ÀfaꞋa 17:11 - Mundani

¹¹ Bèjuê bu adzìꞋ yaa la e li ngu bòt bɔ̀ɔ nkɨ eyute èngǎ̧ Mbɔ̧ɔ̧mà la, tè ntsè bòt Tèsàlonikà. Bɔ̀ɔ ngɨ̀, bɔ me nèèta njùta èngǎ̧ Mbɔ̧ɔ̧mà wu, tè è ghɨ̀ è wu àli àgème, bɔ me ghaꞋte èdziꞋ èkatè Mbɔ̧ɔ̧mà ndɨ̀ŋkà nê tè èngǎ̧ wu Pɔ̂l è làꞋa la lâ ngu nkûŋ leꞋ.

ÀfaꞋa 17:11 Referans Kwoze

Jɔ̌n 5:39

Bɨà ntɔ Àkata Mbɔ̧ɔ̧mà ànyaꞋne ntsìꞋa nta nê wu yùà ka àa ghɨ̌ bɨa ko ndɨ wòt nàa bɔ mèmpème kàlìà la. Àkate mbɔŋ aa ndàꞋà ànəa wòt è ngu wùà la,

1 Tèsàlonikà 2:13

Lə kǒ bàa mè ntsèka nkɔ̀ŋkà a Mbɔ̧ɔ̧mà la wu nê, ba li ndàꞋà èngà̧ wu e dzə abua Mbɔ̧ɔ̧mà la abua yɨ̧ ale, bɨ zə mbɨ̧̀ɨ̧̀nê. Bɨ li mbɨ̧̀ɨ̧̀nê nê, è ntsě èngǎ̧ wɔ̀bȩ̂, nê wu èwe Mbɔ̧ɔ̧mà, è bɔ̂ ngu kwàꞋ èngǎ̧ Mbɔ̧ɔ̧mà. Wu èngǎ̧ mbɔŋ Mbɔ̧ɔ̧mà nɨŋ me fàꞋa ane yɨ̧ wu bɨ zì mèntɨ̧ɨ̧ mɨ̧ ane tò la.

Matìù 13:23

È me wu èsaãaãme wu e kwente a si ntsɔ̧̀ la, e wu mbɨ̀Ꞌɨ̀ bòt bu bɔ zə èngà̧ wu e nyi àtsəa yɔb bɔ me ghɨ̀ àghɨa e shua la tè ntsìꞋi mbɨ̀Ꞌɨ̀ èsaãaãme wu e kɔɔle tètaã ènkɨ̀, è weko èghem yentùa nè weko èghem yetat la.

1 Tèsàlonikà 1:6

Bɨ li ngua fɨ̀ŋa mènəè ma, nè me Tè Yesò. Bɨ li mbàtè ntàꞋa ye ngoꞋ, a tèkitebu bòt, ka mbɔ̂ mbɨ̧̀ɨ̧̀nê wuê Ntu̧ Ntsɔ̧̀ yu nè mèngùꞋte mu Fo Kèfə nàa ŋǎ la.

Jɔ̌n 3:21

Ka wòt tàa ngɨa mènəè nkûŋ la, nàà nkɨ̀Ꞌa a èbem èkaꞋà mbɨ̀Ꞌɨ̀ bɔɔ tsène eye ntsɔ̧̀ nê tàà ngɨ̀à àghɨa Mbɔ̧ɔ̧mà nàa nkɨà la.

2 Tèsàlonikà 2:10

Taa kɨꞋɨ enɨ àbɨꞋta èntɨ̧ɨ̧ efɨte bòt bu nga bê eleme la ane balu̧ bàgème. Bɔ gha eleme nkàà nê, bɔ li bɔ̀ ka wua nkɔ̀ŋkà nkûŋ yu nàa ghɨ̌ bɔɔ peme la.

1 Pità 2:2

Bɨ̀ la me nkɨ ngule èghɨjɨ bu Fo Mbɔ̧ɔ̧mà nàà ŋǎ la, wuê mbɨ̀Ꞌɨ̀ bɔkefi àa ngɨ̀ bɔ me kɨ èbɨ̧ bènyɨ̌ bɔb la, mbɨ̀Ꞌɨ̀ me tsə ane mèmpème mu Mbɔ̧ɔ̧mà ŋa abua yɨ̧ la.

Lûk 24:44

ÀfɨꞋa mbɔŋ tà shu abua yɔb nê, “Eyaa wu mènəè mu e ndi ngua shuà wɨ̧ àfɨꞋa e ndi mbèle ba nɨ̧̀ ba la, nê, àghɨ àgème bɔ shɨ ane yaã a èbem àkatè mbɨ̧te Musì, nè mènəè bèndàꞋàtɔŋ Mbɔ̧ɔ̧mà, nè è mu a èbem Àkata Mèkù̧ la, a bɔ ndɨ àa te la.”

Jimsì 1:21

È wu ale, bɨ waꞋa èbɨꞋte ènəê ègème nè mpàb yu è ghe a kètsìà wɨ̧ la, ŋɔ̀Ꞌne a si mbɨ̧̀ɨ̧̀ne èngǎ̧ Mbɔ̧ɔ̧mà wu tà liꞋi a mèntɨ̧ɨ̧ mɨ̧ e bɔ mètàŋ e ghɨ̌ bɨa peme la.

ÀfaꞋa 10:33

Ale, e mbê ntu̧ ntɔ awê. À ghɨ̌ ntsɔ̧̀ na à kɨꞋɨ la. Bàa gème e wu anè adzìꞋ yaa a mbì Mbɔ̧ɔ̧mà nkɨ ezə ànəa tà tu̧u̧ awê nê à kɨꞋɨ shu awa la.”

ÀfaꞋa 2:41

Tà làꞋa èngǎ̧ mbɔŋ ale, bòt nyaŋ abot və e bɨ̧ɨ̧nè tè bɔ zì àwɔb a èdzî. Bòt mbɔ̀ŋè bètɔsì batat e nkwèꞋnè ane bòt Yesò bu ane àlia ngaa.

ÀfaꞋa 17:1

Pɔ̂l bɔ̂ Sȩlàs e ghɨ̀ ale, me ghȩ̀ȩ̀na ngà nè mbì, ntsè èpfəè nɨ̧ bu è wu Àmfipolìs bɔ̂ Àpòlonià la, ngà nyi a Tèsàlonikà, è wu àdziꞋa lob Bèjuê àa ntsàꞋta Mbɔ̧ɔ̧mà la, nàa abot la.

ÀfaꞋa 11:1

Bɔntu̧ Yesò nè bɔnyɨ ba adzìꞋ àgème àlaꞋ a Jùdià e li ndzə nê bòt kà wu Bèjuê e zə èngǎ̧ Mbɔ̧ɔ̧mà tè mbɨ̧̀ɨ̧̀nê mɨ̧̂.

Lûk 16:29

“Ka Abàlàghâm nê, ‘Bɔ bɔ a Musì nè bèndàꞋàtɔŋ Mbɔ̧ɔ̧mà, bɔ̀ yute awɔb.’

Lûk 1:2

Bɔ shɨ ènəê bu ba zə a ètsəê bòt bu bɔ li ndzè èghɨ mbɔŋ a mèmbuꞋu ndɔ̀Ꞌ ntsɔ̀tè la.

Lûk 11:3

Ŋa awa àli àgème èghɨjɨ e kùꞋ àwa la.