2 Jɔ̌n 1:1 - Mundani

¹ Letà Wajûŋ ayɔɔ bòt Yesò, Abua Mè wu Mbɔ̧ɔ̧mà làà atò la bɔ̂ bɔ̧ bi. Maà ndâ nkɔ̀ŋkà àwɨ̧ ane nkûŋ yu ane ànəa Mbɔ̧ɔ̧mà la. È ntsě wuê ndàꞋà mmɔ̌ màa nkɔ̀ŋkà àwɨ̧ la, waa waa tà ko èngǎ̧ nkûŋ la nàà nkɔ̀ŋkà àwɨ̧ mɨ̧̂.

2 Jɔ̌n 1:1 Referans Kwoze

1 Jɔ̌n 3:18

Bɔ̧ bɔ̧, mbɨ̀Ꞌɨ̀ àa anè la, bà me nèèta nkɔ̀ŋkà bɔnyɨ ba mè ngɨ̀à èghɨ àa nyɨ̀Ꞌta nê baa ndâ nkɔ̀ŋkà àwɔb la. Bà kà me kɔ̀ŋkè bòt wuê ane mèngǎ̧ ètsəê.

1 Tɔ̀màtià 2:4

tà mè me kɔ̀ŋkè nê, bòt bàgème è pem nko èngǎ̧ tò wu è wû nkûŋ la.

Jɔ̌n 8:32

ko bɨa ko ànəa nkûŋ yu è dzəâ abua Mbɔ̧ɔ̧mà la, naa ghɨ̌ bɨa bakà tsi ngu èbùꞋ.”

2 Jɔ̌n 1:5

È wu ale, e me shu̧u̧te awê, àwɔ̀ Mè waa màa nkɔ̀ŋkà la nê, bà me kɔ̀ŋkè bɔnyɨ ba. Ànəê yaa e shɨa la ntsě ànəa fi Mbɔ̧ɔ̧mà laꞋnê bà me ghɨ̀ la. Wu ànəa ba li ndzə ebùꞋù tê ane àlia mbì yu ba li ndzì mèntɨ̧ɨ̧ ma ane Yesò la.

1 Pità 5:1

E ngua shù̧ù̧ta wɨ̧ bɔɔjuŋ ayɔɔ bòt Mbɔ̧ɔ̧mà mbɨ̀Ꞌɨ̀ wajûŋ kǒ, mè ngua ndàꞋà mbɨ̀Ꞌɨ̀ wòt tà ye ngoꞋ Yesò Klistò li ndze la; mè ngu ebɔ wɔ̧ nê èghàb ane ènɨ̧ tò wu tàa li kɨꞋɨ nê wùà la.

2 Jɔ̌n 1:13

Bɔ̧ wanyɨ wè, Mè wu Mbɔ̧ɔ̧mà làà la, aà ntsàꞋtà awê.

1 Jɔ̌n 2:21

È ntsě shɨa abua yɨ̧ nê bɨ bakà ko nkûŋ. E shɨa ndɨ̀ wu bɨ ko la. Bɨ ko mɨ̧̂ nê betsiꞋa nkûŋ ka bi àfɨte.

1 Pità 1:2

Tǎt wa Mbɔ̧ɔ̧mà li ndàà wɨ̧ ane mènkɔ̀ŋke mi, nɨ Fo zi ngɨ̀ bɨ tsiꞋi mbɨ̀Ꞌɨ̀ tò, mbɨ̀Ꞌɨ̀ bɨa me zəa Yesò Klistò, àlo̧ atò aa mèe shùù àwɨ̧. Maà shù̧ù̧ta nè Mbɔ̧ɔ̧mà me nyɨꞋta ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Ebùlù 10:26

Ba ko nkûŋ tè ndɔ̀Ꞌ, mbɔ̂ mè me ghɨ̀ wuê a kàbɔ̀ŋ, ko àghɨa ko a te ntsě bɔ̀ɔ mèe kɨ̧ɨ̧me ane mènəè kàbɔ̀ŋ ma la.

Gàlashìà 5:7

Bɨa yǎ̧ ngua ngȩ̀ȩ̀nà ane alu̧ ntsɔ̧̀ ale wǎ tseke tè nkèlè àwɨ̧ nê bɨ̀ ka tsi ngɨ̀ mbɨ̀Ꞌɨ̀ nkûŋ nàa shua la à?

Gàlashìà 3:1

Bɨ̀a bòt Gàlashìà bàa bɨ wu kwàꞋ èkèghɨ̧̀. Wàa chɨɨmè nɨ̀ èbə nɨŋ ngèble ètsə bɨ̧ nê bɨ̀ ka mbɨ̧̀ɨ̧̀ne nkûŋ à? Ka bɔ li ngàꞋte kwàꞋ a mbì lɨ̧ nyɨ̀Ꞌte ndɨ bɔ li ngù̧ù̧te Yesò Klistò a mbɨ̧̀ mbasa la à?

Gàlashìà 2:14

Ka àfɨꞋa mâ ye nê bɔɔ̀ kà ghȩȩne ndɨŋndɨ̀ŋ mbɨ̀Ꞌɨ̀ Ntu̧ Ntsɔ̧̀ Yesò kɨa la, e mbììte a Pità a mbì lɔb bàgème nê, “Àwɔ̀ waa à wu wòt Juê la, àa ntsìꞋa ngɨ̀à mbɨ̀Ꞌɨ̀ wòt kà wu wòt Juê anè tè ngu e ghɨ̀ na ka ŋwèèle bòt kà wu Bèjuê bɔɔ tsiꞋi Bèjuê à?”

Gàlashìà 2:5

Ka bɔ ghɨ̀ ale bà ka bê ŋa èlu̧ abua yɔb, ka wuê adzìꞋ, mbɨ̀Ꞌɨ̀ ghɨ̌ nkûŋ yu ane Ntu̧ Ntsɔ̧̀ Yesò Klistò la naa tèꞋa ane yɨ̧.

Kɔ̀losìà 1:5

È li ngu àfɨꞋa bɔ li mbɨ̀ ntsɔ̀tè èngǎ̧ nkûŋ wu è wu Ntu̧ Ntsɔ̧̀ Mbɔ̧ɔ̧mà, abua yɨ̧ la, bɨ zə ànəa ntu̧ mbɔŋ shua la. È li ngua ndàꞋà ànəa ntsɔ̧̀ wu betsiꞋa bɨ bɔŋ mbɨ̀Ꞌɨ̀ bɨ nɔ̀ŋè mèntɨ̧ɨ̧ mɨ̧ adù̧ me chɨ̀Ꞌɨ̀ la. Wu ànəa ntsɔ̧̀ waa Mbɔ̧ɔ̧mà neetè nɔŋe abua yɨ̧ a ègwet bɨ mè me chɨ̀Ꞌɨ̀ la, ka a ghɨ̂ bɨ zì mèntɨ̧ɨ̧ mɨ̧ ane Yesò mè me kɔ̀ŋkè bòt Mbɔ̧ɔ̧mà la.

Lûk 1:3

Mbɨ̀Ꞌɨ̀ mâ kùŋe mènəè maa ègème a mèmbùꞋu la, mâ kwaꞋtè nê è shɨ mènəè mbɔŋ a si mɨ̧̂ abua yê, àwɔ̀ Tìofilɔ̀, wuê mbɨ̀Ꞌɨ̀ è li ntsè la.

ÀfaꞋa 11:30

Bɔ chùbtè èghɨ mbɔŋ ale, ntsaa Bànabasì bɔ̂ Sɔ̂l, nê bɔ̀ gha ŋǎ abua bɔɔjuŋ ayɔɔ bòt Yesò bu bɔ̀ ghabta.

Lûm 16:13

Bɨ̀ tsàꞋte Lufùs wu Mbɔ̧ɔ̧mà tɔ atò a màfaꞋa abua Tè Yesò, bɔ̂ nyɨ̌ vi wu, tà wu nyɨ̌ am mɨ̧̂ la.

1 Pità 5:13

Ènɔ̧̂ bòt Yesò bu a Babilɔ̀n la aà ntsàꞋtà wɨ̧. Bɔ wu ènɔ̧̂ bòt Mbɔ̧ɔ̧mà làà wɔb mbɨ̀Ꞌɨ̀ bɨ̀a la. Mak wu tà wù waã am la, nàà ntsàꞋtà wɨ̧ mɨ̧̂.

3 Jɔ̌n 1:1

Letà Wajûŋ ayɔɔ bòt Yesò, Abua Gayɔ̀s wu màa nkɔ̀ŋkà nkàà nkûŋ yu ane ànəa Mbɔ̧ɔ̧mà la.