Bib sou entènèt

ÀfaꞋa 16:9 - Mundani

⁹ Pɔ̂l lɔꞋ a nyèmtèsi ndzě ndzò̧ me ko, wòt àlaꞋ a Màsèdonìà kǒ tɨ̧̂ me tɔ atò, shua nê, “Tu̧ nkɨ̀Ꞌɨ̂ a Màsèdonìà ntɨ̀ŋe awa.”

Gade chapit la Kopi

tounen moute ⬆

ÀfaꞋa 16:9
32 Referans Kwoze

ÀfaꞋa 19:21

Mbɨ̀Ꞌɨ̀ mènəè maa è tsè la, Pɔ̂l è kwàꞋtè nê yea ghǎ a Màsèdonìà, nga àlaꞋ Akayà, mbɔ̂ ntsè ngà nè mbì tè ngu a Jèlusalèm. Tà ghɨ̀ ale, tà mè nkwàꞋtè nê, ye ghà tè ngu abàꞋ və, ko yea ghà tê wu a Luêm.

ÀfaꞋa 18:5

Sȩlàs bɔ̂ Tɔ̀màtià e li ndɔ̀Ꞌ a Màsèdonìà nkɨ̀Ꞌɨ̂, Pɔ̂l tsiꞋi ŋa àfɨ̀Ꞌ àzi àgème a màntsɔta Ntu̧ Ntsɔ̧̀ yu, nèètà nyɨ̀Ꞌta Bèjuê nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la.

Lûm 15:26

Bòt Mbɔ̧ɔ̧mà bu a Màsèdonìà la, nè è bu a Akayà la e li ŋa èghɨ abua bòt ntseb bu ayɔɔ bòt Mbɔ̧ɔ̧mà bu a Jèlusalèm la nè mèngùꞋte.

ÀfaꞋa 20:1

Mbɨ̀Ꞌɨ̀ èdziꞋ e bente a Efesɔ̀s tè fi la, Pɔ̂l tɔ bòt Yesò, è shu abua yɔb nê bɔ̀ me nɨ èngǎ̧ Mbɔ̧ɔ̧mà ngà nè mbì, mbɔ̂ ndàꞋnè àwɔb me ghǎ. Ndɔ̀Ꞌ abàꞋ və ale, nga àlaꞋ a Màsèdonìà.

1 Tèsàlonikà 4:10

Bɨa ngɨa a èlɨ waa adù̧ bòt Yesò bàgème a Màsèdonìà ale à bɔnyɨ ba, baa shù̧ù̧ta awɨ̧ nê bɨ̀ me paa ngɨ̀à ale nɨa ngà nè mbì.

2 Kɔlìn 12:7

Mbɔ̧ɔ̧mà li tà kà wua nkɨà maa me ŋeꞋe tèkwȩ taã ane èghɨ bu e ghe tà ghaꞋte àghɨ am e ndze la. Ale, Mbɔ̧ɔ̧mà zì àghɨa ko ane yaã aa ghɔɔ am, ekele am mbɨ̀Ꞌɨ̀ e me ŋeꞋe tèkwȩ taã a ègwet nyaŋ. Àghɨ yaa a li ngu mbɨ̀Ꞌɨ̀ wantu̧ Satàn.

2 Kɔlìn 11:9

E ndi nguê màa ngɨ̀ è me kɨ̀ŋke àghɨ, è nka lɨŋkè wòt kǒ ane yɨ̧ nkàà nê, bɔnyɨ ba bu bɔ dzə a Màsèdonìà la e li ngua ŋǎ èghɨ màa nkɨ̀ŋkà la. Maa me ghɨ̀ wuê a èlɨ̀ waa ngà nè mbì. E nka me lɨ̀ŋke wòt kǒ ane yɨ̧ a ebàꞋa àghɨa ko a.

2 Kɔlìn 9:2

Mâ ko nê bɨ yaŋe wua nkɨ eŋa, tè e me ghàꞋtà am ane ànəa yɨ̧ abua bòt Màsèdonìà. E ndi shu abua yɔb nê, “Bɔnyɨ ba bòt Mbɔ̧ɔ̧mà a Akayà e li ndzaŋe taŋke a màŋa tè èŋubȩ̂.” Èntɨ̧ɨ̧ waa bɨ bɔ a màŋa la e lɔ̀ktè mèntɨ̧ɨ̧ bòt nyaŋ ane yɔb.

2 Kɔlìn 8:1

Bɔnyɨ ba, ba wua nkɨ e shu awɨ̧ àghɨa bèchɔsì bu a Màsèdonìà la e ghɨ̂ nɨŋ nyɨ̀Ꞌte a ntsɔ̧̀ Mbɔ̧ɔ̧mà la.

2 Kɔlìn 7:5

È li ngu àfɨꞋa bà wu a Màsèdonìà la, wòt kǒ ane ya ka bê ndzètè. Ba li ndzě ngoꞋ ane èbâ ègème, me ntàktè nè bòt, kèbɔɔ ke mè ngu a mèntɨ̧ɨ̧ ma.

ÀfaꞋa 20:3

ntsèke èŋu yetat. È tsiꞋ àfɨꞋa tàa ntàŋka eghǎ a Silìà la, tà ye nê Bèjuê aà ntà̧aã ebùŋè àvi. Ale, tà tsiꞋi ekua akwèn ngà ntsè nè Màsèdonìà.

ÀfaꞋa 10:30

Kɔ̀nelìà bɨ̀ɨ̀lè nê, “Nàà lɔ̀Ꞌ ngu àfɨ̀Ꞌ yaa anè, ane èli batat, e ngua ntsàꞋtà a Mbɔ̧ɔ̧mà a lob yaã ane nyèm tetat àfɨꞋa nèngû̧. AfɨꞋa mbɔŋ wòt kǒ kwaãaã ndìte tèa nkàꞋtà la, mbê nkɨ̀Ꞌɨ̂ ntɨ̧ɨ̧ a mbì laã

ÀfaꞋa 10:3

È me wu ane nyèm tetat ane àlia ko tà yè àtsə, mbê ndâ me ye wantu̧ Mbɔ̧ɔ̧mà kǒ nyi a lob, shu abua tò nê “Kɔ̀nelìà!”

ÀfaꞋa 9:38

Èndɨ̌ e li è ka wua saa elɔ̀Ꞌɔ a Jopà eghǎ a Lidà. AfɨꞋa bòt Yesò a Jopà e zə nê Pità wu a Lidà la, bɔ lɔ̀kè bòt babe ntù̧ awɔb nê, bɔ̀ gha shù̧ù̧te atò nê tà kɨꞋɨ kwàla ndzè àwɔb.

ÀfaꞋa 16:10

Mbɨ̀Ꞌɨ̀ Pɔ̂l è ye ndzò̧ yu la, ba bê ntàŋkê a mànga a Màsèdonìà, ngu ndɨ̀ wu Mbɔ̧ɔ̧mà è shu awa nê bà gha ntsɔ̀tè Ntu̧ Ntsɔ̧̀ yu abua bòt bu abàꞋ və la. waa bɔ̂ Pɔ̂l ba.

ÀfaꞋa 16:12

Ndɔ̀Ꞌɔ abàꞋ və, ngȩ̀ȩ̀ne a si nga a Filìpȩ, è wu àpfəèà nɨ̧ a kekweelè àbâ àlaꞋ a Màsèdonìà, mbɔ̂ mè ngu a èten àlaꞋ a bòt Luêm la. Ba ghà ale ntsèke abàꞋ və ane èli nyaŋ.

ÀfaꞋa 19:22

Ale, tà tsaa Èlastùs bɔ̂ Tɔ̀màtià, è wû bòt bɔ̀ɔ ntɨ̀ŋa atò la a Màsèdonìà, mbɔ̂ mè ntèꞋà zìambɔŋ ane àfɨ̀Ꞌ àko àbâ àlaꞋ a Esìà.

ÀfaꞋa 19:29

Bɔ ghɨ̀ ale, ŋȩ̀ tê bòt nyaŋ àpfəèà nɨ̧ yu e tsiꞋa ŋȩ̀a ŋȩ mɨ̧̂. Ènɔ̧̂ bòt bu e baãaã a Gayɔ̀s bɔ̂ Àlistakùs è wû bòt Màsèdonìà babe, bɔ̀ le wua ngȩ̀ȩ̀nà bɔ̂ Pɔ̂l ba la, nɨ̀ àwɔb ndùùlà nga adzìꞋa waa waa àpfəèà nɨ̧ və nàa mbù̧ù̧tà la.

ÀfaꞋa 27:2

Ba li ndzè taꞋà ànkànuꞋ ako a Àdàmitùm, bɔ taŋke tê a tsiꞋa nkɨ me ghǎ a èpfəè bu a ngèt èdzî, àbâ àlaꞋ a Esìà la, nyi a èbèm me ghǎ. Wòt àlaꞋ a Màsèdonìà kǒ, èlen tò wu Àlistakùs tà dzəè àpfəèa Tèsàlonikà la, li ngu ba tò ba.

Swiv nou:

Lyen patwone

Piblisite

Piblisite