ÀfaꞋa 13:5 - Mundani

⁵ Bɔ ghà tê bɔ̀ nyi àpfəèà nɨ̧ yu è wu Sàlamì la, bɔ làꞋ èngǎ̧ Mbɔ̧ɔ̧mà a èbem lobte tò. Bɔ me gha ale nɨa Jɔ̌n Mak nê tà ghǎ me tɨŋe awɔb.

ÀfaꞋa 13:5 Referans Kwoze

ÀfaꞋa 13:14

Bɔ lɔ̀Ꞌɔ a Pegà nga a Antìɔ̀k a èbem Pìsidìà. È wu àliapfəè a Bèjuê bɔ gha a lob Mbɔ̧ɔ̧mà yɔb ntsèke a si.

ÀfaꞋa 13:46

Ale, Pɔ̂l bɔ̂ Bànabasì e bê mpàa ndàꞋ kà bɔɔ̀. “À nyɨꞋtè nê bà bɨa ndàꞋ èngǎ̧ Mbɔ̧ɔ̧mà abua yɨ̧. Ka ndɨ̀ wu bɨ tu̧ èngǎ̧ wu la, bɨ̀ ka meè nɨ awɨ̧ mbɨ̀Ꞌɨ̀ bòt betsiꞋa bɔ̀ ka bɔ mèmpème kàlìà la, baa sà àwɨ̧ etsiꞋi eghǎ me tsɔ̀te ntu̧ yaa abua bòt kà wu Bèjuê.

ÀfaꞋa 19:8

Pɔ̂l me ghǎ a èbem lob Mbɔ̧ɔ̧mà Bèjuê ndàꞋà kà bɔ̌, bɔ̂ bòt ane èŋu yetat. Tà ghɨ̀ tà ghǎ, tà me kàànè bɔ̂ tò ba, nkɨ e ghɨ̌ tê bɔɔ ko, e mě ye àghɨa Kèfɔ̧̀ Mbɔ̧ɔ̧mà wu yùà la.

ÀfaꞋa 18:4

È ghɨ̀ è wu àliapfəèa àgème tà gha a lob Mbɔ̧ɔ̧mà me mù mènəè tò, nê ye kɨ e ghɨ̌ Bèjuê nè bòt kà wu Bèjuê aa zì mèntɨ̧ɨ̧ mɔb ane Yesò.

ÀfaꞋa 17:17

Ànəa mbɔŋ a ghɨ̀ bɔ̂ Bèjuê nè bòt kà wu Bèjuê bu bèa nkùkta Mbɔ̧ɔ̧mà la, e taꞋa kààne a èbem lob Mbɔ̧ɔ̧mà. Tà bɔ̂ mè me gha àsà̧aã èwen àli àgème nkàànà mènəè nè waa waa ntsèà tsě abot la.

ÀfaꞋa 14:1

Pɔ̂l bɔ̂ Bànabasì e li nga a Èkonìòm ale, mènəè bê nguê mbɨ̀Ꞌɨ̀ è li ntse a Antìɔ̀k la. Bɔ li nyi a èbem lob Mbɔ̧ɔ̧mà ndàꞋ èngǎ̧ e kweelè tè Bèjuê nyaŋ nè bòt kà wu Bèjuê e zì mèntɨ̧ɨ̧ mɔb ane Yesò.

ÀfaꞋa 12:12

Tà ko àghɨa a ghɨ ane zi la, tà gha a lob Màlià nyɨ̌ Jɔ̌n Mak. Bòt nyaŋ li ngu abot və ntsàꞋte a Mbɔ̧ɔ̧mà.

ÀfaꞋa 9:20

Tà li ndɔ̀Ꞌɔ abot mbê ngà nè lob Mbɔ̧ɔ̧mà Bèjuê mbùꞋ me làꞋà mènəè Yesò, shua nê, “Tà wu Waã Mbɔ̧ɔ̧mà.”

2 Tɔ̀màtià 4:11

Wu ndàꞋà Luêk tà tsìꞋì ba tò a si ŋàa la. Nɨ a Mak, bɨ tò è kɨꞋɨ nɔ̂, nkàà nê taa tɨŋe am ane àfàꞋ yaa.

Kɔ̀losìà 4:10

Àlistakùs wu ba tò è wu a tèfȩ nɔ̂ la nàà ntsàꞋtà wɨ̧. Mak wu tà wù waã wanyɨ Bànabasì la nàà ntsàꞋtà wɨ̧ mɨ̧̂. Bɨ ko nê mâ yaŋe shua wɨ̧ ndɨ bɨ yea Mak bɨ ghɨ̀ la. Ale, taa kɨꞋɨ bɨ sèe atò.

ÀfaꞋa 15:37

Tà shu ale, Bànabasì è bɨ̧ɨ̧nè mbɔ̂ me kɨ nê bɔ̀ nɨ a Jɔ̌n Mak,

ÀfaꞋa 12:25

AfɨꞋa mbɔŋ, Bànabasì bɔ̂ Sɔ̂l e paà àghɨa bɔ̀ le wua ngà e ghɨ̌ a Jèlusalèm la, mbɔ̂ nkua akwèn. Me kua ale, nɨa Jɔ̌n wu bɔ li ngua ntɔ atò nê Mak la, bɔ̂ tò ba e kua nɔ̂.

Matìù 20:26

À bakà bɔ ndɨ àa wu anè a kètsìà wɨ̧ la, ka wòt me kɨ ewu wɔ̀jûŋ ayɔɔ yɨ̧ tà bɔ ndɨ tàa wu mbɨꞋɨ̀ wafàꞋ abua ebeko la,

ÀfaꞋa 19:22

Ale, tà tsaa Èlastùs bɔ̂ Tɔ̀màtià, è wû bòt bɔ̀ɔ ntɨ̀ŋa atò la a Màsèdonìà, mbɔ̂ mè ntèꞋà zìambɔŋ ane àfɨ̀Ꞌ àko àbâ àlaꞋ a Esìà.

ÀfaꞋa 19:29

Bɔ ghɨ̀ ale, ŋȩ̀ tê bòt nyaŋ àpfəèà nɨ̧ yu e tsiꞋa ŋȩ̀a ŋȩ mɨ̧̂. Ènɔ̧̂ bòt bu e baãaã a Gayɔ̀s bɔ̂ Àlistakùs è wû bòt Màsèdonìà babe, bɔ̀ le wua ngȩ̀ȩ̀nà bɔ̂ Pɔ̂l ba la, nɨ̀ àwɔb ndùùlà nga adzìꞋa waa waa àpfəèà nɨ̧ və nàa mbù̧ù̧tà la.