ÀfaꞋa 23:16 - Mundani

¹⁶ Mbɨ̀Ꞌɨ̀ bɔ̀ɔ ntà̧aã ale la, wambâ̧ kǒ è wu waã wanyɨ Pɔ̂l la zə, ndùùlà nga a èbem lob kèkweelè banyà̧ yu, è shu atò.

ÀfaꞋa 23:16 Referans Kwoze

ÀfaꞋa 23:10

Àŋȩte yu a ghɨ̀ ale, mè nkwèèle, tè tǎt banyà̧ wu tsiꞋa mbɔ̀ɔ mbɨ̀Ꞌɨ̀ bòt bu e saãaãte a Pɔ̂l. Ale, tà tsàà bèshujà bi bu nê, bɔ̀ chu ngà a kètsìà bòt bu faa a Pɔ̂l nɨŋ ngà nɔŋe a èbem lob kèkweelè yɔb yu.

1 Kɔlìn 3:19

Nkàà nê, àghɨa bòt ngɔ̀ŋ àa ntɔ nê wu èyì la, Mbɔ̧ɔ̧mà nàà nɨa nê wu àghɨ̧̀ɨ̧̀nè. Àkata Mbɔ̧ɔ̧mà a laꞋnê, “Mbɔ̧ɔ̧mà nàà nɨa bèyuŋ bòt èyì nɨa ntà̧aã awɔb.”

ÀfaꞋa 23:32

ÈtsəꞋ e tsi, banyà̧ bu ngȩȩna a èka la e kua akwèn ngwènè a lob yɔb yu, sà èbu a ègwet bèloà la bɔ̀ nɨ a Pɔ̂l me ghà ne mbì.

ÀfaꞋa 21:34

Bòt ko a kètsìà ènɔ̧̂ bòt bu e me ŋȩa shua ànəê ako, èbeko e me ŋȩa shua àyea tsa. Bòt e làꞋà nèmbuꞋ tè a tsè a tǎt banyà̧ wu taa chɨɨme eko ngule àghɨ yu a ghɨ̂ ngɨ̀ la. Ale, tà tsiꞋi shu abua banyà̧ bi nê, bɔ̀ nɨ a Pɔ̂l nkɔꞋ nga a èbem lob kèkweelè yɔb yu.

ÀfaꞋa 21:37

Mbɨ̀Ꞌɨ̀ bɔ tsiꞋa nkɨ enɨ a Pɔ̂l eghǎ a èbem lob kèkweelè yu la, tà shu abua a tǎt banyà̧ wu nê, “TsiꞋ è shu awê ànəê àko?” Tǎt banyà̧ wu biite nê, “Ɔ̀ɔ̀, àà nyǎ̧ ndàꞋà ndɨ̧ bòt Glɨ̂k?

ÀfaꞋa 23:17

Pɔ̂l wu, tɔ wajûŋ banyà̧ kǒ, shu abua tò nê, “Nɨ wakèsà waa nga abua tǎt banyà̧ wu, tà bɔ ànəê àko tàa nkɨ eshu abua tò la.”

ÀfaꞋa 24:23

Tà ghɨ̀ ale, tà shu abua wajûŋ banyà̧ wu tàa mbààba a Pɔ̂l la nê, tà nɨ atò nɨŋ ngà. Mbɔ̂ mè nê, tà ka me lɨ̀ŋke atò nyaŋ, nê tà nyaꞋa ŋa atò èlu̧ ndɨ betsiꞋa bèshu̧ tò e ko ŋa atò èghɨ tàa nkɨ̀ŋkà la.