ÀfaꞋa 3:22 - Mundani

²² Musì tà wu wòt kǒ ane yɔb la li shu nê, ‘Mbɔ̧ɔ̧mà Lefɨ̀Ꞌ wɨ̧ nàa li etsàa ndàꞋàtɔŋ ko abua yɨ̧, wuê mbɨ̀Ꞌɨ̀ tà li ntsàà am la. Ŋut naa li dzəâ ayɔɔ yɨ̧. Bɨ bɔ̂ ndɨ bɨ̀a yute ànəê àgème tà shu awɨ̧ la.

ÀfaꞋa 3:22 Referans Kwoze

ÀfaꞋa 7:37

“Musì wu wòt wu tà li shu abua bòt Izəèlȩê nê, Mbɔ̧ɔ̧mà naa li tsàà àwɔb a ndàꞋàtɔŋ kǒ wuê mbɨ̀Ꞌɨ̀ tà li ntsàà avi la. Tà li nê, ŋut naa li wu wòt tà dzəè ayɔɔ ayɔb la.

Gàlashìà 4:4

Ka àfɨ̀Ꞌ a li ntsèke tè nkùꞋ, Mbɔ̧ɔ̧mà tsàà Waã vi a ngɔ̀ŋ. A tò li mbi àvi àfɨꞋa mbɨ̧te Musì tèa mbǎ̧ àlaꞋ la.

Jɔ̌n 1:17

È wu nè ànəê mbɨ̧te Mbɔ̧ɔ̧mà ko Mbɔ̧ɔ̧mà li ndzi a tèkitebu Musì ka tà ŋǎ abua bɔbȩ, è me wu èkɔŋ nè nkûŋ, ta tsaa a Yesò Klistò ka tà kɨ̀Ꞌɨ̂ nyɨ̀Ꞌte awa.

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

Jɔ̌n 5:24

“Ane nkûŋ, tsiꞋ è shua wɨ̧ nê, wòt tà zə èngǎ̧ am, ndzì èntɨ̧ɨ̧ vi ane wòt wu tà tsàà am la, è bɔ mèmpème kàlìà. Tà ka tsi ekwene èsaꞋa. Tà peme èvə, tè ntsìꞋi nyi a èbem mèmpème.

Ètsə 1:1

Àkatè yaa a làꞋà ànəa ètsə Yesò Klistò li nyɨ̀Ꞌte abua bɔfàꞋa Mbɔ̧ɔ̧mà, ane èghɨ è bele yaŋe e ghɨ̀ la. Wu Mbɔ̧ɔ̧mà ka tà li ngɨ̀ Yesò koê èghɨ ngaa la. Yesò li ntsàa wantu̧ vi, tà nyɨ̀Ꞌte èghɨ ngaa abua wɔ̀fàꞋ vi Jɔ̌n.

Lûm 9:5

Bɔ mè dzəè àndǎ̧ Abàlàghâm bɔ̂ Asàk nè Jàkɔ̂b. Wu àndǎ̧ bɔ̀ li mbi a Fɔ̧̀ wu Mbɔ̧ɔ̧mà yɔꞋ ntsà mbɨ̀Ꞌɨ̀ wɔ̀bȩ̂ la. Tà wu Mbɔ̧ɔ̧mà wu tà wu a ègwet àghɨa àgème la. MèngùꞋte wu ane èlen to ane àlia nè àlia. Àmèn.

Jɔ̌n 12:46

Mâ kɨꞋɨ a ngɔ̀ŋ ŋaa mbɨ̀Ꞌɨ̀ wòt tàa ngɨ̀à èkaꞋà e beꞋa la, mbɨ̀Ꞌɨ̀ wòt ègème tà zi èntɨ̧ɨ̧ vi ane yaã la ka tsi tseke a èbem ndzěm a.

Lûm 8:3

Mbɔ̧ɔ̧mà li ngɨ̀ àghɨa mbɨ̧ li è kà wu ko ghɨ̌, ndɨ̀ wu bɔbȩ àa njùa, bɔ̀ ka wu e ghɨ̀ àghɨa nàa shua la, ntsàà waã vi tà kɨꞋɨ nè mbɨ̧̀ ènyit nàa mbɨ̀Ꞌɨ̀ ye bɔbȩ bu bɔ̀ɔ̀ ngɨ̀a kàbɔ̀ŋ la, mpfə mbɨꞋɨ̀ nkɔ̀Ꞌ èpɨ̧̀. Tà pfə ale, Mbɔ̧ɔ̧mà tsòkè mètàŋ mu kàbɔ̀ŋ è bɔ adù̧ wɔ̀bȩ̂ la.

Jɔ̌n 8:12

Yesò ghɨ̀ ale, mè ndaꞋa abua Bèfalèsiì nê, “E ngu èkaꞋà ngɔ̀ŋ yaa. Wòt tà kùŋè am la, è bɔ èkaꞋà mèmpème, tà ka tsi li ghȩ̀ȩ̀ne a èbem ndzěm a.”

Lûk 24:19

Yesò mè mbììte nê, “Ka ànəê à?” Bɔ bɨ̀ɨ̀lè nê, “Ànəa a ghɨ̀ ane Yesò wu, tà wu wòt Nazàlet la. Tà lè wu ndàꞋàtɔŋ Mbɔ̧ɔ̧mà, mbɔ̂ bɔbȩ e li nɨa tò mbɨ̀Ꞌɨ̀ wòt tàa ngɨ̀à mènəè kà ye fɨ̀Ꞌ ane èghɨ ègème tàa shuà mè ngɨ̀à la.

Lûk 13:33

Ka la mâ bɔ̂ ndɨ màa ghà wuê àdziꞋa e ngà la, laane bɔ̂ tetsɔꞋ, nè tètsɔꞋ vìa la. Maa ghɨ̀ ale, nkàà nê a bakà bɔ̀ŋ nê bɔ̀ buŋa ndàꞋàtɔŋ Mbɔ̧ɔ̧mà àdziꞋ ako tsa kà wua Jèlusalèm.

Ebùlù 2:1

MbɨꞋɨ àa nè la, ba neeta mbà̧à̧ mènəè nkûŋ mu ba zə la ntsɔ̧̀, mbɨ̀Ꞌɨ̀ ka àghɨa ko a ghɨ̀ ba sà mùà.

Matìù 21:11

Ènɔ̧̂ bòt bu e nê “Eyaa wu ndàꞋàtɔŋ Mbɔ̧ɔ̧mà wu èlen tò wu Yesò, tà dzəa Nazàlet àbâ àlaꞋ a Galìlî la.”