ÀfaꞋa 12:7 - Mundani

⁷ KwàꞋ àfɨꞋa mbɔŋ, wantu̧ Lefɨ̀Ꞌ saꞋ abot, èkaꞋà ko e bùꞋ me beꞋe a lob tèfȩ yu. Wantu̧ wu nyiꞋtè a Pità ane èkwȩ tò, ndɔ̀ke atò, mbɔ̂ è shu abua tò nê, “Lɔ̀Ꞌɔ a si kwàla.” Fȩ tu bɔ nɨŋ nkùùle èbu Pità la, te bê ndòòtê.

ÀfaꞋa 12:7 Referans Kwoze

ÀfaꞋa 5:19

ÈtsəꞋ ngaa wantu̧ kǒ Mbɔ̧ɔ̧mà tsàà la kɨ̀Ꞌɨ̂ ntsɔ̀Ꞌɔ ètsələèꞋ lob tèfȩ yu, ngɨ̀ bɔntu̧ bu e dzəè nga àbȩ. Mbɔ̂ shu abua yɔb nê,

ÀfaꞋa 16:26

AdzìꞋ bê me wù̧ù̧ne, sitsǎꞋ ben ane ètɨ̧̂ fɔ̀te lob tèfȩ yu bɔ̂ àtetsi nyìꞋ. KwàꞋ àfɨꞋa mbɔŋ, mètsələèꞋ mu tsɔꞋtè, fȩ tu bɔ nɨŋ kùùle bɔtefȩ bu bàgème la, te lootè.

ÀfaꞋa 10:30

Kɔ̀nelìà bɨ̀ɨ̀lè nê, “Nàà lɔ̀Ꞌ ngu àfɨ̀Ꞌ yaa anè, ane èli batat, e ngua ntsàꞋtà a Mbɔ̧ɔ̧mà a lob yaã ane nyèm tetat àfɨꞋa nèngû̧. AfɨꞋa mbɔŋ wòt kǒ kwaãaã ndìte tèa nkàꞋtà la, mbê nkɨ̀Ꞌɨ̂ ntɨ̧ɨ̧ a mbì laã

Efesɔ̀s 5:14

nkàà nê, àghɨ àa ngɨ̀ à wu a èbem èkaꞋà àghɨa mbɔŋ a tsiꞋi mbɨ̀Ꞌɨ̀ èkaꞋà mɨ̧̂. Eyaa wu lə bɔ̀ɔ shua nê, “Àwɔ̀ wu ndia la, lɔ̀Ꞌɔ a si a èbem èvə! Ko Yesò Klistò naa ghɨ̌ èkaꞋà aa beꞋe a ègwet lè.”

ÀfaꞋa 2:24

Ka Mbɔ̧ɔ̧mà li ngɨ̀ tà yù̧ù̧me. Mbɔ̧ɔ̧mà li mè ngɨ̀ ngoꞋte kekweelè tu tà li ndze ka mpfə la, te sa atò nkàà nê èvə e li è ka wu ko ebaãaã atò ekuule adzìꞋ yu bòt àa mpfəèa ngà la.

Lûk 24:4

Bɔ tɨ̧ɨ̧ abot ànəê à tsè àwɔb ane àghɨa a ghɨ̀ la, bòt ko babe e bê saꞋ a ngèt yɔb, nkwà̧aã ndìte ko tèa nkàꞋtâ mbɨ̀Ꞌɨ̀ àtaãnyèm la.

Lûk 2:9

Wantu̧ tǎt wɔb Mbɔ̧ɔ̧mà è saꞋa a mbì lɔb. ÈkaꞋà Lefɨ̀Ꞌ e kaꞋà a ègwet lɔb, bɔ taꞋa bente.

ÀfaꞋa 12:23

KwàꞋ àfɨꞋa mbɔŋ, wantu̧ Mbɔ̧ɔ̧mà kǒ ghɨ̀ àghɔ̧ a baãaã atò nkàà nê, tòà zìambɔŋ è nɨ mèngùꞋte è wu ghà ne abua Mbɔ̧ɔ̧mà la. Bèwâm be kwele atò tè tà pfə.

ÀfaꞋa 9:3

Mbɨ̀Ꞌɨ̀ tà ghà tê ntsìꞋa nkɨ enyi a Dàmaskɔ̀s la, me ko àbȩ a kàꞋ a ègwelebuule nchu a si adù̧ tò.

Ètsə 18:1

Àyaa a tsè ale, e mè ndze wantu̧ Mbɔ̧ɔ̧mà kǒ nchua a ègwet la. Tà bɔ̀ mètàŋ kèkweelè, èkaꞋà tò e ghɨ̀ sitsǎꞋ fəə kwàꞋ ànyaꞋne.

Ebùlù 1:14

Bɔntu̧ Mbɔ̧ɔ̧mà bu wu anè ghàà? Wu fote tèa faꞋa abua Mbɔ̧ɔ̧mà la. Tà tsàà wɔb nê bɔ̀ me tɨŋe bòt bu bɔ̀ɔ li ebɔ mèmpème la.

ÀfaꞋa 12:6

È li ngu ètsəꞋ wu ètsəꞋ àa tsi Elɔ̀d naa tsǐ a Pità esaꞋa atò la, tà wu a kètsìà bèmbaabà babe tà nɔ̀ŋkè me li la. Bɔ kùùle atò ane fȩ tebe ngà èsele ane bèmbaabà bu babe la. Bèmbaabà ko e bɔ̂ ngu a ètsəê lob tèfȩ yu bɔ tɨ̧ɨ̧te la.

Matìù 2:13

ÀfɨꞋa bòt èyì bu e ghà la, wantu̧ Mbɔ̧ɔ̧mà kɨ̀Ꞌɨ̂ abua Jòsêb a ndzò̧ shu abua tò nê, “Lɔ̀Ꞌɔ a si nɨ̀ waã wu bɔ̂ nyɨ̌ vi ndùùlà ngà a Ejìb. Bɨa ghǎ bɨ tseke abàꞋ və tè àfɨꞋa mâ shu nê bɨ dzəa la. E shua anè nkàà nê Elɔ̀d nàà me kɨ waã wu ebùŋe.”

ÀfaꞋa 12:8

Wantu̧ wu mè nê, “Nèète nkùùlè nkànda yê mbɔ̂ nkwà̧aã gùb tê.” Pità ghɨ̀ wuê mbɨ̀Ꞌɨ̀ wantu̧ wu è shu la. Tà mè nê, “MàꞋà taꞋà ndǐ mbɨ̧̀ yê mbɔ̂ nkùŋè am.”