ÀfaꞋa 13:41 - Mundani

⁴¹ ‘Bɨ̀a wu bɨa ngwȩȩta Mbɔ̧ɔ̧mà la, bɨ̀ ye! Bɨ̀ chɨŋka mpfəèꞋte! Nkàà nê àghɨa màa ngɨ̀à àli ayɨ̧ la, wu àghɨa wòt màà ngaꞋtè nyɨꞋte awɨ̧ ko bɨ̀ ka bɨ̧ɨ̧ne la a.’ ”

ÀfaꞋa 13:41 Referans Kwoze

1 Pità 4:17

ÀfɨꞋa Mbɔ̧ɔ̧mà naa saꞋa bòt la a kuêꞋ, tà bɔ̂ ngua nga ebùꞋu ane bòt bi. Tè tà wu ebùꞋu ane ya ko àa li ewu na ane bòt bu bɔ ntu̧ ebɨ̧ɨ̧ne Ntu̧ Ntsɔ̧̀ yu è dzə abua Mbɔ̧ɔ̧mà la à?

1 Tèsàlonikà 2:16

nkàà nê bɔɔ nkèla awa mbɨ̀Ꞌɨ̀ ba tsɔ̀Ꞌtè Ntu̧ Ntsɔ̧̀ Mbɔ̧ɔ̧mà yu tàa nɨa ngɨ̀à bòt e pema la abua bòt kà wu Bèjuê. Àyaa wu kàbɔ̀ŋ bɔ paà ngɨ̀ wuê mbɨ̀Ꞌɨ̀ bɔ̀ɔ ndzìà ngɨ̀à àfɨ̀Ꞌ àgème la. Ntsǒ Mbɔ̧ɔ̧mà bê nɔ̀ŋke àtsəa yɔb àfɨ̀Ꞌ yaa tè ndɔ̀Ꞌ.

ÀfaꞋa 13:47

Ale, eyaa wu mbɨ̧ Mbɔ̧ɔ̧mà è ŋa abua ya la, ‘Mâ tsàà awê nê à wu mbɨ̀Ꞌɨ̀ èkaꞋà abua bòt kà wu Bèjuê. Nê nyɨꞋte alu̧ mèmpème kàlìà abua bòt ngɔ̀ŋ yaa ègème.’ ”

ÀfaꞋa 22:21

“Yesò shu abua am nê, ‘Dù, nkàà nê maa nga etsàà awê a endɨ̌ abua bòt kà wu Bèjuê.’ ”

Lûk 16:14

Mbɨ̀Ꞌɨ̀ Bèfalèsiì e zə èghɨ bàa Yesò shu la, bɔ̀ bùꞋ me wȩ̀ȩ̀te atò nkàà ndɨ bɔ̀ɔ nkɔ̀ŋkà èkab nyaŋ la.

ÀfaꞋa 3:23

Wòt bakà yute ànəa ndàꞋàtɔŋ wu è shu la, ko Mbɔ̧ɔ̧mà naa li e tsǐ atò ayɔɔ bòt bi etsàa taa ghǎ enyɔ.’

ÀfaꞋa 6:14

Ba li ndzə tà me shu nê Yesò wòt Nazàlet naa li tsòkè lob nɨ̧ Mbɔ̧ɔ̧mà a Jèlusalèm, e mě kubte mènəè mu Musì li ntsaa abua ya la.”

Lûk 23:35

Ènɔ̧̂ bòt e tɨ̧ɨ̧ me ye, bɔɔjuŋ Bèjuê e me wȩ̀ȩ̀te atò shuà nê, “Tà li ngɨ̀ bòt ko e pem, tà tɨŋe avi zìambɔŋ àfɨ̀Ꞌ yaa mɨ̧̂, na tà wu Fɔ̧̀ wu Mbɔ̧ɔ̧mà yɔꞋ ntsà la.”