ÀfaꞋa 20:12 - Mundani

¹² Bòt bu e nɨ̀ wakèsà wu tà yu̧u̧me la me ghǎ àpfəè. Bɔɔ̀ ngà ale mèntɨ̧ɨ̧ mɔb fi.

ÀfaꞋa 20:12 Referans Kwoze

2 Tèsàlonikà 2:16

Maà ntsàꞋta Yesò Klistò Lefɨ̀Ꞌ wa zìambɔŋ bɔ̂ Tǎt wa Mbɔ̧ɔ̧mà ane ànəa yɨ̧. Mbɔ̧ɔ̧mà nàà nkɔ̀ŋkà wa, mè nɨa ntsɔ̧̀ vi ndzìà mèntɨ̧ɨ̧ ma àfɨ̀Ꞌ àgème, ngɨ̀à ba kuula mèntɨ̧ɨ̧ ma nchɨ̀Ꞌà àghɨ yu è wù àyea ntsɔ̧̀ la.

1 Tèsàlonikà 5:14

Bɔnyɨ, baa shù̧ù̧ta awɨ̧ nê bɨ̀ səèŋke ètû̧ bèlɔŋ, ndzì mèntɨ̧ɨ̧ bòt bu bɔ̀ɔ mbɔ̀ɔ la, ntɨ̀ŋe bòt bu bɔ bɔ̀ɔ njùa la, mè me bɔɔle awɨ̧ ka ngɨ̀à mènəè nè waa waa.

2 Kɔlìn 1:4

Tàà ndzìà mèntɨ̧ɨ̧ ma àfɨ̀Ꞌ àgème bà ndzea ngoꞋ la, mbɨ̀Ꞌɨ̀ bàambɔŋ aa me koa nɨa mèntɨ̧ɨ̧ kèfi màa Mbɔ̧ɔ̧mà ŋa abua ya la ndzìà mèntɨ̧ɨ̧ bòt bu ngoꞋ kwene ane yɔb la mɨ̧̂.

1 Tèsàlonikà 5:11

È wu ale, waa waa ane yɨ̧ me zǐ èntɨ̧ɨ̧ wanyɨ vi mè ntɨ̀ŋe atò wuê mbɨ̀Ꞌɨ̀ bɨ̀a ngɨ̀à àfɨ̀Ꞌ yaa la.

1 Tèsàlonikà 4:18

Mbɨ̀Ꞌɨ̀ àa anè la, bɨ̀ nɨ mèngà̧ maa nɨŋ ndzì èntɨ̧ɨ̧ waa waa.

1 Tèsàlonikà 3:2

bà tsàa wanyɨ wa Tɔ̀màtià, wɔ̀fàꞋ Mbɔ̧ɔ̧mà abua yɨ̧. Ba tò ba aà fàꞋà nɔ̂, a màntsɔta Ntu̧ Ntsɔ̧̀ Yesò Klistò. Ba li ntsà atò nê tà kɨꞋɨ ndɔ̀ktè mèntɨ̧ɨ̧ mɨ̧, ngɨ̀ bɨ̀ me kweele ane èntɨ̧ɨ̧ wɨ̧ wu bɨ zi ane Yesò Klistò la.

Efesɔ̀s 6:22

Eyaa wu lə è ngua ntsaa tò abua yɨ̧ la, mbɨ̀Ꞌɨ̀ taa ghɨ̌ bɨa ko ndɨ bàa la, e ghɨ̌ àyea mbɔŋ aa zì mèntɨ̧ɨ̧ mɨ̧.

ÀfaꞋa 20:11

Pɔ̂l ghɨ̀ ale, tà mè nkɔꞋ nga àtsəalob yu, mbòꞋa bled nkwet bɔ̂ bòt Yesò bu. Tà ghɨ̀ ale, tà me làꞋà bɔ̂ tò ba tè nyèm saꞋ tà me ghǎ.

ÀfaꞋa 20:13

Ba li nyǐ a èbem taꞋà ànkànuꞋ tè ngà ngu àpfəèa Asɔ̀s è wu àdziꞋ yu bàa gha enɨ a Pɔ̂l abot la. Tà li shu awa nê bà kwene ane zi abot nkàà nê tà li ngua nga eghȩ̀ȩ̀ne àka.