ÀfaꞋa 24:11 - Mundani

¹¹ Mbɨ̀Ꞌɨ̀ àwɔ̌ mbɔŋ à ye la, èli e bakà tse èghem ntsɔ̀b bebe mbɨ̀Ꞌɨ̀ e ndi nga a Jèlusalèm nê e nga e wùꞋte a Mbɔ̧ɔ̧mà la.

ÀfaꞋa 24:11 Referans Kwoze

ÀfaꞋa 24:1

Èli e li ntsè betà̧â̧, Ànàniàs wu tà wu àtsəa bèntsìà mèpɨ̧̀ Mbɔ̧ɔ̧mà la, gha a Sìsalìà bɔ̂ bɔɔjuŋ ko, mè nè kěm èsaꞋa kǒ èlen tò wu Tètulùs la, ngwȩ̀ȩ̀te mènəè Pɔ̂l è ghɨ̀ la, è shu abua Gɔvanɔ̀ Felìk a èbem lob èsaꞋa yu.

ÀfaꞋa 21:18

ÈtsəꞋ e tsi, Pɔ̂l nɨ̀ awa nê bà gha ndzea Jimsì. Bɔɔjuŋ ayɔɔ bòt Yesò bu e li ngu a si bàgème.

ÀfaꞋa 24:17

“E ndi ntsèke ane mèngùꞋ nyaŋ kà gha a Jèlusalèm. Ndɔ̀Ꞌ ale, ka nê e kɨ eghǎ abàꞋ və enɨ èkab ko eghǎ eŋa abua Bèjuê ba ko. E ndi ngua ngà mɨ̧̂ ekɨ̧ɨ̧me nyà̧ enɨ ŋa mènkɔ̀ŋke abua Mbɔ̧ɔ̧mà.

ÀfaꞋa 23:23

ÀfɨꞋa mbɔŋ, tǎt banyà̧ wu tɔ bɔɔjuŋ banyà̧ ko babe, shu abua yɔb nê, “Bɨ̀ taŋke banyà̧ ènkɨ̀ yebe, bɔ̀ɔ gha Sìsalìà la. Bɨ̀ taŋke beko èghem yesà̧à̧mbe bèa kɔꞋɔ a ègwet bèloà la, fɔ̀ɔ̀lè ne èbeko ènkɨ̀ yebe bèa bèà tèghɔŋtsə la. Bɨ̀ me taŋke ale, bɨ ko nê, naa me wu ane nyèm tebəèꞋa ètsəꞋ waa, bɨ lɔꞋɔ a mànga.

ÀfaꞋa 23:11

È lɔ̀Ꞌ me wu ètsəꞋ, Waã Mbɔ̧ɔ̧mà è kɨ̀Ꞌɨ̂ è shu abua Pɔ̂l nê, “Ka mbɔ̀a! Mbɨ̀Ꞌɨ̀ à nyɨꞋte nkûŋ yu à ko ane yaã a Jèlusalèm ŋaa la, à bɔ ndɨ àa ghɨ̀ wuê a èlɨ mbɔŋ a Luêm la.”

ÀfaꞋa 22:30

Tǎt banyà̧ wu li ngua nkɨ eko àghɨ yu a chɨɨmè ngɨ̀ ka Bèjuê e me kɨ a Pɔ̂l ebùŋè la. ÈtsəꞋ e tsi, tà ghɨ̀ bɔ yaa a Pɔ̂l, mbɔ̂ ntɔ bèntsìà mèpɨ̧̀ Mbɔ̧ɔ̧mà nè bòt èsaꞋa ko bu bàgème nê bɔ bu̧u̧ta. Tà nɨ a Pɔ̂l ngà ngɨ̀ tà tɨ̧ɨ̧ a mbì lɔb.