2 Pità 1:19 - Mundani

¹⁹ Àyaa a ghɨ̂ ba paa nko nê èngǎ̧ bèndàꞋàtɔŋ Mbɔ̧ɔ̧mà e li ndàꞋ la wu nkûŋ. Bɨ̀ baãaã èngǎ̧ mbɔŋ ntsɔ̧̀. Aà mbɨ̀Ꞌɨ̀ èkaꞋà àa mbàŋà bòt a èbem ndzěm la. Ale, bɨ̀ baãaã wùà ntsɔ̧̀ tè ètsəꞋ è tsi bɨ̀ ye èkaꞋà Yesò Klistò mbèꞋa a mèntɨ̧ɨ̧ mɨ̧̂. Aa wu mbɨꞋɨ̀ sàŋ yu nàa ngɨ̀ è saꞋa ntɔtetsɔ̌Ꞌ ka àbȩ a zìꞋ mpaa ghaꞋte la.

2 Pità 1:19 Referans Kwoze

Ètsə 22:16

“Mmɔ̌ Yesò mâ tsàà wantu̧ am abua yɨ̧ nê tà kɨꞋɨ shu awɨ̧ mènəè maa, bɨ̀ shu abua bèchɔsì. E ngu èntaãaã e tu a àndǎ̧ Fɔ̧̀ Dàbid la, kěnto̧ ntɔtetsɔ̌Ꞌ kèa nkàꞋtà la.”

Jɔ̌n 5:39

Bɨà ntɔ Àkata Mbɔ̧ɔ̧mà ànyaꞋne ntsìꞋa nta nê wu yùà ka àa ghɨ̌ bɨa ko ndɨ wòt nàa bɔ mèmpème kàlìà la. Àkate mbɔŋ aa ndàꞋà ànəa wòt è ngu wùà la,

Ètsə 2:28

Maa mě ŋa atò kěnto̧ fu kèa sàꞋa a ntɔtetsɔ̌Ꞌ la.

Jɔ̌n 5:35

Èngǎ̧ Jɔ̌n e li ngu mbɨ̀Ꞌɨ̀ èkaꞋà àa mbèꞋa mbàŋà èdziꞋ la, bɨ mè kɔ̀ŋkè ewùꞋtè àwɨ̧ a èbem èkaꞋà ngaa ane àfɨ̀Ꞌ àko.

Matìù 4:16

Bòt bu bɔ li ntsèke a èbem ndzěm la, e ye taꞋa èkaꞋà. È me wu èbu bɔ li ntsèke àlaꞋ mbɨ̀Ꞌɨ̀ bɔ wu a èbem ndzěm èvə la, ko èkaꞋà e pùùla abua yɔb.”

Jɔ̌n 8:12

Yesò ghɨ̀ ale, mè ndaꞋa abua Bèfalèsiì nê, “E ngu èkaꞋà ngɔ̀ŋ yaa. Wòt tà kùŋè am la, è bɔ èkaꞋà mèmpème, tà ka tsi li ghȩ̀ȩ̀ne a èbem ndzěm a.”

1 Jɔ̌n 5:10

È wu ale, waa waa tà zi èntɨ̧ɨ̧ vi ane Waã Mbɔ̧ɔ̧mà la è bɨ̧ɨ̧ne nê mènəè maa Mbɔ̧ɔ̧mà shu la wu nkûŋ. Waa waa tà baka zi èntɨ̧ɨ̧ vi ane Mbɔ̧ɔ̧mà la wua shua nê Mbɔ̧ɔ̧mà wu wòt mèfà̧, nkàà nê tà bakà bɨ̧ɨ̧ne ànəa Mbɔ̧ɔ̧mà shu ane Waã vi la.

1 Pità 1:10

BèndàꞋàtɔŋ Mbɔ̧ɔ̧mà be li ndàꞋà ànəa èlɔ̂t waa Mbɔ̧ɔ̧mà nàa li eŋa abua yɨ̧ la. Bɔ li ndâ ntùŋnê nkɨ ndɨ ànəa mèmpème màa àa la.

Jimsì 2:8

È wu nê bɨà nchɨɨma ngɨ̀à àghɨa mbɨ̧ Kèfɔ̧̀ Mbɔ̧ɔ̧mà nàa shua la, mbɨ̀Ꞌɨ̀ Àkata Mbɔ̧ɔ̧mà a nyɨꞋte la nê, “Me kɔ̀ŋkè wanyɨ wè mbɨ̀Ꞌɨ̀ àwɔ̀ mbɔŋ”, ko bɨà ngɨ̀à ntsɔ̧̀.

ÀfaꞋa 17:11

Bèjuê bu adzìꞋ yaa la e li ngu bòt bɔ̀ɔ nkɨ eyute èngǎ̧ Mbɔ̧ɔ̧mà la, tè ntsè bòt Tèsàlonikà. Bɔ̀ɔ ngɨ̀, bɔ me nèèta njùta èngǎ̧ Mbɔ̧ɔ̧mà wu, tè è ghɨ̀ è wu àli àgème, bɔ me ghaꞋte èdziꞋ èkatè Mbɔ̧ɔ̧mà ndɨ̀ŋkà nê tè èngǎ̧ wu Pɔ̂l è làꞋa la lâ ngu nkûŋ leꞋ.

ÀfaꞋa 15:29

Bɨ̀ ka tsi njɨ̀ èghɨ bɔ nɨŋ ntsì èpɨ̧̀ la. Bɨ̀ ka tsi nkwèle nyà̧ bɔ tɨ̀ŋè la. Bɨ kà mè ntsi njɨ̀ àlo̧. Bɨ̀ ka me nɔ̀ŋkè ne bèzi kà wu èbɨ̧. Bɨ paŋà mbɨ̧ tàa ntsɔ̧̀, ko bɨa taꞋa mě ètsə a èbem èngǎ̧ Mbɔ̧ɔ̧mà. Bɨ̀ tseke ntsɔ̧̀ bà tsiꞋi àfɨ̀Ꞌ àko.

3 Jɔ̌n 1:6

Bɔ kɨꞋɨ̀ ntaꞋa làꞋa ndɨ àa nkɔ̀ŋkà bòt la abua bòt chɔsì ko bu a si ŋàa la. Shu̧ yaã, tɨŋe awɔb ane lèghȩ̀ȩ̀nè wɔb ndɨ àa bɔ̌ a Mbɔ̧ɔ̧mà la.

Ebùlù 2:2

Èngà̧ wu bɔntu̧ Mbɔ̧ɔ̧mà e li ndàꞋ tê àfɨꞋa Musì la, e li ndâ ngua nkwèèla tè wòt ègème tà tu̧u̧ e ghɨ̀ àghɨa e shua la bɔ ngoꞋ è kuꞋu ane àghɨa tà ghɨ̀ la.