ÀfaꞋa 11:12 - Mundani

¹² Fo Mbɔ̧ɔ̧mà è shu abua am nê è nga ba tò ba kà lȩ̀ȩ̀tè. Bɔnyɨ ba baa bantùa a Jopà la, e gha a Sìsalìà ba tò ba nyi a lob Kɔ̀nelìà.

ÀfaꞋa 11:12 Referans Kwoze

ÀfaꞋa 8:29

Fo Mbɔ̧ɔ̧mà shu abua Filìb nê, “Dù àlia me ghȩȩne a ngèt àkàt zia.”

Lûm 3:22

Èlɨ mbɔŋ wu nê bòt àa ngɨ̀ bɔ̀ zì mèntɨ̧ɨ̧ mɔb ane Yesò Klistò, Mbɔ̧ɔ̧mà nɨ awɔb bàgème mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la. Mbɔ̧ɔ̧mà a nɨ bòt bàgème mbɨ̀Ꞌɨ̀ àghɨ yeamɔꞋ,

2 Tèsàlonikà 2:2

bɨ̀ ka sàŋ ànəa ko a gheblè ètsə bɨ̧ ngɨ̀ bɨ yaŋe mbènte mbɨ̧̀ɨ̧̀ne nê, àli yu Lefɨ̀Ꞌ wa nàa mèe kɨꞋɨ la a kɨꞋɨ tê ndɔ̀Ꞌ. A teko wu ànəa wòt kǒ laꞋnê è shua Fo Mbɔ̧ɔ̧mà abua zi la, kò èngǎ̧ wòt kǒ laꞋnê e kɔꞋɔ àtsəa zi la leꞋ, kò wuê àkatè ako bɔ laꞋnê a dzə abua ya la leꞋ.

ÀfaꞋa 10:23

Pità nê, bɔ̀ nyi a lob bɔ̂ tò ba è li. ÈtsəꞋ e tsi tà tàŋkê ngà bɔ̂ tò ba. ÀbəèꞋ àko ane bɔnyɨ bu bɔ dzəèa a Jopà la e gha bɔ̂ tò ba nɔ̂.

ÀfaꞋa 15:9

Tà li nyɨ̀Ꞌte nê ba tò ba e tsiꞋi àghɨ yeamɔꞋ, ndzòò mèntɨ̧ɨ̧ mɔb, ndɨ̀ wu bɔ zì mèntɨ̧ɨ̧ mɔb ane Yesò la.

ÀfaꞋa 10:45

Bòt Yesò bu bɔ̀ wu Bèjuê, bɔ li ndzə a Jopà nkɨ̀Ꞌɨ̂ bɔ̂ Pità ba la, e ye ndɨ Mbɔ̧ɔ̧mà zi Fo Kèfə ane bòt kà wu Bèjuê la, a taꞋa tsè àwɔb.

Jɔ̌n 16:13

Fo Mbɔ̧ɔ̧mà yu nàa nyɨ̀Ꞌta nkûŋ la naa me ghɨ̀ tê nkɨ̀Ꞌɨ̂, ngɨ̀ bɨ ko nkûŋ ègème è dzə abua Mbɔ̧ɔ̧mà la, nkàà nê tà kà gha elàꞋa ànəa zi zìambɔŋ. Taa làꞋà wuê ànəa ye zə la, mè shu awɨ̧ mènəè nàa li ghɨ̀ la.

Matìù 1:20

Tà bela nkwàꞋtà ale, wantu̧ Mbɔ̧ɔ̧mà kɨ̀Ꞌɨ̂ a ndzò̧ shu abua to nê, “Jòsêb wòt àndà̧ Dàbid, ko mbɨ̀Ꞌɨ̀ a bɔ̀ɔ enɨ a Màlià ane vi wè, nkàà nê wu Fo Kèfə ka è ghɨ̂ tà bɔ̌ èbêm la.

Ètsə 22:17

Fo Mbɔ̧ɔ̧mà bɔ̂ ndzà Wanjɨ̀ wu e nê, “KɨꞋɨ.” Wòt ègème tà zə èngà̧ waa la è bɔ ndɨ tàa shu azi mɨ̧̂ nê, “KɨꞋɨ” la. Wòt àtɔŋ tò a yu̧u̧ la kɨꞋɨ, we tàa nkɨà la kɨꞋɨ nɨ mèleb mu nàa ŋa mèmpème la àku.

ÀfaꞋa 15:7

Bɔ bù̧ù̧te a si ale, ndaꞋ ane àfɨ̀Ꞌ à seè, ka àtsə à ka wuê. Pità tseke tè ndɔ̀Ꞌ a si nê, “Bɔnyɨ bɔ̧, bɨ ko nê è li ngu te àfɨ̀Ꞌ àko Mbɔ̧ɔ̧mà e lȩ̀ am a kètsìà wɨ̧ nê è ntsɔ̀te Ntu̧ Ntsɔ̧̀ abua bòt kà wu Bèjuê mbɨ̀Ꞌɨ̀ bɔɔ zə e zì mèntɨ̧ɨ̧ mɔb ane Yesò.

ÀfaꞋa 13:4

Mbɨ̀Ꞌɨ̀ Fo Kèfə è tu̧u̧ a Bànabasì bɔ̂ Sɔ̂l la, bɔ chu nga àpfəèà nɨ̧ yu è wu Sèlesìà la. Bɔ gha abot, bɔ nyi a èbem ànkànuꞋ nga àlaꞋ Sȩplùs yu a èbem èdzî la.

ÀfaꞋa 13:2

Mbɨ̀Ꞌɨ̀ bɔ̀ɔ ntsèka kà jɨ èghɨjɨ mè ntsàꞋta Mbɔ̧ɔ̧mà la, Fo Kèfə shu abua yɔb nê “Bɨ̀ tsàa a Bànabasì bɔ̂ Sɔ̂l bɔ̀ ghǎ me ghɨ̌ àfàꞋ yaa mâ nɔ̀ŋe abua yɔb la.”

ÀfaꞋa 1:15

Èli ko e li ntsè, bòt bu bɔ zì mèntɨ̧ɨ̧ mɔb ane Yesò la, bɔ bù̧ù̧te a si mbɔ̀ŋè ènkɨ̀ nè èghem yebe. Pità lɔ̀Ꞌɔ a si ndàꞋ èngà̧ waa abua yɔb, nê,

ÀfaꞋa 11:13

Tà shu ndɨ yèa lɔ̀Ꞌ ndze wantu̧ Mbɔ̧ɔ̧mà kǒ tà kɨꞋɨ nyi a lob zi la, shu abua zi nê, ‘Tsaa wòt ko a Jopà tà ghǎ ntɔ Simùn wu bɔ̀ɔ ntɔ atò nê Pità la.

ÀfaꞋa 28:15

Bɔnyɨ ba a Luêm e zə, nkɨ̀Ꞌɨ̂ tè ngu a èwen Apiɔ̀s, nè adzìꞋ yu bɔ̀ɔ ntɔ nê Lobte mèlùꞋ Tetat la, nkwène ane ya. ÀfɨꞋa Pɔ̂l è ye awɔb la, tà kɔ̀ŋkè a Mbɔ̧ɔ̧mà, èntɨ̧ɨ̧ tò e mè nkwèèlê.