2 Tɔ̀màtià 4:14 - Mundani

¹⁴ Àlèkzandà, talà̧ li ndâ ngɨ̀ am àbɨꞋte ànəê. Mbɔ̧ɔ̧mà naa li etsɔꞋɔ àfàꞋ atò ane àghɨa tà ghɨ̀ la.

2 Tɔ̀màtià 4:14 Referans Kwoze

1 Tɔ̀màtià 1:20

Èbeko ane bòt ngaa wu Ghɨ̀menɔ̀s bɔ̂ Àlèkzandà. Mâ zì àwɔb wàa a tèkitebu Satàn. Àyaa aa nyɨꞋte awɔb nê, bɔ̀ ka ndi ndɔ̀Ꞌɔ̀ ane àli ako mè ndàꞋà a kàbɔ̀ŋ adù̧ èlen Mbɔ̧ɔ̧mà.

2 Tèsàlonikà 1:6

Mbɔ̧ɔ̧mà naa bê ghɨ̀ àghɨa a kùꞋù la. Taa ghɨ bòt bu bɔ̀ɔ ngɨ̧̀ɨ̧̀nà wɨ̧ la aa ye ngoꞋ mɨ̧̂,

Ètsə 18:6

Bɨ̀ ghɨ àghɨa tà ghɨ ane bòt ko la ane tò mɨ̧̂. Bɨ̀ ghɨa tà ye ngoꞋ tà ghɨ̂ bòt ko e ye la ngò̧ tebe. Bɨ̀ nɨ ndɔŋ yu tà nɨŋ ndzì mèlùꞋ ŋa bòt e nu la, ndzì mèlùꞋ kèkweelè è tse me tò mu la ngò̧ tebe ŋa tà nu.

Lûm 12:19

Bɔnyɨ bɔ̧, wòt ghɨa kàbɔ̀ŋ ane wòt, tà ka mvəèəè, tà sàŋ Mbɔ̧ɔ̧mà nɨ ntsǒ zi ngɨ̀, wuê mbɨ̀Ꞌɨ̀ Mbɔ̧ɔ̧mà shu bɔ shɨ a èbem Àkata tò la nê, “Wòt tàa vəèəè la wu mmɔ̌. Maa ŋa àbȩ̀ yɔb. Wu Tǎt wa Mbɔ̧ɔ̧mà shua la.”

Ètsə 18:20

Ègwet, wùꞋtè àwê nkàà ndɨ tà kwen la. Bòt Mbɔ̧ɔ̧mà nè bɔntu̧ Mbɔ̧ɔ̧mà, nè bèndàꞋàtɔŋ Mbɔ̧ɔ̧mà leꞋ, bɨ̀ wùꞋtè àwɨ̧, Babilɔ̀n è kwen. Mbɔ̧ɔ̧mà nɔ̀ŋe ngoꞋ a ègwet tò nkàà àghɨa tà li ngɨ̀ ane yɨ̧ la.”

Ètsə 6:10

Bɔ me ŋȩ kwàꞋ ànyaꞋne shua nê, “Àwɔ̀ Tǎt wa Mbɔ̧ɔ̧mà Àtsèàngɔ̀ŋ, àa tsa ane àghɨ àgème, nkûŋ mè me dzə wuê abua ye. Bàa tseke tê eghǎ ewua ka àfɨꞋa, ka àa saꞋa bòt bu bɔ li mbùŋè awa a sitsǎꞋ la, e zi awɔb a èbem ngoꞋ à?”

1 Jɔ̌n 5:16

Wòt yea wanyɨ vi ngɨa kàbɔ̀ŋ kà wu ewe betsiꞋa è ghɨ̀ tà pfə la, tà tsaꞋte a Mbɔ̧ɔ̧mà àtsəa tò, ko Mbɔ̧ɔ̧mà naa ŋa atò mèmpème. E shua bòt bu bɔ̀ bakà ghɨ mènəè kàbɔ̀ŋ è wu me betsiꞋa è ghɨ̀ bɔ pfəꞋtè la. Ka mènəè kàbɔ̀ŋ kǒ nàà və betsiꞋa è ghɨ̀ wòt pfə la. E ntsea shua nê bɨ̀ tsaꞋte a Mbɔ̧ɔ̧mà ane èwuu kàbɔ̀ŋ mbɔŋ.

Lûm 2:6

Mbɔ̧ɔ̧mà naa li tsɔꞋɔ waa waa, ane àfàꞋa tò.

2 Tɔ̀màtià 4:15

Me ko mbɨ̀Ꞌɨ̀ tà ghɨ ane yê mɨ̧̂, nkàà nê tà li tà kà bê ngùa nkɨ̌ eyute mèngà̧ mu ba nyɨꞋtà la.