ÀfaꞋa 11:22 - Mundani

²² AfɨꞋa chɔsì wu a Jèlusalèm la e zə ànəê yaa la, bɔ tsɔꞋɔ a Bànabasì ntu̧ a Antìɔ̀k.

ÀfaꞋa 11:22 Referans Kwoze

ÀfaꞋa 9:27

Ka wòt kǒ ane yɔb bɔ̀ɔ ntɔ atò nê Bànabasì la tɨŋe atò nɨ atò nga a mbì bɔntu̧ Yesò bu, shu awɔb ndɨ Sɔ̂l li ndze a Tè Yesò alu̧ Dàmaskɔ̀s la, mè shu awɔb ndɨ Tè Yesò li ndaꞋa abua tò la. Tà ghɨ̀ ale, shu fɔ̀ɔ̀le ndɨ Sɔ̂l li ndàꞋà ane èlen Yesò a Dàmaskɔ̀s kà bê mbɔ̀ɔ̂ la.

1 Tèsàlonikà 3:6

Ka nè àfɨ̀Ꞌ yaa, Tɔ̀màtià è kua àpfəè ayɨ̧ tè shu awa ànəa ntsɔ̧̀ a ghɨ̀ mèntɨ̧ɨ̧ ma me bɔ̀ la. Tà shu awa nê mèntɨ̧ɨ̧ mɨ̧ bele ane Yesò, bɨ mè mbèla nkɔ̀ŋkà bɔnyɨ bɨ̧ mè shu nê bɨà ntsèka mɨ̀ɨ̀tà àwa ntsɔ̧̀, mè nkɨ eye awa wuê mbɨ̀Ꞌɨ̀ bàa nkɨà àwɨ̧ eye mɨ̧̂ la.

ÀfaꞋa 15:22

AfɨꞋa mbɔŋ, bɔntu̧ bu nè bòt chɔsì bàgème, fɔ̀ɔ̀lè ne bɔɔjuŋ ayɔɔ ayɔb, e làŋkè nê, bɔ̀ tsi bòt ko ayɔɔ ayɔb ntù̧ àwɔb a Antìɔ̀k bɔ̂ Pɔ̂l ba nè Bànabasì. Bɔ li ndȩ a Judàs wu bɔ̀ le wua ntɔ nê Bàsabàs la, nè Sȩlàs è wu bòt bɔnyɨ ba e li ngua ntsènà nkùkta wɔb la.

ÀfaꞋa 15:2

Pɔ̂l bɔ̂ Bànabasì e taꞋa kààne ànəê yaa mè ndzɔ̀ŋ bɔ̂ tò ba. Mbɨ̀Ꞌɨ̀ àyɔ̀ŋ yu a dzə a si la, bɔ làŋkè nê Pɔ̂l bɔ̂ Bànabasì nè èbeko nè bòt Yesò a Antìɔ̀k e gha a Jèlusalèm ndzè bɔntu̧ Yesò ko bu nè bɔɔjuŋ ayɔɔ bòt Yesò ane ànəa ngaa.

ÀfaꞋa 11:1

Bɔntu̧ Yesò nè bɔnyɨ ba adzìꞋ àgème àlaꞋ a Jùdià e li ndzə nê bòt kà wu Bèjuê e zə èngǎ̧ Mbɔ̧ɔ̧mà tè mbɨ̧̀ɨ̧̀nê mɨ̧̂.

ÀfaꞋa 8:14

ÀfɨꞋa bɔntu̧ Yesò bu a Jèlusalèm e zə nê bòt Sàmalìà e zə èngǎ̧ Mbɔ̧ɔ̧mà tè mbɨ̧̀ɨ̧̀ne la, bɔ tsaa Pità bɔ̂ Jɔ̌n nê bɔ ghǎ kwene ane yɔb.

ÀfaꞋa 6:5

Bɔ làꞋ ale bòt Yesò bu bàgème e kɔ̀ŋkè ànəê yu bɔntu̧ tò bu e shu la. Bɔ lȩ̀ a Stifèn wu tà li ntaꞋa zǐ èntɨ̧ɨ̧ vi ane Yesò, Fo Kèfə mè ntaꞋa wu ane tò la, mè ndȩ̀ a Filìb bɔ̂ Plòkolùs nè Nikanɔ̀, bɔ̂ Timɔ̀n, nè Pàmenàs, ndɔ̀Ꞌ nè Nikòlâs, wòt Antìɔ̀k, tà kubtè ntsìꞋi wòt Juê la.

ÀfaꞋa 11:19

Bòt Yesò bu e li ntààte afɨꞋa bɔ li mbùŋe a Stifèn me kɨ àtsəa yɔb enɨ la. ÀbəèꞋ àko ane yɔb a li ngà tè ngu àlaꞋ a Fònisìà, nè àlaꞋ a Sȩplùs, nè Antìɔ̀k, ngȩȩna a èdzìꞋ baa ntsɔ̀tà Ntu̧ Ntsɔ̧̀ yu wuê abua Bèjuê.

ÀfaꞋa 11:20

Ka bòt ko, bɔ dzəa Sȩplùs nè Silenè la, e gha a Antìɔ̀k me tsɔ̀te Ntu̧ Ntsɔ̧̀ Yesò Lefɨ̀Ꞌ abua bòt kà wu Bèjuê mɨ̧̂.

ÀfaꞋa 11:26

Tà ye atò, ta nɨ atò nkɨ̀Ꞌɨ̂ a Antìɔ̀k. Ane èngùꞋebȩ ngaa ègème, bɔ̀ɔ̀ wu babe la e me fàꞋà nɔ̂ nè bòt chɔsì mè nyɨ̀Ꞌta mènəè Yesò abua ènɔ̧̂ bòt. È li ndɔ̀Ꞌ ngu a Antìɔ̀k və bɔ li mbɨ̀ ntɔ bɔkatè Yesò nê wu Bèklɨtèn la.

ÀfaꞋa 11:27

ÀfɨꞋa mbɔŋ wu àfɨꞋa bèndàꞋàtɔŋ Mbɔ̧ɔ̧mà ko e li ndɔ̀Ꞌ a Jèlusalèm nchu nga a Antìɔ̀k la.

ÀfaꞋa 18:22

Tà ghà tê tà nyi Sìsalìà, tà tsiꞋi ghȩ̀ȩ̀ne a èka nga a Jèlusalèm, ntsàꞋtè bòt chɔsì abàꞋ və, mbɔ̂ ntsè ngà nè Antìɔ̀k.

Gàlashìà 2:11

AfɨꞋa Pità e kɨꞋɨ a Antìɔ̀k la, Pɔ̂l tu̧ ànəa Pità è ghɨ̀à la a ètsəê tò a mbì banɔ̧̀, nkàà nê tà fǎ̧ ànəê.