ÀfaꞋa 15:5 - Mundani

⁵ Ka àbəꞋa bòt Yesò ko è wu bòt ènɔ̧̂ Bèfalèsiì la e lɔ̀Ꞌɔ a si nê, “Bɔ bɔ̂ ndɨ bɔ̀ɔ naŋe bòt bu kà wu Bèjuê la, bɔɔ mě me nɔ̀ŋe mbɨ̧te Musì.”

ÀfaꞋa 15:5 Referans Kwoze

ÀfaꞋa 15:1

Bòt ko e li ndɔ̀Ꞌɔ àlaꞋ a Jùdià nkɨ̀Ꞌɨ̂ a Antìɔ̀k me nyɨꞋte bɔnyɨ ba ko bu nê, “Bɔ bakà naŋe wòt mbɨ̀Ꞌɨ̀ mbɨ̧te Musì tèa nyɨ̀Ꞌta la, Mbɔ̧ɔ̧mà kà nɨa ŋut ane wòt vi.”

ÀfaꞋa 21:20

Mbɨ̀Ꞌɨ̀ bɔ zə èngǎ̧ tò la, bɔ wùꞋte a Mbɔ̧ɔ̧mà bàgème, mbɔ̂ shu abua Pɔ̂l nê, “Wanyɨ wa, à ye àwɔ̀ mbɔŋ ndɨ Bèjuê mbɔ̀ŋè bètɔsì kà pà̧ be zì mèntɨ̧ɨ̧ mɔb ane Yesò mbɔ̂ mbèla nkùŋà mbɨ̧ ta ntsɔ̧̀ la.

ÀfaꞋa 15:24

Ba zə nê bòt ko e li ndzə ayɔɔ aya kà ba tu̧u̧ awɔb nkɨ̀Ꞌɨ̂ ndàꞋà èbɨꞋte mèngǎ̧ kǒ nɨŋ ntsòkè mèntɨ̧ɨ̧ mɨ̧.

ÀfaꞋa 24:5

“Ba ye nê mbê waa wu kwàꞋ anyà̧kàbɔ̀ŋ a kètsìà bɔbȩ. Tàa ngɨ̀ tà tsě adzìꞋ àgème a ngɔ̀ŋ ŋaa, tà lɔ̀kè ngoꞋ a kètsìà Bèjuê. Tàa anè ngu ndâ wòt tà wu àtsəa ènɔ̧̂ bòt bu bɔ̀ɔ ntɔ awɔb nê bòt Nazàlet la.

Matìù 3:7

Ka àfɨꞋa tà ye Bèfalèsiì nyaŋ nè Bèsadùsiì nkɨ̀Ꞌa taa zǐ àwɔb a èdzî mɨ̧̂ la, tà bììte awɔb nê, “KwàꞋ bɨ̀a àndǎ̧ nyaãtekàbɔ̀ŋ, waa kɨɨte awɨ̧ nê bɨ̀ lùùla ntsǒ Mbɔ̧ɔ̧mà yu tàa ngà ètsàà la à?

ÀfaꞋa 5:17

ÀfɨꞋa mbɔŋ àtsəa bèntsìà mèpɨ̧̀ Mbɔ̧ɔ̧mà nè bèshu̧ bi bu be li ngu a ènɔ̧̂ Bèsadùsiì la, e me ghòꞋnè bɔntu̧ Yesò bu tè nê bɔ ghɨ ànəê.

ÀfaꞋa 24:14

TsiꞋ è mbɨ̧ɨ̧ne abua yê nê, maà ngùꞋtà a Mbɔ̧ɔ̧mà bètǎt nyaꞋ ba ane Alu̧ Yesò wu bɔ shua nê wu we fɨ̀te la. Mâ mê mbɨ̧ɨ̧nê mènəè ègème nàà a èbem àkata mbɨ̧te Musì, nè me nàa a èbem èkatè bèndàꞋàtɔŋ Mbɔ̧ɔ̧mà la.

ÀfaꞋa 28:22

Ka baa nkɨ ezə ànəa à wu a èntɨ̧ɨ̧ wê la, mbɨ̀Ꞌɨ̀ nê bòt aà ntsìà mpəəte ènɔ̧̂ bòt bu à wu bɨ tò ba la, adzìꞋ àgème.”

1 Kɔlìn 7:18

È wu nê Mbɔ̧ɔ̧mà me tɔ wòt bɔ naŋe tò tè ndɔ̀Ꞌ, tà ka me nyɔ̀Ꞌta nkɨ tsǐ àlȩê yu àa nyɨ̀Ꞌta nê bɔ naŋe tò la. È wu nê Mbɔ̧ɔ̧mà me tɔ wòt bɔ̀ ka zîꞋ nàŋe atò, tà ka me kɨ nê bɔ̀ naŋe avi.

Gàlashìà 2:11

AfɨꞋa Pità e kɨꞋɨ a Antìɔ̀k la, Pɔ̂l tu̧ ànəa Pità è ghɨ̀à la a ètsəê tò a mbì banɔ̧̀, nkàà nê tà fǎ̧ ànəê.

Gàlashìà 2:14

Ka àfɨꞋa mâ ye nê bɔɔ̀ kà ghȩȩne ndɨŋndɨ̀ŋ mbɨ̀Ꞌɨ̀ Ntu̧ Ntsɔ̧̀ Yesò kɨa la, e mbììte a Pità a mbì lɔb bàgème nê, “Àwɔ̀ waa à wu wòt Juê la, àa ntsìꞋa ngɨ̀à mbɨ̀Ꞌɨ̀ wòt kà wu wòt Juê anè tè ngu e ghɨ̀ na ka ŋwèèle bòt kà wu Bèjuê bɔɔ tsiꞋi Bèjuê à?”