Bib sou entènèt

Paj dakèy
Bib sou entènèt
2 Tɔ̀màtià 4:18

2 Tɔ̀màtià 4:18 - Mundani

¹⁸ Mâ ko nê, Mbɔ̧ɔ̧mà wu naa tsì am a èbem èghɨ kàbɔ̀ŋ ègème, e mě mbaabe am tè maa ghǎ enyi a èbem kèfɔ̧̀ tò a ègwet. TsiꞋ mèngùꞋte wu abua tò àfɨ̀Ꞌ àgème! Àmèn.

Gade chapit la Kopi

tounen moute ⬆

2 Tɔ̀màtià 4:18
40 Referans Kwoze

2 Tèsàlonikà 3:3

Tǎt wa Yesò wu wòt betsiꞋa bɨ lɨ̀Ꞌà wɨ̧ ane tò la. Tàà ghɨ̌ mèntɨ̧ɨ̧ mɨ̧ na me kweele e mèe me baabe awɨ̧ abua Satàn wòt kàbɔ̀ŋ.

Matìù 6:13

À ka ntsàà àwa a èbem àtaãaãte. Ka ntsì àwa a èbem kàbɔ̀ŋ.’ [Ngu nê kèfɔ̧̀ wu wê, mètàŋ nè mèngùꞋte mè ngu mê ane àlia nè àlia. Àmèn.]

1 Pità 1:5

Èghɨ mbɔŋ e wu abua yɨ̧ wu bɨ̀ zì mèntɨ̧ɨ̧ mɨ̧ ane Yesò Klistò la. Mbɔ̧ɔ̧mà nɨ̀ mètàŋ mi nkàbte awɨ̧ me chɨ̀Ꞌɨ̀ àli yu ngɔ̀ŋ nàa li elìà la. Taa li eŋa wɨ̧ mèmpème màa tà taŋke la.

1 Tèsàlonikà 5:23

TsiꞋ Tǎt wa Mbɔ̧ɔ̧mà wu tàa ngɨ̀à ba bɔ àlàŋkà èntɨ̧ɨ̧ la ghɨa bɨ̀ tsiꞋi mbɨꞋɨ̀ tòà ane balu̧ bàgème. TsiꞋ mèntsèke mɨ̧ nènkèm, nè mèmɨ̀ɨ̀te mɨ̧, nè mbɨ̧̀ ènyit yɨ̧ è wu ka ye àghɨa wòt nàa fèèlè àwɨ̧ adù̧ la, tè ndɨ Yesò Klistò Lefɨ̀Ꞌ wa nàa li mèe ekɨꞋɨ la.

Ebùlù 13:21

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.

2 Tɔ̀màtià 1:12

Eyaa wu lə yu e ndzèa ngoꞋ yaa la. Ka betsiꞋa è nka bɔ àtsəa kɔꞋɔ ane ànəa ko nkàà nê mâ ko wòt wu mâ zì ntɨ̀ yaã ane tò la. Mâ ko mɨ̧̂ nê, betsiꞋa tà baabe Ntu̧ Ntsɔ̧̀ yu tà ŋa abua am la tè ngà ngu ane àli yu tàa li e mě kɨꞋɨ la.

2 Kɔlìn 1:10

Tà li fàà àwa abua ngoꞋ èvə, mè ngu efàà àwa. Ba lâ nko nê taa mě efàà àwa.

Lûm 11:36

Èghɨ ègème e li ngu nkàà mètàŋ tò, èghɨ ègème e mè ngu nkàà atò, mè ngu abua tò. TsiꞋ mèngùꞋte wu abua Mbɔ̧ɔ̧mà ane àlia nè àlia. Àmèn.

Matìù 13:43

Ka bòt bɔ tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la e wu li me kàꞋà mbɨꞋɨ̀ àtaãnyèm àdziꞋa ngɔ̀ŋ fi tǎt wɔb Mbɔ̧ɔ̧mà. Wòt bɔ ètû̧, tà yute èngà̧ waa.

Jɔ̌n 17:15

È nka shu̧u̧ta wê nê, tsì àwɔb a èbem ngɔ̀ŋ yaa, e shu̧u̧tà wuê nê baabe awɔb mbɨ̀Ꞌɨ̀ bɔ kwene a tèkitebu Satàn Wòt Kàbɔ̀ŋ.

Lûk 12:32

“Bɨ̀ ka mbɔ̌, bɨ̀a wu bɨ̀ wu mbɨ̀Ꞌɨ̀ àlaã njɨ̀tsə kà ye mètàŋ mɔb la, nkàà nê aà mbɔ̀ a tǎt wɨ̧ a màngɨa bɨa tsiꞋi bèfɔ̧̀ mbɨ̀Ꞌɨ̀ tòà.

1 Tɔ̀màtià 6:16

Tà wu ndàꞋà wòt kà wu li epfə, mè me tsèke a kètsìà èkaꞋa vi wu betsiꞋa wòt kà ko ntsě abot la. Wɔ̀bȩ̂ bakà li mè ye atò, wòt kà mè ngu eko eye atò. TsiꞋ bɔbȩ è wùꞋte atò mè ŋeꞋe atò a ègwet tè ndɨ ngɔ̀ŋ naa li ghǎ elìa la. Àmèn.

1 Kɔlìn 10:13

Àghɨ a me kɨ ŋwèèlè àwê aa ghɨ̌ a kàbɔ̀ŋ, à ko nê wu àghɨa a li mè ye bòt ko la mɨ̧̂. Mbɔ̧ɔ̧mà wu wòt betsiꞋa bɨ lɨ̀Ꞌà wɨ̧ ane tò la. BetsiꞋa tà kà bɨ̧ɨ̧nè àghɨ a ŋwèèlè àwɨ̧ tè ngà ndzə àdziꞋa bɨ̀a ghɨ̀ àghɨa bɨ ghɨ̂ bɨ̀ ka wu ghɨ̀ la. Ka àghɨ a me kɨ ŋwèèlè àwɨ̧ bɨa ghɨ a kàbɔ̀ŋ ko Mbɔ̧ɔ̧mà naa ŋa wɨ̧ mètàŋ bɨa ko kìì tê dzə a èbèm kà ghɨ a kàbɔ̀ŋ.

1 Pità 5:11

Wu tòà ka tà bɔ mètàŋ ègème ane àlia nè àlia la. Àmèn.

1 Tɔ̀màtià 1:17

TsiꞋ bòt è wùꞋte a Mbɔ̧ɔ̧mà wu tà wu Fɔ̧̀ mè ngu wòt tàa mbà̧aã ngɔ̀ŋ àfɨ̀Ꞌ àgème la. Tà wu ndàꞋ Mbɔ̧ɔ̧mà wu tàa ka pfə, bɔ ka meè ngua dzea tò la. TsiꞋ mèngùꞋte wu abua tò ane àlia nè àlia. Àmèn.

Matìù 25:34

“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.

Jûd 1:1

Letà Juêd, wɔ̀fàꞋ Yesò Klistò, wanyɨ Jimsì, Abua bòt bu bàgème Tǎt waa Mbɔ̧ɔ̧mà làà àwɔb ane bòt bi me nèèta nkɔ̀ŋkè àwɔb, Yesò Klistò mè me baabe awɔb la.

Gàlashìà 1:5

TsiꞋ mèngùꞋte wu abua Mbɔ̧ɔ̧mà àlia nè àlia. Àmèn.

Lûm 16:27

Wu ndàꞋà Mbɔ̧ɔ̧mà tà bɔ èyì la. MèngùꞋte wu abua tò ane àlia nè àlia, nkàà àghɨa Yesò Klistò li ngɨ̀ la! Àmèn.

Lûk 22:29

Ale, mbɨ̀Ꞌɨ̀ Tǎt am è yɔꞋ am ane Fɔ̧̀ la, wu ndɨ màa yɔꞋɔ awɨ̧ la.

Lûk 11:4

WaꞋa bèkàbɔ̀ŋ ba, mbɨ̀Ꞌɨ̀ bàambɔŋ e waꞋa bèkàbɔ̀ŋ bɔnyɨ ba la. À ka ntsàà wa àdziꞋa bɔ̀ɔ taãaãte awa la.’ ”

Jimsì 2:5

Ngule bɔnyɨ bɔ̧ bɨ̀ zə, Mbɔ̧ɔ̧mà tɔ bòt bu bɔ̀ wu bòt ntseb a ngɔ̀ŋ ŋaa la, ngɨ̀ bɔ tsiꞋi ngule bòt, nkàà èntɨ̧ɨ̧ wu bɔ zi ane Yesò la, mè ngɨ̀ bɔ jɨa àbȩ̀ kèfɔ̧̀ wu tà kàꞋa bòt bu bɔ̀ɔ nkɔ̀ŋkà àvi la.

1 Kɔlìn 1:21

Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

1 Kɔlìn 15:50

Bɔnyɨ bɔ̧, ànəa e shua la wu nê, betsiꞋa wòt kà nyi a kèfɔ̧̀ Mbɔ̧ɔ̧mà nè mbɨ̧̀ ènyit wɔ̀bȩ̂, àghɨa àa fìà la à ka wuê bɔ̂ èghɨ kà wu li fǐ.

2 Tɔ̀màtià 4:1

TsiꞋ è neeta shu awê ànəê yaa a mbì Mbɔ̧ɔ̧mà bɔ̂ Yesò Klistò wu tàa li mě ekɨꞋɨ tseke a ègwet atɨ̧ kèfɔ̧̀ vi, esaꞋa bòt, èbe be pfəꞋte la, nè èbe be bele yû̧ la.

Ebùlù 11:16

Ka mbɨ̀Ꞌɨ̀ àa la, bɔ li ngua nkɨà àlaꞋ a bɔŋ te ntsè àyùà la, è wu àlaꞋ yu à wu a ègwet la. Ale, àtsəa Mbɔ̧ɔ̧mà aà kà kɔꞋ màmbɨ̧ɨ̧na laꞋnê ye wu Mbɔ̧ɔ̧mà wɔb nkàà nê tà tàŋke àpfəèà nɨ̧ abua yɔb.

Ebùlù 12:22

Ka bɨ kɨꞋɨ tê ntsìꞋi a mbɨ̧̀ èbȩ lu bɔ̀ɔ ntɔ nê Zayɔ̀n la, è wu àpfəèà nɨ̧ a Mbɔ̧ɔ̧mà yû̧ la. Eyaa wu Jèlusalèm wu a ègwet, nè bɔntu̧ Mbɔ̧ɔ̧mà bu kà pà̧ bɔ bù̧ù̧te ane mèngùꞋte la.

2 Pità 1:11

tà mè ngu esèè awa ntsɔ̧̀ a kèfɔ̧̀ Lefɨ̀Ꞌ wa. Wu tòà tà wu Mpemnà wa la. Kèfɔ̧̀ tò naa wu ane àlia nè àlia.

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.

Swiv nou:

Lyen patwone

Piblisite

Piblisite