Biblia Todo Logo
Bib sou entènèt

- Piblisite -




ÀfaꞋa 2:5 - Mundani

5 Bèjuê è le wuê a Jèlusalèm, bòt bɔ̀ɔ̀ nkùkta Mbɔ̧ɔ̧mà bɔ dzəa èlaꞋ ègème a ngɔ̀ŋ ŋaa la.

Gade chapit la Kopi




ÀfaꞋa 2:5
17 Referans Kwoze  

Stifèn pfə ale, bòt Mbɔ̧ɔ̧mà ko e tu atò mbɔ̂ ndɨ̀ atò kwàꞋ ànyaꞋne.


È li ngu àfɨꞋa mbɔŋ wòt kǒ wu a Jèlusalèm èlen tò wu Simiòn. Tà li ngua nkùkta Mbɔ̧ɔ̧mà mè ntɨ̧ɨ̧ ndɨŋndɨ̀ŋ a mbì tò. Tà li ngua nchɨ̀Ꞌà àlia bòt Izəèlȩê bɔ̀ɔ li dzəâ a èbem ngoꞋ tɔb la, Fo Kèfə mè ngu ane tò.


Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.


“Wòt kǒ li ngu abàꞋ və èlen tò wu Ànàniàs la, mbɔ̂ ngu wòt Mbɔ̧ɔ̧mà, me kùŋe mbɨ̧ ta. Bèjuê bàgème bèa ntsèka a Dàmaskɔ̀s la e mè ntàꞋa wua nguꞋta atò.


Ka Bèjuê e tsòkè ètsə bɔɔjuŋ bu àpfəèà nɨ̧ və la, fɔ̀ɔ̀lè ne bèzi kekweelè bu kà wu Bèjuê bɔ̀ɔ nkùkta Mbɔ̧ɔ̧mà la. Bɔ bùꞋ me kɨ̀ŋe a Pɔ̂l bɔ̂ Bànabasì tè fəè àwɔb àlaꞋ və.


Wantu̧ Mbɔ̧ɔ̧mà wu tà wua ndàꞋa abua tò la è ghǎ, Kɔ̀nelìà tɔ ndaŋe bɔfàꞋ bi babe nè shujà kǒ, tà kǒ a Mbɔ̧ɔ̧mà mè ngu wòt tàa fàꞋà ngule mènəè Kɔ̀nelìà la.


Ta li ngu wòt Mbɔ̧ɔ̧mà, me wùꞋtè a Mbɔ̧ɔ̧mà bɔ̂ bòt bi bàgème, mè ntàꞋa wua ntɨ̀ŋa bòt ntseb ayɔɔ Bèjuê, mè ntsàꞋtà a Mbɔ̧ɔ̧mà àfɨ̀Ꞌ àgème.


Filìb dzəè mbà̧à̧ èlu̧, ngà kwene ane wòt nɨ̧ ko tà dzə àlaꞋ a Ètìopìà tàa nkua akwèn nga àlaꞋ yɔb la. Mbê waa li ngu wòt nɨ̧ àtsəa lob èkab Kàndasì è wu àvi tà li ngu fɔ̧̀ àlaꞋ a Ètìopìà la. Tà li ndzəè nè Jèlusalèm ewùꞋte a Mbɔ̧ɔ̧mà, mbɔ̂ ngu a ègwet èwuu àkàt ako bɔ ghɨ̂ ndzì mèliꞋ bèloà be me səè la. Tà tseke ale me ghȩ̀ȩ̀na ntɔ àdziꞋa ko a èbem àkatè yu Àsayà ndàꞋàtɔŋ Mbɔ̧ɔ̧mà li shɨŋ la.


Àlia Pentekɔ̀s a li me kɨꞋɨ, bòt bu bɔ zì mèntɨ̧ɨ̧ mɔb ane Yesò la e bu̧u̧te adzìꞋ yeamɔꞋ.


Bòt Glɨ̂k ko e li ngu àyɔb ayɔɔ bòt bu bɔ kɔꞋ ngà a Jèlusalèm àdziꞋa èpǎ̧ wu ewùꞋte a Mbɔ̧ɔ̧mà la.


Wòt kǒ ane yɔb bɔ̀ɔ ntɔ atò nê Klìopà la biite a Yesò nê, “À wu ndàꞋ wòt ane bòt baa bàgème a Jèlusalèm kà zə ànəa a ghɨ̀ ane èli baa e tsè la à?”


Waã Wòt naa li saꞋa ane èli bu tàa li kɨꞋɨ la, mbɨ̀Ꞌɨ̀ ègwelebuule àa ngɨ̀ e kaꞋa abà yaa ngà ngu a zià la.


Bɔɔ li tsɔ̀te Ntu̧ Ntsɔ̧̀ kèfɔ̧̀ Mbɔ̧ɔ̧mà yaa a èlaꞋ ègème a sitsǎꞋ mbɨ̀Ꞌɨ̀ waa waa naa zə, ka ngɔ̀ŋ naa lìa.


Swiv nou:

Piblisite


Piblisite