ꞌɨ̀ bɔɔ bɔ èyì elɔ̀Ꞌɔ kua akwèn e me kwàꞋtè mènəè mbɨ̀Ꞌɨ̀ bòt bɔ ntɨ̧ɨ̧ ndɨŋndɨ̀ŋ la, e mě taŋke bòt Mbɔ̧ɔ̧mà bɔɔ me chɨ̀Ꞌɨ àfɨ̀Ꞌ yu tàa li kɨꞋɨ la.”

ÀfaꞋa 7:51

Stifèn làꞋ ale mè nê, “Bɨ ghɨ̀ na ka me kweele àtsə anè à? Mèntɨ̧ɨ̧ mɨ̧ ghɨ̀ na ka nkwèèle tè bɨ bê ntû̧ eyute èngǎ̧ Mbɔ̧ɔ̧mà à? Bɨ bê ngu wuê mbɨ̀Ꞌɨ̀ bètǎt nyaꞋ bɨ̧. Bɨ̀a mbɔŋ e taꞋa wua ntu̧a eyute ànəa Fo Kèfə nàa shua la.

ÀfaꞋa 5:39

Mbə è wu àghɨa Mbɔ̧ɔ̧mà taŋke la, ko betsiꞋa bɨ̀ ka tsokè. Bɨ me kɨ e ghɨ̌ ale, ko bɨa ye nê, bɨ wua nua a Mbɔ̧ɔ̧mà zìambɔŋ.” Gàmalìà làꞋ ale bòt èsaꞋa wu e bɨ̧ɨ̧nè nkɨ̀à yu tà ŋa abua yɔb la.

ÀfaꞋa 6:9

Tàà ngɨ̀ ale, ka bòt ko e bɔ̂ me làꞋa, ntu̧a mènəè mu tà ghɨ̀à la. Bòt ngaa li ngu bòt lob Mbɔ̧ɔ̧mà yu bɔ li ngua ntɔ nê wu lob Mbɔ̧ɔ̧mà bòt bu bɔ li ngu èbùꞋ ka ndɔ̀Ꞌ ndzə a ngoꞋ la. ÀbəèꞋ àyɔb a li ngu Bèjuê be dzəèa èpfəè Silenè nè Àlèkzandìà la. Bɔ̀ɔ waa nè beko be dzə àlaꞋ a Sìlisìà nè àlaꞋ a Esìà la, e li mbùꞋ me kàànè bɔ̂ Stifèn ba.

ÀfaꞋa 6:11

Mbɨ̀Ꞌɨ̀ àa ale la, bɔ tsiꞋi gha ne kwèn shu abua bòt ko nê bɔ̀ fɨte nê bɔ zə ndɨ Stifèn nàa ndaꞋa kàbɔ̀ŋ adù̧ Musì bɔ̂ Mbɔ̧ɔ̧mà la.