2 Tɔ̀màtià 1:7 - Mundani

⁷ Ko nê Fo yu Mbɔ̧ɔ̧mà ŋa abua ya la, nàà kà ghɨ̀ bòt e bɔà. Nàà ŋàa awa wuê mètàŋ, ngɨ̀à ba kɔ̀ŋkà bòt, mè ngɨ̀à ndɨ bàa me baãaã mèntɨ̧ɨ̧ ma ka ngɨ̀à mènəè la.

2 Tɔ̀màtià 1:7 Referans Kwoze

Lûm 8:15

Fo yu Mbɔ̧ɔ̧mà li ŋa abua yɨ̧ la bakà ghɨ awɨ̧ ane èbùꞋ, e ghɨ̌ bɨa me bɔa, ka tà ŋa awɨ̧ Fo è ghɨ̌ bɨ tsiꞋi bɔ̧ tò la. Eyaa wu lə bàa ngɨ̀ bàà dɨa bà tɔ Mbɔ̧ɔ̧mà, baa nê, “Tè leꞋ! Tǎt wa leꞋ!”

1 Jɔ̌n 4:18

Wòt tàa ngɨ̀à èkɔŋ la nàà kà bɔ̀ɔ̂, nkàà nê èkɔŋ àa ngɨ̀ è lu̧u̧ a èntɨ̧ɨ̧ wòt e fəè kèbɔɔ. Wòt nàa me mɨ̀ɨ̀te nê yea li eye ngoꞋ ka tà me bɔɔ. È wu ale, wòt me bɔɔ tà ko nê, èkɔŋ e bakà zìꞋì ndù̧u̧ a èntɨ̧ɨ̧ vi.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Jɔ̌n 14:27

Mâ sa àlàŋkè abua yɨ̧, mâ ŋa àlàŋkè am abua yɨ̧, ka è nka ŋa mbɨ̀Ꞌɨ̀ bòt ngɔ̀ŋ àa ŋǎ la. Mbɨ̀Ꞌɨ̀ mèntɨ̧ɨ̧ mɨ̧ me bente, bɨ̀ ka mbɔa.

Lûk 10:19

Bɨ̀ zə. Mâ ŋa awɨ̧ mètàŋ bɨ̀a nɨ eghȩ̀ȩ̀ne a ègwet nyaãtekàbɔ̀ŋ bɔ̂ ènkàfuŋ, nè èghɨ kekweelè wɔ̀mbù̧ Mbɔ̧ɔ̧mà enɔ̀ŋè ntà̧ àwɨ̧ la, mbɔ̂ betsiꞋa àghɨ ane èghɨ bàa à ka zi àlɔꞋ ane yɨ̧.

ÀfaꞋa 1:8

È me wu awɨ̧ ko Fo Kèfə naa zǐ mètàŋ ane yɨ̧, bɨa ghǎ e me shu ànəa bɨ ye mè nko ane yaã la abua bòt Jèlusalèm, nè bòt àlaꞋ a Jùdià nè Sàmalìà, mè nè bòt èlaꞋ ko tsa a sitsǎꞋ ŋàa.”

Lûm 5:5

Mbɨ̀Ꞌɨ̀ baa ko ale la, baa ntsèa nchɨ̀Ꞌà àku, nkàà nê Fo Kèfə yu tà ŋa abua ya la è ghɨ̂ èkɔŋ tò e lu̧u̧ a mèntɨ̧ɨ̧ ma.

Ebùlù 2:15

Yesò li nɨ̀ àyaa ngɨ̀ bòt e pem èvə. Bòt baa e li ngua mbɔ̀ɔ èvə tè ntsìꞋi mbɨ̀Ꞌɨ̀ èbùꞋ a èten lùà àfɨ̀Ꞌ àgème.

ÀfaꞋa 20:24

A batè ngu ale, ka è nka tsi nɨ mbɨ̧̀ yaã ane àghɨa ko, mbɨ̀Ꞌɨ̀ epaate àfaꞋa Yesò Lefɨ̀Ꞌ li ŋa abua am nê è ngɨa la. ÀfaꞋa mbɔŋ wu ndɨ màa tsɔ̀te Ntu̧ Ntsɔ̧̀ ndɨ Mbɔ̧ɔ̧mà nàa ngɨ̀à ntsɔ̧̀ adù̧ bòt bi la.

1 Kɔlìn 2:4

E ndi è ka wua nyɨ̀Ꞌta mè ndàꞋà èngǎ̧ Mbɔ̧ɔ̧mà ane ètsəê ntsɔ̧̀ wu bɔbȩ àa nɨa èyǐ wɔb ndàꞋà la, ka Mbɔ̧ɔ̧mà li nɨ̌ Fo zi nyɨ̀Ꞌte mètàŋ mi, ngɨ̀ bòt e ko nê ànəa e ndàꞋà la wu nkûŋ.

Lûk 24:49

Mmɔ̌ mbɔŋ, maa tsaa èlaamè wu Tǎt am li nkàꞋ àwɨ̧ la. Ka bɨ̀ tseke a Jèlusàlem tè ndɨ bɨ̀a bɔ mètàŋ mu è chu a ègwet la.”

ÀfaꞋa 10:38

Bɨ koê ndɨ Mbɔ̧ɔ̧mà ŋa mètàŋ Fo Kèfə abua Yesò wu tà wû wòt Nazàlet la, mè nkoê ndɨ Yesò lè wua ngà̧aã a èdzìꞋ ègème ngɨa a ntsɔ̧̀ ane bòt, mè mbəèa bòt bàgème Satàn lè wua mbà̧à̧ta awɔb la. Tà lè wua ngɨ̀à ale nkàà ndɨ mètàŋ Mbɔ̧ɔ̧mà lè wu ane tò la.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

ÀfaꞋa 21:13

Ka Pɔ̂l shu abua ya nê, “Bɨ ghɨ̀ na ka me dɨ̀a èlɨ̀ waa ndòa èntɨ̧ɨ̧ am à? Maà kà lem nkɨ ghǎ a Jèlusalèm bɔɔ kuule am kuule, maa epfə abàꞋ və nkàà Yesò Lefɨ̀Ꞌ.”

Kɔ̀losìà 1:8

Tà li shu awa ndɨ Fo Mbɔ̧ɔ̧mà ghɨ̂ bɨ me kɔ̀ŋkè bòt la.

ÀfaꞋa 6:8

Stifèn li ngu wòt Mbɔ̧ɔ̧mà tàꞋa lɔ̀ɔ̀le atò mè ntàꞋa ŋa atò mètàŋ tà nɨŋ ngɨ̀ tèwuute ènəê kà ye fɨ̀Ꞌ bɔ̂ ngɨŋa ènəê nɨŋ nyɨ̀Ꞌte mètàŋ Mbɔ̧ɔ̧mà a kètsìà bòt la.

ÀfaꞋa 9:22

Sɔ̂l li ndàꞋà mènəè Yesò ane èlɨ kekweelè tè Bèjuê bu a Dàmaskɔ̀s la e ka tsi nko ntsɔ̀Ꞌɔ èngǎ̧ tò. A li me wu ale, ngû ndɨ̀ wu èghɨ tà nɨŋ nyɨ̀Ꞌte nê, Yesò wu Fɔ̧̀ wu Mbɔ̧ɔ̧mà li ndzɔꞋ etsàà la, wu èghɨ betsiꞋa wòt kà ko ntu̧ la.

Lûk 8:35

Ale, bòt e dzəè ngà àbȩ eye àghɨa a ghɨ̀ la. Bɔ kɨꞋɨ nkwene ane Yesò, ndzèa mbê wu fote kàbɔ̀ŋ te dzəa ane tò la tà tseke a mbì Yesò la. Bɔ me ye tà kwaã ndǐ ti, èyì tò e kuà, kèbɔɔ ke baãaã wòt ègème.

ÀfaꞋa 26:25

Pɔ̂l è bɨ̀ɨ̀lè nê, “E mbakà be a ndì, e ndàꞋà èngà̧ waa ane nkûŋ mbɨ̀Ꞌɨ̀ wòt tà bela nkoa èdziꞋ la.

Lûk 15:17

“ÀfɨꞋa èyǐ tò e kua la, tà shu abua zi zìambɔŋ nê, ‘BɔfàꞋ tǎt am bàgème e bɔ èghɨjɨ tè e me tsèà wɔb a njɨ̀a, e ngu àdziꞋ yaa mpfəà ndzìtsə.

ÀfaꞋa 26:11

E ndi ntàꞋa wua ngɨ̀à bɔ ghɨ̧̀ɨ̧̀nà àwɔb a èbem lobte Mbɔ̧ɔ̧mà Bèjuê tègème. E ngɨ̀ è me ghɨ̀ ale, e ngua nyɔ̀Ꞌtà nkɨ e ghɨ̌ bɔɔ tu̧ a Yesò. E ndi mbê mpààbè àwɔb tè me ghǎ fɔ̀ɔ̀le a èpfəè nɨ̧ ko a èlaꞋ a tsa nkɨ̀a àtsə yɔb enɨ.