2 Tɔ̀màtià 2:2 - Mundani

² Nɨ mèngǎ̧ Mbɔ̧ɔ̧mà mu à li ndzə e ndàꞋ abua bòt nyaŋ la ndzì a tèkitebu ngule bòt bu bɔ kùꞋu a mànyɨꞋta bòt ko la mɨ̧̂.

2 Tɔ̀màtià 2:2 Referans Kwoze

1 Tɔ̀màtià 4:6

À nyɨ̀Ꞌta mènəè maa abua bɔnyɨ ba, ko aa wu ngule wɔ̀fàꞋ Yesò Klistò. À me ghɨ̀ anè, ko à wua nyɨ̀Ꞌta nê, à wu wòt tàa ndzəa wuê èngǎ̧ Mbɔ̧ɔ̧mà wu ba zǐ èntɨ̧ɨ̧ wa adù̧ la, mè me nèèta mbà̧aã mènəè mu à li mbɨ̧̀ɨ̧̀ne mbɨ̀Ꞌɨ̀ bɔ nyɨꞋte awê la.

1 Tɔ̀màtià 6:12

Tsì ètɨ̧̂ wê ntsènè è nù èbele Mbɔ̧ɔ̧mà. Ghɨ̌ ndɨ àa bɔ mèmpème kàlìà la, nkàà nê Mbɔ̧ɔ̧mà li ndȩ̀ awê nê kɨꞋɨ mbɔ̀ mùà, àfɨ̀Ꞌ yu à li mbɨ̧̀ɨ̧̀nê a mbì bòt nyaŋ nê ye zǐ èntɨ̧ɨ̧ vi ane Yesò Klistò la.

2 Tɔ̀màtià 3:10

È me wu awê, ko à ko àghɨa màa nyɨ̀Ꞌta la ntsɔ̧̀, nko ndɨ màa ntsèka la, mè nko lə àfàꞋ yu e fàꞋà la. À ko ndɨ màa ndzìà èntɨ̧ɨ̧ am ane Yesò la, nko ndɨ màa mbà̧aã èntɨ̧ɨ̧ am la, nko ndɨ màa nkɔ̀ŋkà bòt la, mè nko ndɨ màa nkùùla èntɨ̧ɨ̧ la.

Lûk 12:42

Yesò bɨ̀ɨ̀lè nê, “WafàꞋ ntsɔ̧̀ tà bɔ èyì la wu we ŋa à? Wu wu tǎt àfàꞋ tò zi atò àtsəa beko nê tà me ŋa wɔb èghɨjɨ àfɨꞋa ntsɔ̧̀ la.

1 Tɔ̀màtià 1:18

Waã am Tɔ̀màtià, mâ zì mènəè maa ègème a tèkitebu tê. Me ku̧u̧te mènəè mu bɔ li ndzaŋe elàꞋa ane yê ane àtɔŋ Mbɔ̧ɔ̧mà la, nɨ̀ mènəè ngaa nɨŋ nù èbele Mbɔ̧ɔ̧mà adù̧.

1 Tɔ̀màtià 1:12

Maà ŋàa mènkɔ̀ŋke abua Yesò Klistò Lefɨ̀Ꞌ wa wu tà ŋa am mètàŋ ane àfàꞋ am la. Mâ kɔ̀ŋke atò ane ndɨ̀ wu tà ye nê, e ngu ngule wòt, mè ndȩ̀ am nê è me ghɨ̌ àfàꞋ àzi la.

1 Tɔ̀màtià 4:14

À ka ngwaꞋa àghɨ yu Fo Mbɔ̧ɔ̧mà è ŋa abua yê, à lè bɔ àfɨ̀Ꞌ yu bɔ li ndàꞋà àtɔŋ Mbɔ̧ɔ̧mà, bɔɔjuŋ ayɔɔ bòt tò e nɔ̀ŋè èbu bɔb adù̧ yê la.

1 Kɔlìn 4:2

Àghɨa mbì wòt nàa me kɨ ye ane wòt tà zǐ àfàꞋ tèkitebu tò la wu ndɨ ŋut nàà me baãaã àfàꞋa zi ntsɔ̧̀ la.

2 Tɔ̀màtià 3:14

Ka è wu awê àwɔ̀ mbɔŋ, ko mâ laꞋnê, me kùŋè wuê mènəè mu bɔ li nyɨ̀Ꞌte awê, à mè mbɨ̧̀ɨ̧̀ne nè èntɨ̧ɨ̧ wê ègème la. Me kùŋè mènəè mbɔŋ ndɨ̀ wu à ko èwuu bòt bu bɔ li nyɨ̀Ꞌte awê la,

Kɔ̀losìà 1:7

Bɨ li mbɨ ndzə ànəa ntsɔ̧̀ Mbɔ̧ɔ̧mà mbɔŋ abua Èpaflàs, shu̧ ya wafàꞋ Yesò Klistò wu tà ŋà avi abua Yesò me tɨŋa awa la.

Ebùlù 2:17

Ale, tà li mbɔ̌ ndɨ tàa wu mbɨ̀Ꞌɨ̀ bɔnyɨ bi ane balu̧ bàgème la, etsiꞋi àtsəa bèntsìà mèpɨ̧̀ Mbɔ̧ɔ̧mà tàa nkua tèsȩte bòt mè mbà̧aã àfàꞋa Mbɔ̧ɔ̧mà yu tàa fàꞋà la ntsɔ̧̀, ngɨ̀à Mbɔ̧ɔ̧mà wàꞋa bèkàbɔ̀ŋ bòt la.

1 Tɔ̀màtià 5:22

Ko mbɨ̀Ꞌɨ̀ à tèmnê, a mànɔŋa èbu bê àtsəa wòt kǒ nê, tà me fàꞋa àfàꞋ ako ayɔɔ bòt Yesò. Ko mbɨ̀Ꞌɨ̀ à zì àbu ayê a èbem mènəè kàbɔ̀ŋ wòt. Tsì awê a èbem mènəè kàbɔ̀ŋ.

Matìù 24:25

Bɨ̀ zə na mâ shua wɨ̧ àfɨꞋa ntsɔ̧̀ tè ndɔ̀Ꞌ la.

Matìù 13:52

Tà mè shu abua yɔb nê è wu ale, nyɨꞋtà mbɨ̧tsə tà tsiꞋi wakatè a kèfɔ̧̀ Mbɔ̧ɔ̧mà la, wu mbɨ̀Ꞌɨ̀ tǎt lob wu tàa ngɨ̀ tà tsɔꞋɔ àtsəa lob zi ntsì èghɨ ntsɔ̧̀ fi bi nè èbe nyaꞋ àfɨꞋa tà kɔ̀ŋkè la.

2 Kɔlìn 2:14

Ka mèngùꞋte wu abua Mbɔ̧ɔ̧mà. Tà gha ambo èlɨ̀ wu bà tsiꞋi àghɨ yeamɔꞋ nè Yesò Klistò la ntse a mbì la me ghaꞋa èlu̧ ba me nû a Satàn ntsèà. Tà ghɨ̂ ba wu mbɨ̀Ꞌɨ̀ mèwet àghaa ntsɔ̧̀ bàa ntsèà àdziꞋ àgème ngɨ̀à bòt e koa àghɨa Yesò Klistò wu yùà la.

2 Kɔlìn 3:5

Ba ntsea shua nê ba ghɨ̀à àfàꞋ yaa ane mètàŋ ma. Wu Mbɔ̧ɔ̧mà ka tà ŋa awa mètàŋ ba me nɨa ngɨ̀à àghɨa bàa ngɨ̀à la.