2 Jɔ̌n 1:4 - Mundani

⁴ Mâ taꞋa wùꞋtè am ndɨ̀ wu mâ ye nê bɔ̧ bè ko aà nkùŋà mènəè nkûŋ wuê mbɨ̀Ꞌɨ̀ Tǎt wa li shuê nê bà me ghɨ̀ la.

2 Jɔ̌n 1:4 Referans Kwoze

Efesɔ̀s 5:8

Bɨ̀a mbɔŋ bɨ li ngu mbɨ̀Ꞌɨ̀ ndzěm, ka àfɨ̀Ꞌ yaa bɨ̀ tsiꞋi bòt Tè Yesò la, bɨ tsiꞋi mbɨ̀Ꞌɨ̀ èkaꞋà. Ale, bɨ̀ me tseke mbɨ̀Ꞌɨ̀ bòt bɔ̀ wu a èbem èkaꞋà la.

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

1 Jɔ̌n 2:6

wòt ègème tà laꞋnê ye tsiꞋi àghɨ yeamɔꞋ bɔ̂ Mbɔ̧ɔ̧mà la, è bɔ ndɨ tàa me tseke wuê mbɨ̀Ꞌɨ̀ Yesò Klistò li ngua ntsèka la.

Filìpȩ 4:10

Maà ngùꞋtà am ànyaꞋne mè nkɔ̀ŋkà Tè Yesò Klistò nkàà nê, bɨ mee mbùꞋ tè me tɨŋe am mbɨ̀Ꞌɨ̀ bɨ li ndâ ngua ngɨ̀à la. È nka shua nê, bɨ li ndèènè am, wu nê èlu̧ e li è ka wuê bɨ̀a tɨŋe am la.

Gàlashìà 2:14

Ka àfɨꞋa mâ ye nê bɔɔ̀ kà ghȩȩne ndɨŋndɨ̀ŋ mbɨ̀Ꞌɨ̀ Ntu̧ Ntsɔ̧̀ Yesò kɨa la, e mbììte a Pità a mbì lɔb bàgème nê, “Àwɔ̀ waa à wu wòt Juê la, àa ntsìꞋa ngɨ̀à mbɨ̀Ꞌɨ̀ wòt kà wu wòt Juê anè tè ngu e ghɨ̀ na ka ŋwèèle bòt kà wu Bèjuê bɔɔ tsiꞋi Bèjuê à?”

1 Kɔlìn 13:6

Èkɔŋ aa kà wuꞋta vi ane kàbɔ̀ŋ, aà ngùꞋtà vi ane nkûŋ.