2 Jɔ̌n 1:2 - Mundani

² Ba nkɔ̀ŋkà àwɨ̧ anè nkàà èngǎ̧ nkûŋ yu è wu a mèntɨ̧ɨ̧ ma, mè ngu etseke a mèntɨ̧ɨ̧ ma ane àlia nè àlia la.

2 Jɔ̌n 1:2 Referans Kwoze

1 Jɔ̌n 2:17

Bɨ̀ ko nê, sitsǎꞋ yàa nè èghɨ bu ègème a èbem bɔbȩ àa nkɔ̀ŋkà la naa li lɔ̀Ꞌɔ etsě. Ka è wu wòt wu tàa ngɨ̀à mènəè Mbɔ̧ɔ̧mà nàa nkɨà la, ko taa li ntèꞋa ane àlia nè àlia.

1 Jɔ̌n 2:14

Bètǎt bɔ̧, e shɨa àkatè yaa abua yɨ̧ nkàà nê bɨ ko a tò wu tà li ngu ka ngɔ̀ŋ naa li lɔ̀Ꞌɔ ebùꞋù la. BɔngwàꞋ, e shɨa àkatè yaa abua yɨ̧ nkàà nê bɨà nkwèèlâ, èngǎ̧ Mbɔ̧ɔ̧mà e mè ngu a mèntɨ̧ɨ̧ mɨ̧, bɨ mè ntsèke àtsəa Satàn wòt kàbɔ̀ŋ.

1 Jɔ̌n 1:8

Ba me shu nê ba bakà ghɨ a kàbɔ̀ŋ, ba wua fɨ̀ta awa bàa mbɔŋ, bà ka me nko nkûŋ ane ànəa Mbɔ̧ɔ̧mà.

2 Pità 1:12

Bɨ batè nko èghɨ bàa, tè ndâ me kweele ane nkûŋ yu bɔ li shu awɨ̧ la, ka e mbɔ̂ ngu me tseka nkù̧ù̧ta wɨ̧ ànəa èghɨ mbɔŋ.

2 Tɔ̀màtià 1:5

Maa mè nkù̧ù̧ta ndɨ à li ndzì èntɨ̧ɨ̧ wê ane Yesò, wuê mbɨ̀Ꞌɨ̀ nyɨ̌ jûŋ wê Lɔsì bɔ̂ nyɨ̌ wè Yunìs e li ndzì mɔb la. Mâ lâ nko nê èntɨ̧ɨ̧ wê ewu wuê ane tò.

Kɔ̀losìà 3:16

Bɨ̀ tsiꞋ èngǎ̧ Yesò Klistò è ghe a mèntɨ̧ɨ̧ mɨ̧. Bɨ̀ me nɨ èyì ègème ndàꞋà èngǎ̧ mbɔŋ abua bɔnyɨ bɨ̧ nkɨ̀ɨ̀ta awɔb. Bɨ̀ me kɔ̧ɔ̧ mètsəkû̧ è dzəâ a èbem àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà ghɨ̀ la. Bɨa me kɔ̧ɔ̧, bɨ me ŋa mènkɔ̀ŋke abua Mbɔ̧ɔ̧mà a èbem mèntɨ̧ɨ̧ mɨ̧.

2 Kɔlìn 4:5

Èngà̧ waa ba làꞋà la, ba ntsea nkɨ shu àghɨa bà wu yùà la. Ba làꞋà ànəa Yesò Klistò, shua nê tà wu Tǎt àtsəa bòt bàgème, è me wu awa ba wu bɔfàꞋ bɨ̧ nkàà a Yesò Klistò.

1 Kɔlìn 9:23

E ngɨ̀à èghɨ bàagème mbɨ̀Ꞌɨ̀ ghɨ̌ Ntu̧ Ntsɔ̧̀ naa me ghà ne mbì, màa nkɨà mbɨ̀Ꞌɨ̀ è ngu bɔ wɔ̧ ne èghàb ane àbȩ̀ èngǎ̧ mbɔŋ la.

Jɔ̌n 15:7

Bɨ wu àghɨ yeamɔꞋ nè nà̧, mèngǎ̧ mɔ̧ mè ngu a mèntɨ̧ɨ̧ mɨ̧, ko bɨa biite a Tǎt am àghɨ àgème bɨ kɔ̀ŋkè la, taa ŋa.

Jɔ̌n 14:16

e mè ngu eshu̧u̧te a Tǎt am, taa ŋa wòt tsa taa me tseke bɨ tò ba ane àlia nè àlia ntɨ̀ŋa wɨ̧ la.