3 Jɔ̌n 1:2 - Mundani

² Ngule shu̧ yaã, maà ntsàꞋtà nê mènəè mê ègème me ghȩ̀ȩ̀ne ntsɔ̧̀, à mě me nèèta nkwèèla, wuê mbɨ̀Ꞌɨ̀ mâ ko nê àà nkwèèla ane mènəè Mbɔ̧ɔ̧mà la.

3 Jɔ̌n 1:2 Referans Kwoze

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.

1 Pità 4:8

Ànəa mbì wu nê bɨ̀ me kɔ̀ŋkè bɔnyɨ bɨ̧ nè èntɨ̧ɨ̧ wɨ̧ ègème, nkàà nê èkɔŋ e taꞋa wua nkàba mènəè nyaŋ bòt e fà̧à̧tè la.

2 Tèsàlonikà 1:3

Bɔnyɨ, ba bɔ ndɨ bàa me kɔ̀ŋka Mbɔ̧ɔ̧mà àfɨ̀Ꞌ àgème ane ànəa yɨ̧ la. A bɔ̂ŋ nê bà me ghɨ̀ ale, nkàà nê, bɨa mpaa ndzìà èntɨ̧ɨ̧ wɨ̧ ane Yesò Klistò nɨa ngà nè mbì, èkɔŋ wɨ̧ ane bɔnyɨ bɨ̧ e mè me ghà ne mbì.

Filìpȩ 2:4

Wòt ka me ghɨ̀ wuê àghɨa betsiꞋa a tɨŋe avi zìa ndziꞋne la, bɨ̀ me mɨ̀ɨ̀tè wuê àghɨa betsiꞋa a tɨŋe bòt ko mɨ̧̂ la.

Ètsə 2:9

Mâ koê ngoꞋte bɨ̀a ndzèa la, nè ntseb bɨ̀ wu a èbèm la, (ka ane nkûŋ) bɨ bɔ èghɨ nyaŋ. Mâ koê mɨ̧̂ ndɨ bòt bu bɔ̀ɔ fɨ̀ta nè bɔ wu Bèjuê, ka bɔ̀ ka wu bùà la, àa ndàꞋa kàbɔ̀ŋ ane èlen lɨ̧ la. Bɔ wu ènɔ̧̂ bòt Satàn.

Jimsì 5:12

Bɔnyɨ bɔ̧, ànəa ko a tɨ̧ɨ̧ a mbì la wu nê, wòt me kàꞋà wòt ànəê, tà ka ndzì nkà̧ ka wuê ane ègwet, kò ane sitsǎꞋ leꞋ, tà ka ndzì nkà̧ ka wu ane àghɨa ko tsa. Wòt bɨ̧̀ɨ̧̀ne ànəê, tà ko yê bɨ̧ɨ̧nè, wòt tu̧ ànəê, tà ko nê ye tu̧, mbɨ̀Ꞌɨ̀ ka Mbɔ̧ɔ̧mà sàꞋà wɨ̧ nê bɨ fâ̧.

Filìpȩ 2:27

Ane nkûŋ, tà li mbɔ̂ ntaꞋa ghɔ̧̀ɔ̧̀nè tê ndǎ epfə. Ka Mbɔ̧ɔ̧mà li nkù tèsȩte tò, mè nkù ètaã mɨ̧̂, mbɨ̀Ꞌɨ̀ ngoꞋ kèkweelè kǒ mè ndzè am.

2 Tèsàlonikà 2:13

Bɔnyɨ, bɨ̀a wu Mbɔ̧ɔ̧mà nàa nkɔ̀ŋkà àwɨ̧ la, ba bɔ ndɨ bàa me kɔ̀ŋka Mbɔ̧ɔ̧mà ane ànəa yɨ̧ àfɨ̀Ꞌ àgème la. Aa ale nkàà nê Mbɔ̧ɔ̧mà li me laꞋ nê yea ngɨ̀à ngɔ̀ŋ, ndàà àwɨ̧ tè ndɔ̀Ꞌ, mbɨ̀Ꞌɨ̀ e ghɨ̌ bɨa peme. Mbɔ̧ɔ̧mà li ngɨ̀ ayaa ane Fo zi yu tà li ngɨ̀ è ghɨ̀ àwɨ̧ bɨ tsiꞋi mbɨ̀Ꞌɨ̀ tòà la, mè nè ndɨ bɨ li ndzì èntɨ̧ɨ̧ ane èngà̧ wu è wu nkûŋ la.

Matìù 9:12

Yesò zə ale, mbɨ̀ɨ̀lè nê, “Bòt kekweelè aà kà kɨ ngàŋ. Bèngɔ̧̀ ka bɔ̀ɔ nkɨà ngàŋ la.

3 Jɔ̌n 1:1

Letà Wajûŋ ayɔɔ bòt Yesò, Abua Gayɔ̀s wu màa nkɔ̀ŋkà nkàà nkûŋ yu ane ànəa Mbɔ̧ɔ̧mà la.