ÀfaꞋa 23:5 - Mundani

⁵ Pɔ̂l bɨ̀ɨ̀lè nê, “Bɔnyɨ bɔ̧ bòt Izəèlȩê, mâ ghɨ̂ è nka ko nê tà wu àtsəa bèntsìà mèpɨ̧̀ Mbɔ̧ɔ̧mà. Àkata Mbɔ̧ɔ̧mà a laꞋnê, ‘À ka ndaꞋa kàbɔ̀ŋ adù̧ wòt tà wu àtsəa bòt bê la’.”

ÀfaꞋa 23:5 Referans Kwoze

2 Pità 2:10

Mbɔ̧ɔ̧mà naa ghɨ̀ anè te tsě, ane bòt bu bɔ̀ɔ ngɨ̀à wuê èbɨꞋte èghɨ bu mbɨ̧te ènyit tɔb tèa nkɨà la, bɔ̀ ka mê ngua ndzəa bòt bu bɔ̀ wu àtsəa yɔb la, ka è màà ngu wuê wà leꞋ. BènyɨꞋtà fɨte ngaa e kweele àtsə mè mbɔ̀ mètsəê kàbɔ̀ŋ tè bɔ̀ ka tsi ngua mbɔ̀a elàꞋa kàbɔ̀ŋ adù̧ èghɨ àa ntsèka a ègwet la.

ÀfaꞋa 24:17

“E ndi ntsèke ane mèngùꞋ nyaŋ kà gha a Jèlusalèm. Ndɔ̀Ꞌ ale, ka nê e kɨ eghǎ abàꞋ və enɨ èkab ko eghǎ eŋa abua Bèjuê ba ko. E ndi ngua ngà mɨ̧̂ ekɨ̧ɨ̧me nyà̧ enɨ ŋa mènkɔ̀ŋke abua Mbɔ̧ɔ̧mà.

ÀfaꞋa 23:4

Bòt bu a ngèt Pɔ̂l la e biite atò nê, “À ghɨ̀ na ka me tsɔ̧̀ɔ̧̀tè àtsəa bèntsìà mèpɨ̧̀ Mbɔ̧ɔ̧mà à?”