2 Pità 1:2 - Mundani

² Maà ntsàꞋtà nê, bɨ̀ me ko a Mbɔ̧ɔ̧mà bɔ̂ Yesò Lefɨ̀Ꞌ wa nɨa ngà nè mbì, mbɨ̀Ꞌɨ̀ bɔɔ paa me nyɨꞋte a ntsɔ̧̀ wɔb abua yɨ̧, e mě ghɨ̌ bɨa bɔ àlàŋkè a mèntɨ̧ɨ̧ mɨ̧.

2 Pità 1:2 Referans Kwoze

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.

Filìpȩ 3:8

Ane nkûŋ, è ndem ntsě wuê ndàꞋ èbùà. Mâ ntsiꞋa ndzèa èghɨ ègème àfɨ̀Ꞌ yaa mbɨ̀Ꞌɨ̀ e te ntsě èghɨ, mbɨ̀Ꞌɨ̀ e lâ eko wòt Tǎt am Yesò Klistò wû wùà la. Àyaa a bɔ̀ tê ntsè èghɨ tsa bu ègème. Mâ sǎ èghɨ bu ègème e ndi ngua ngɨ̀à la nkaa atò. Mâ ntsiꞋa ndzèa èghɨ ngaa ègème mbɨ̀Ꞌɨ̀ tabtsə, mbɨ̀Ꞌɨ̀ è ngu e tsiꞋi wuê ba Yesò Klistò,

Jɔ̌n 17:3

Mèmpème kàlìà maa wu nê, bòt è ko awê, àwɔ̀ wu à wu ndàꞋà Mbɔ̧ɔ̧mà tà wu yû̧ la, mè nkoa Yesò Klistò wu à tsàà la.

1 Pità 1:2

Tǎt wa Mbɔ̧ɔ̧mà li ndàà wɨ̧ ane mènkɔ̀ŋke mi, nɨ Fo zi ngɨ̀ bɨ tsiꞋi mbɨ̀Ꞌɨ̀ tò, mbɨ̀Ꞌɨ̀ bɨa me zəa Yesò Klistò, àlo̧ atò aa mèe shùù àwɨ̧. Maà shù̧ù̧ta nè Mbɔ̧ɔ̧mà me nyɨꞋta ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Jûd 1:2

Maà shù̧ù̧ta Mbɔ̧ɔ̧mà nê, tà me paa nkua tèsȩ tɨ̧, ngɨ̀ bɨ̀ me bɔ àlàŋkè a mèntɨ̧ɨ̧ mɨ̧, mè ngɨ̀ èkɔŋ wɨ̧ ane bɔnyɨ bɨ̧ è me ghà ne mbì.

Lûm 1:7

Tà shɨ abua bòt Mbɔ̧ɔ̧mà bu bàgème a Luêm, Mbɔ̧ɔ̧mà nàa nkɔ̀ŋkà àwɔb mè ntɔ awɔb ane bòt bi la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ nê bɔ̀ nyɨꞋte a ntsɔ̧̀ wɔb abua yɨ̧, ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Lûk 10:22

“Tǎt am è ŋa èghɨ ègème abua am. Wòt kǒ tà lâ ko àghɨa waã wu yùà kà wu tǎt tò la è ntsě; wòt kǒ tà meè ndâ ko a tǎt waã kà wuê waã mbɔŋ la ka wuê, nè bòt waã wu è kɔ̀ŋkè nê bɔ̀ ko atò la.”

Ètsə 1:4

Àkatè yaa shɨa Jɔ̌n: Abua bèchɔsì bu basà̧à̧mbe àlaꞋ a Esìà la. Maà shù̧ù̧ta nê Mbɔ̧ɔ̧mà nyɨꞋte a ntsɔ̧̀ vi abua yɨ̧, ngɨ̀ àlàŋkè à wua mèntɨ̧ɨ̧ mɨ̧. Wu tòà wu tàa və, tà li ndzaŋe wu, mè ngu li ekɨꞋɨ la. Ntsɔ̧̀ waa nè àlàŋkè yaa a mè ndzəa abua fote Mbɔ̧ɔ̧mà tu tesà̧à̧mbe te tɨ̧ɨ̧te a mbì àtɨ̧a kèfɔ̧̀ a tò la.

2 Pità 2:20

Wòt bùꞋà tè me ko a Lefɨ̀Ꞌ wa wu tà wu Mpemnà la, tè me luula èbɨꞋte èghɨ bu e li ngua ntsòka tò a ngɔ̀ŋ ŋaa la, mbɔ̂ mè nkua akwèn ngwènè a èbem èbɨꞋte èghɨ mbɔŋ, e mè nkùùle atò, ko mèntsèke tò naa bɨɨ te tsě ndɨ è li ndzaãaã ngu ka tà ko a Yesò la.

2 Pità 1:8

Bɨ me ghɨ̌ èghɨ bàa ntsɔ̧̀ nɨa ngà nè mbì, ko bɨa paa eko a Yesò Klistò Lefɨ̀Ꞌ wa, èghɨ tà ghɨ ane yɨ̧ la è ka wu etsè àku.

2 Pità 1:3

Mètàŋ Mbɔ̧ɔ̧mà è ghɨ ndɨ bàa me koa ntsèka àfɨ̀Ꞌ àgème mbɨ̀Ꞌɨ̀ Mbɔ̧ɔ̧mà kɨa la. Ba tsiꞋi a èlɨ̀ waa nkàà ndɨ ba ko a Mbɔ̧ɔ̧mà àfɨ̀Ꞌ yaa la. Wu tòà tà nɨ awa ane bòt bi ngɨ̀ ba bɔ ènɨ̧ tò mè ngu bòt mènəè ntsɔ̧̀ mbɨ̀Ꞌɨ̀ tòà la.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

2 Pità 1:5

Ndɨ̀ wu Mbɔ̧ɔ̧mà ghɨ̀ mènəè ma ègème ane yɨ̧ tè bɨ me kweele ane mèntɨ̧ɨ̧ mɨ̧ mu bɨ zi ane tò la, bɨ̀ paa me nyɔ̀Ꞌta ngɨ̀à mènəè ntsɔ̧̀ nàa mbɔ̀ a Mbɔ̧ɔ̧mà la, mè ndzì mèntɨ̧ɨ̧ mɨ̧ nko a Mbɔ̧ɔ̧mà ngà nè mbì.