ÀfaꞋa 21:4 - Mundani

⁴ Ba dzə ale ndze bòt Yesò ko abàꞋ və, ntsèke èli besà̧à̧mbe ba tò ba. Fo Mbɔ̧ɔ̧mà è ghɨ̀ bɔ shu abua Pɔ̂l nê tà ka nga a Jèlusalèm.

ÀfaꞋa 21:4 Referans Kwoze

ÀfaꞋa 28:14

Bà nyi abàꞋ və, ba ye bɔnyɨ ba ko bɔ shu abua ya nê, ba tò ba è tseke ane èli besà̧à̧mbe. Eyaa wu ndɨ ba li ngɨ̀ tè nyi a Luêm la.

ÀfaꞋa 19:1

Àpolòs li ngu a Kɔlìn ale, Pɔ̂l me ghȩ̀ȩ̀nè àzi a èbem àlaꞋ a Esìà tè ngà nyi a Efesɔ̀s. Tà nyi abàꞋ və, tà ye bɔkatè ko,

ÀfaꞋa 11:26

Tà ye atò, ta nɨ atò nkɨ̀Ꞌɨ̂ a Antìɔ̀k. Ane èngùꞋebȩ ngaa ègème, bɔ̀ɔ̀ wu babe la e me fàꞋà nɔ̂ nè bòt chɔsì mè nyɨ̀Ꞌta mènəè Yesò abua ènɔ̧̂ bòt. È li ndɔ̀Ꞌ ngu a Antìɔ̀k və bɔ li mbɨ̀ ntɔ bɔkatè Yesò nê wu Bèklɨtèn la.

Matìù 10:11

“Bɨ ghɨ̀ bɨ̀ gha a èpfəè ènɨ̧, kò èbe techɨɨle leꞋ, bɨ kɨ ngule wòt tà kɔ̀ŋkè esèe àwɨ̧ la, ntsèke bɨ tò ba, te àlia bɨa me ghà la a kùꞋ.

Ètsə 1:10

Mbɨ̀Ꞌɨ̀ è ngu abot ane Àliapfəèa Mbɔ̧ɔ̧mà ako la, Fo Mbɔ̧ɔ̧mà e kɨꞋɨ ane yaã, e ndzə àtɔŋ ko akwèn yaã ndàꞋà mbɨ̀Ꞌɨ̀ èsɔndɨk.

2 Tɔ̀màtià 1:17

Tà li mbê nkɨ̀Ꞌɨ̂ nyi a Luêm ale, mbùꞋ me kɨ am tè ngɨ̀ ndzè am.

ÀfaꞋa 9:16

Mmɔ̌ mbɔŋ, maa nyɨꞋte atò ngoꞋ tàa ye mbɨ̀Ꞌɨ̀ e ghɨ̌ bòt àa ko am la.”

ÀfaꞋa 21:16

ÀbəꞋa bɔkatè Yesò ko a Sìsalìà və a nɨ awa nga ntsaa a lob wòt kǒ bà le wua nga me tseke a lob tò la. Èlen ŋut li ngu Masɔ̀n, tà bɔ̂ ngu wòt Sȩplùs. Tà li ngu wakatè Yesò e bùꞋù te ane èli mbì bu.