ÀfaꞋa 3:19 - Mundani

¹⁹ È wu ale, bɨ̀ waꞋa mènəè kàbɔ̀ŋ mɨ̧, nkuŋe a Mbɔ̧ɔ̧mà mbɨ̀Ꞌɨ̀ taa waꞋa a kàbɔ̀ŋ wɨ̧,

ÀfaꞋa 3:19 Referans Kwoze

ÀfaꞋa 2:38

Pità bɨ̀ɨ̀lè èngǎ̧ wɔb nê, “Waa waa ane yɨ̧ waꞋa mènəè kàbɔ̀ŋ mi, bɔ zì atò a èdzî ane èlen Yesò Klistò. Bɨ ghɨ̌ ale, ko Mbɔ̧ɔ̧mà naa waꞋa mènəè kàbɔ̀ŋ mɨ̧ e mě zǐ Fo Kèfə ane yɨ̧.

Matìù 18:3

mbɔ̂ nê, “Ane nkûŋ, tsiꞋ è shua wɨ̧ nê bɨ bakà kùbte ane mènəè mɨ̧ te tsiꞋi mbɨ̀Ꞌɨ̀ bɔtechɨɨle, ko bɨ̀ ka lɔ̀Ꞌɔ̀ àlia e nyi a kèfɔ̧̀ Mbɔ̧ɔ̧mà à.

Matìù 13:15

Nkàà nê bòt baa e bakà ghaꞋa mèntɨ̧ɨ̧ mɔb, mbɔ̂ nchùkte ètû̧ bɔb mè nkàte àghɨ ayɔb. Mbɨ̀Ꞌɨ̀ ka bɔ gha ghɨ̌ nɨ̀ àghɨ ayɔb ndze, mè nɨ ètû̧ bɔb ndzə, ndɔ̀Ꞌ nko ane mèntɨ̧ɨ̧ mɔb, ngèble awɔb nkɨ̀Ꞌɨ̂ maa bə awɔb.’

2 Tèsàlonikà 1:7

e bɔ̂ ghɨ bɨ̀a wu ndzea ngoꞋ la aa yète, fɔ̀ɔ̀lè awa mɨ̧̂. Aa li ewu anè, ane àli yu Yesò Lefɨ̀Ꞌ nàa saꞋa a ègwet a èbem èwet ngòꞋà la, nè bɔntu̧ bi bu mètàŋ mɔb è ghe la.

ÀfaꞋa 11:21

Mbɨ̀Ꞌɨ̀ bɔ̀ɔ ntsɔ̀tà la, mètàŋ Mbɔ̧ɔ̧mà wu ane yɔb tè bòt nyaŋ e taꞋa bɨ̧ɨ̧ne a Yesò, mè ndzì mèntɨ̧ɨ̧ mɔb ane tò.

2 Pità 3:8

Bèshu̧ bɔ̧, bɨ̀ ka ndèènè ànəê yaa yeamɔꞋ la nê, aa abua Mbɔ̧ɔ̧mà àliabȩ yeamɔꞋ à ka kubte ane èngùꞋebȩ tɔsì. Àliabȩ ngaa yeamɔꞋ la, nè èngùꞋebȩ ngaa tɔsì la abua tò bê ngu wuê àghɨ yeamɔꞋ.

ÀfaꞋa 28:27

Ndɨ̀ wu bɔ̀ baka ghaꞋte mèntɨ̧ɨ̧ mɔb abua Mbɔ̧ɔ̧mà, ndììme ètû̧ bɔb, mè nkàbte àghɨ ayɔb la. A ghɨ̂ à ka wu ale, ko àghɨ ayɔb aà ndzèa èdziꞋ, ètû̧ bɔb e zəa èdziꞋ, mèntɨ̧ɨ̧ mɔb koa mènəè, bɔ kubtà, nkɨ̀Ꞌa abua am, e mbəa wɔb.’ ”

1 Pità 2:25

Bɨ li ndzaãaã ngua ndèma mbɨ̀Ꞌɨ̀ njɨ̀te tèa ngà tèbaꞋ tèbaꞋ la, ka nè àfɨ̀Ꞌ yaa bɨ kua akwèn tè nkɨ̀Ꞌɨ̂ abua mbaabà njɨ̀ wu è wu wòt tàa mbààba awɨ̧ la.

2 Tèsàlonikà 1:10

Taa li nkɨ̀Ꞌɨ̂ ane àlia mbɔŋ bòt Mbɔ̧ɔ̧mà bu è wu èbe tò la bàgème aa lɔ̀kè èlen tò etsàa ègwet, bòt bu bɔ bɨ̧ɨ̧ne ane tò la aa ŋa kènuke abua tò. Bɨ wu ayɔɔ bòt baa nkàà nê bɨ bɨ̧ɨ̧ne ànəa ba li shu awɨ̧ la.

ÀfaꞋa 11:18

ÀfɨꞋa bɔ zə èngǎ̧ waa la, bɔ̀ ka tsi feele a Pità. Bɔ bùꞋ ntsiꞋi me wùꞋte a Mbɔ̧ɔ̧mà shua nê, “Ale Mbɔ̧ɔ̧mà ghɨ̀ ndɨ bòt kà wu Bèjuê àa waꞋa mènəè kàbɔ̀ŋ mɔb ebɔ mèmpème mɨ̧̂ la.”

Lûk 1:16

Taa li ghɨ̌ bòt èpfəè àlaꞋ Izəèlȩê nyaŋ aa kua akwèn ekɨꞋɨ abua tǎt wɔb Mbɔ̧ɔ̧mà.

Lûm 11:25

Bɔnyɨ bɔ̧, ànəa ndò̧ àko aa və màa nkɨà bɨa ko la, mbɨ̀Ꞌɨ̀ bɨa baka wua mɨ̀ɨ̀tà nê bɨ ko nyaŋ. Ànəa mbɔŋ wu nê, àtsəa kekweelè Bèjuê à ka li wu àfɨ̀Ꞌ àgème a. Aa li lìa àfɨꞋa kèmpà̧ bòt kà wu Bèjuê bu Mbɔ̧ɔ̧mà làà àwɔb la, è kùꞋù la.

ÀfaꞋa 17:26

Tà li mbɨ̀ ngɨ̀ mbâ̧ yemɔꞋ mbɔ̂ ndɔ̀Ꞌ nɨ atò ngɨ̀ tèwuute bòt àlaꞋ ègème àa ngɔ̀ŋ ŋaa la. Tà li me laꞋ nê yea ngɨ̀ àwɔb, ndzaŋe nɔ̀ŋè ngule èfɨ̀Ꞌ nè mèlɨ̀ èdziꞋi bɔ̀ɔ li me tseke la.

ÀfaꞋa 15:3

Bòt chɔsì bu e nɨa awɔb ngà ntsaa alu̧. Mbɨ̀Ꞌɨ̀ bɔɔ ntsea àlaꞋ a Fònisìà nè Sàmalìà la, bɔ me shu bòt ndɨ bòt kà wu Bèjuê e kubte tê ntsìꞋi bòt Mbɔ̧ɔ̧mà la. ÀfɨꞋa bɔnyɨ bu bàgème e zə ntu̧ yaa la, ànəa ngaa a taꞋa bɔ̀ àwɔb.

ÀfaꞋa 3:21

Tà bɔ̂ ndɨ tàa tseke ègwet tè Mbɔ̧ɔ̧mà naa gheble èghɨ ègème aa tsiꞋi be fi mbɨ̀Ꞌɨ̀ tà li ngɨ̀ ngule bèndàꞋàtɔŋ tò be làꞋ, tê àfɨꞋa mbì la.

ÀfaꞋa 1:6

Yesò bɔ̂ bɔntu̧ bi bu e tseke a si àfɨ̀Ꞌ àko, bɔ biite atò nê, “Tê, tè à bèle vəèəè a kèfɔ̧̀ abua bòt Izəèlȩê?”

Ètsə 21:4

Tàa yòò mèsi ègème àghɨ ayɔb, èvə è ka wu li tsi wu, wòt kà wu li tsi edɨ̌ ko me shùù mèsi leꞋ, àdziꞋa wòt à kà wu li tsi saa, nkàà nê èghɨ nyaꞋ e tsě ègème.”

2 Tɔ̀màtià 2:25

Tà bɔ ndɨ tàa baãaã èntɨ̧ɨ̧ vi ka me kɨɨte bòt bu ntù̧a èngà̧ wu tàa nyɨ̀Ꞌta la. Tà ghɨ anè ko ateko Mbɔ̧ɔ̧mà naa ŋa awɔb èlu̧ bɔɔ kubte mènəè kàbɔ̀ŋ mɔb e mě eko nkûŋ la.

ÀfaꞋa 3:20

mbɨ̀Ꞌɨ̀ Tǎt wa Mbɔ̧ɔ̧mà naa tu̧u̧ a Yesò wu tà wu Fɔ̧̀ tà li ndzɔꞋ etsàa abua yɨ̧ la, taa kɨꞋɨ e ghɨ̌ mèntɨ̧ɨ̧ mɨ̧ naa yète.

Ebùlù 4:1

Ndɨ̀ wu Mbɔ̧ɔ̧mà bakà kùbte mènkàꞋa mi nê baa li ekɨꞋɨ àdziꞋa yea ghɨ̌ baa yètè la, bɨ̀ me ko awɨ̧ mbɨ̀Ꞌɨ̀ ka wòt kǒ ane yɨ̧ bela ngɨ̀à tà kà tsi nkùꞋù è we tàa nyi àdziꞋa mbɔŋ la.

Lûk 22:57

Tà bê ntu̧ nê, “Àvi wàà, e mbakà ko atò.”