2 Tɔ̀màtià 4:21 - Mundani

²¹ NyɔꞋta nkɨ̀Ꞌɨ̂ abàꞋ ŋaa ka àfɨ̀Ꞌ yu èdziꞋ è naa fià nyaŋ la à buꞋa. Yùbùlùs bɔ̂ Pudèns nè Lȩnɔ̀s, nè Klɔdìàs e tsàꞋtè àwê. Bɔnyɨ ba ko bu bàgème e tsàꞋtè àwê mɨ̧̂.

2 Tɔ̀màtià 4:21 Referans Kwoze

2 Tɔ̀màtià 4:9

NyɔꞋta nkɨ̀Ꞌɨ̂ nkwène ane yaã kwàla.

Filìpȩ 4:22

Bòt Mbɔ̧ɔ̧mà bu a si ŋàa la bàgème e tsàꞋtè àwɨ̧ mɨ̧̂, tè mpàâ ngu èbu a ntɔꞋɔ empelɔ̀ la.

3 Jɔ̌n 1:14

Maà nkwàꞋtà wuê nê, è bele yàŋe kɨꞋɨ eye awê, baa mù mènəè mbɔŋ ane ètsəê.

2 Jɔ̌n 1:13

Bɔ̧ wanyɨ wè, Mè wu Mbɔ̧ɔ̧mà làà la, aà ntsàꞋtà awê.

2 Tɔ̀màtià 4:13

Aa me kɨꞋɨ, à nɨ taꞋa ndǐ a ègwet yaã yu e ndi ntɔɔ abua Kapùs a Tloas la. Nɨ fɔ̀ɔ̀le èkatè bɔ̧ bu mɨ̧̂. Ko mbɨ̀Ꞌɨ̀ à lèènè èbu bɔ ghɨ ane gùb nyà̧ la.

2 Tɔ̀màtià 1:4

Màa ngɨ̀ è ku̧u̧te àfɨ̀Ꞌ yu e ndi me sà awê mèsi chu àghɨ ayê la, e me nùa nkɨ eye awê, mbɨ̀Ꞌɨ̀ èntɨ̧ɨ̧ am aa lu̧u̧ nè mèngùꞋte.

2 Kɔlìn 13:13

Bòt Mbɔ̧ɔ̧mà bu bàgème àdzìꞋ yaa la aa ntsàꞋtà wɨ̧.

1 Kɔlìn 16:20

Bòt Mbɔ̧ɔ̧mà bu bàgème àdzìꞋ yaa la aa ntsàꞋtà wɨ̧. Bɨ̀ taꞋa bɔnyɨ bɨ̧ bàgème ntsàꞋtè àwɔb mbɨ̀Ꞌɨ̀ bòt Mbɔ̧ɔ̧mà.

Lûk 12:58

Wòt fɨ̧̀ɨ̧̀nè àwê a èkɔ̂t, à nyɔ̀Ꞌtè mbà̧à̧ àka tò àfɨꞋa bɨ̀ bele alu̧ la. Ghɨ̀ ale mbɨ̀Ꞌɨ̀ ka tà səèŋnè awê nɨŋ nga a mbì wòt tàa sàꞋa èkɔ̂t la, tà zì awê a tèkitebu bɔkefen, bɔ màꞋà awê a tèfȩ.

Tȩtɔ̀s 3:12

Maa tsàa wòt kǒ ane Àtemàs bɔ̂ Tȩ̀kɨkùs abua yê. Ŋut naa kɨꞋɨ tà kwene ane yê, à nyɔ̀Ꞌtè nkɨ̀Ꞌɨ̂ nkwène ane yaã a Nìkopolìs, nkàà nê mâ taŋke etseke abàꞋ və ane àfɨꞋa àbɨ̂ŋ yaa.