ÀfaꞋa 10:43 - Mundani

⁴³ BèndàꞋàtɔŋ nyaꞋ Mbɔ̧ɔ̧mà bàgème è le laꞋa ànəa tò nê, wòt ègème tà zi èntɨ̧ɨ̧ vi ane tò la, Mbɔ̧ɔ̧mà naa waꞋa a kàbɔ̀ŋ ŋut ane mètàŋ èlen Yesò.”

ÀfaꞋa 10:43 Referans Kwoze

ÀfaꞋa 2:38

Pità bɨ̀ɨ̀lè èngǎ̧ wɔb nê, “Waa waa ane yɨ̧ waꞋa mènəè kàbɔ̀ŋ mi, bɔ zì atò a èdzî ane èlen Yesò Klistò. Bɨ ghɨ̌ ale, ko Mbɔ̧ɔ̧mà naa waꞋa mènəè kàbɔ̀ŋ mɨ̧ e mě zǐ Fo Kèfə ane yɨ̧.

Lûm 10:11

Èngǎ̧ Mbɔ̧ɔ̧mà e laꞋnê, “Wòt ègème tà zi èntɨ̧ɨ̧ vi ane tò la ka li sà̧à̧tè a.”

1 Pità 1:11

Fo Yesò Klistò li ngu ane yɔb, nyɨ̀Ꞌte awɔb ndɨ Yesò nàa li kɨꞋɨ eye ngoꞋ naa ghǎ me lìa Mbɔ̧ɔ̧mà naa ghɨ̌ taa bɔ ènɨ̧ la. Ale, bɔ me nyɔ̀Ꞌta nkɨ eko àfɨꞋa èghɨ bàa àa ghɨ̀ la, mè nè ndɨ àa li ghɨ̀ la.

Lûm 5:1

Ndɨ̀ wu Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li nkàà ndɨ̀ wu baa zì mèntɨ̧ɨ̧ ma ane tò la, baa bɔ àlàŋkè nè Mbɔ̧ɔ̧mà nkàà àghɨa Yesò Klistò Lefɨ̀Ꞌ wa ghɨ ane ya la.

Lûm 8:1

Ale, ndɔ̀ Mbɔ̧ɔ̧mà te ntsě adù̧ bòt bu bɔ̀ tsiꞋi àghɨ yeamɔꞋ nè Yesò Klistò la àfɨ̀Ꞌ yaa.

Jɔ̌n 5:24

“Ane nkûŋ, tsiꞋ è shua wɨ̧ nê, wòt tà zə èngǎ̧ am, ndzì èntɨ̧ɨ̧ vi ane wòt wu tà tsàà am la, è bɔ mèmpème kàlìà. Tà ka tsi ekwene èsaꞋa. Tà peme èvə, tè ntsìꞋi nyi a èbem mèmpème.

Lûm 8:34

Wòt wu tàa laꞋnê ànəa a li àtsəa wòt Mbɔ̧ɔ̧mà la wu wàà? Yesò Klistò wu tà li mpfə, Mbɔ̧ɔ̧mà yù̧ù̧me atò ngɨ̀ tà tseke àbâ àbualu̧ atò a ègwet la, ka lâ ngu wòt tàa ndɨ̀à mènəè ma abua Mbɔ̧ɔ̧mà la.

ÀfaꞋa 26:22

Ka, ekɨꞋɨ wu laane waa, Mbɔ̧ɔ̧mà nàà ntɨ̀ŋa am. È wu ale, e ngu a si ŋàa eshu àghɨa mâ ye mè nko la abua waa waa, wɔ̀jûŋ nè watèchɨɨle. Mènəè maa e shua la, wu kwàꞋ mènəè mu bèndàꞋàtɔŋ Mbɔ̧ɔ̧mà bɔ̂ Musì ba e li nê naa li ghɨ̀ la.

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

ÀfaꞋa 15:9

Tà li nyɨ̀Ꞌte nê ba tò ba e tsiꞋi àghɨ yeamɔꞋ, ndzòò mèntɨ̧ɨ̧ mɔb, ndɨ̀ wu bɔ zì mèntɨ̧ɨ̧ mɔb ane Yesò la.

ÀfaꞋa 3:16

Wu mètàŋ èlen Yesò ka e ghɨ̂ èka mbê waa e lɔ̀Ꞌtè la. Mbê waa bɨ ye atò a si ŋàa mè nko atò ntsɔ̧̀ la, è pem nkàà èntɨ̧ɨ̧ tò tà zi ane Yesò la, mbɨ̀Ꞌɨ̀ bɨ̀ambɔŋ bɨ ye la.

Jɔ̌n 20:31

Ka bɔ shɨa maa mbɨ̀Ꞌɨ̀ bɨa bɨ̧ɨ̧ne nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, mè ndɔ̀Ꞌ ngu Waã Mbɔ̧ɔ̧mà. Bɨ bɨ̧ɨ̧nà ndzìà èntɨ̧ɨ̧ wɨ̧ ane Yesò ko taa ghɨ̌ bɨa bɔ mèmpème.

Ntu̧ Ntsɔ̧̀ MAK 16:16

Wòt ègème tà bɨ̧ɨ̧ne Ntu̧ mbɔŋ tè bɔ zì atò a èdzî la, naa bɔ mèmpème. È wu wòt kà bɨ̧̀ɨ̧̀ne, ko aa li ebɨɨ a ŋut.

Ètsə 19:10

E mbê mbɔ̀te a si a tèkate tò e wùꞋte atò. Tà shu abua am nê, “Ka ngɨ̀ ale. E ngu wuê wafàꞋ mbɨ̀Ꞌɨ̀ àwɔb nè bɔnyɨ bè bu bɔ bɨ̧ɨ̧ne èngǎ̧ Yesò la. WùꞋte wuê a Mbɔ̧ɔ̧mà.” Èngà̧ wu Yesò làꞋà la, wu àdziꞋa bèndàꞋàtɔŋ Mbɔ̧ɔ̧mà e nɨ mèngǎ̧ mɔb la.

Gàlashìà 3:22

Ka Àkata Mbɔ̧ɔ̧mà a laꞋnê bòt sitsǎꞋ bàgème e wu mbɨ̀Ꞌɨ̀ èbùꞋ abua mènəè kàbɔ̀ŋ. A wu ale mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Yesò Klistò la aa bɔŋ àghɨa Mbɔ̧ɔ̧mà li nkàꞋ nê bɔ bɨ̧ɨ̧ne a Yesò ko bɔɔ bɔ la.

Ebùlù 13:20

TsiꞋ Mbɔ̧ɔ̧mà àlàŋkè wu, tà li njù̧ù̧ma Yesò Lefɨ̀Ꞌ, TaꞋà Mbaabà njɨ̀tsə la, è tsě ane àlo̧ a mènkàꞋa kèkweelè mu kà wu èli lìa la,

Kɔ̀losìà 1:14

Wu Waã tò waa ka tà li nchùꞋ ètsə ba la. Àyaa a wua shua nê, Mbɔ̧ɔ̧mà è waꞋa a kàbɔ̀ŋ wa.

Efesɔ̀s 1:7

Wu Waã tò waa ka tà li nɨ̀ àlo̧ a zi nɨŋ chùꞋù ètsə ba ngɨ̀ Mbɔ̧ɔ̧mà waꞋa bèkàbɔ̀ŋ ba la. Wu taꞋà ntsɔ̧̀ tò wu tàa nyɨ̀Ꞌta abua bòt la,

Lûm 6:23

Àbȩ̀ a kàbɔ̀ŋ wu èvə, ka àghɨa Mbɔ̧ɔ̧mà nàa ŋa mbɨ̀Ꞌɨ̀ tà kɔ̀ŋkè la wu mèmpème kàlìà, ndɨ̀ wu bàà tsiꞋi àghɨ yeamɔꞋ nè Yesò Klistò Lefɨ̀Ꞌ wa la.

ÀfaꞋa 3:18

È li ngu tê afɨꞋa mbì, Mbɔ̧ɔ̧mà ghɨ̀ bèndàꞋàtɔŋ bi bàgème be tsɔ̀tè ndɨ Fɔ̧̀ wu tà li ndzɔꞋ etsàà la, nàa li ye ngoꞋ la. A li mbê mè ntè wuê mbɨ̀Ꞌɨ̀ tà li shuê la.

Jɔ̌n 1:45

Filìb ghà ndzea Nàtanìà shu abua tò nê, “Ba ye wòt wu Musì li shɨ ànəa tò a èbem àkatè mbɨ̧tsə la, ye wu bèndàꞋàtɔŋ Mbɔ̧ɔ̧mà è lè shɨ ayɔb mɨ̧̂ la. Tà wu Yesò, waã Jòsêb, wòt Nazàlet.”

Lûk 24:47

Mè nê, bòt e bɔ̂ ndɨ bɔ̀ɔ bùꞋu a Jèlusalèm e tsɔ̀te abua bòt èlaꞋ ègème, ane èlen tò, nê bòt è kubte mènəè kàbɔ̀ŋ mɔb, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bɔb la.

Lûm 3:21

Mbɔ̧ɔ̧mà lâ nyɨ̀Ꞌte àfɨ̀Ꞌ yaa ndɨ yèa ngɨ̀à ka nɨa wòt nê tà tɨ̧ɨ̧ ndɨŋndɨ̀ŋ a mbì li la. Àyaa a bakà bɔ àghɨa ko àa ghɨ̌ nê mànɔŋa mbɨ̧ la. Ka mbɨ̧ nè àghɨa bèndàꞋàtɔŋ e li shɨŋ la a li nyɨ̀Ꞌte a èlɨ ngaa mɨ̧̂.