2 Kɔlìn 9:11 - Mundani

¹¹ Tà ghɨ̂ bɨ wu bòt nè èghɨ mbɨ̀Ꞌɨ̀ me ko ŋǎ abua bòt àfɨ̀Ꞌ àgème kà kuꞋte àbu. Bɨ ghɨ ale ko bòt nyaŋ aa ŋa mènkɔ̀ŋke abua Mbɔ̧ɔ̧mà ane àghɨa bɨ̀a ŋǎ la.

2 Kɔlìn 9:11 Referans Kwoze

2 Kɔlìn 4:15

Ba yea ngoꞋ anè mbɨ̀Ꞌɨ̀ bɨa jɨ àbȩ̀, mbɨ̀Ꞌɨ̀ bòt è me kwèꞋna ndzəa ntsɔ̧̀ Mbɔ̧ɔ̧mà ngà nè mbì, bòt bɔ̀ɔ me ŋǎ mèngùꞋte abua Mbɔ̧ɔ̧mà nɨa ndɔ̀kà èlen tò ntsaa a ègwet la e me yaã.

2 Kɔlìn 9:12

Bɨ ŋa èghɨ bàa bɨ kɨ eŋa la ko aa tɨŋe bòt Mbɔ̧ɔ̧mà bu bɔ̀ɔ nkɨ̀ŋkà la. Àyea mbɔŋ a wuê ghɨ̌ bòt aa mě taꞋa ekɔ̀ŋke a Mbɔ̧ɔ̧mà.

2 Kɔlìn 1:11

Bɨ̀a mbɔŋ è me tɨŋe awa mɨ̧̂ ntsàꞋta Mbɔ̧ɔ̧mà. Bɨ̀ ghɨ̀ ale, mbɨ̀Ꞌɨ̀ bòt nyaŋ è dɨ̂ abua Mbɔ̧ɔ̧mà ane ànəa ya, Mbɔ̧ɔ̧mà zəè àtɔŋ èdɨ̂ àyɔb ngɨ̀ ba zə a ntsɔ̧̀. Tà ghɨ̀ ale, bòt nyaŋ e kɔ̀ŋkè atò ane àghɨa tà ghɨ ane ya la.

2 Kɔlìn 8:19

Àyea ko nè ànəê ane tò wu nê bèchɔsì e làa atò nê tà ghȩ̀ȩ̀nè ba tò ba a màngɨa àfaꞋa ntsɔ̧̀ yaa. ÀfaꞋa mbɔŋ aa ghɨ Tè Yesò naa bɔ mèngùꞋte, e mě nyɨꞋte nê baa nkɨ etɨŋe bòt.

2 Kɔlìn 8:16

Mâ kɔ̀ŋka Mbɔ̧ɔ̧mà nê tà ghɨ̂ Tȩtɔ̀s me kɨ etɨŋe awɨ̧ wuê mbɨ̀Ꞌɨ̀ màa nkɨ me ghɨ̀ la.

1 Kɔlìn 1:5

Maà ndzèa àyaa ane èghɨ ntsɔ̧̀ bu ègème tà ghɨ̂ bɨ bɔŋ la, nè ndɨ̀ wu bɨ ko a màndaꞋa èngǎ̧ tò ane balu̧ bàgème mè nko àghɨ àgème a bɔ ndɨ àa ghɨ̀ nê Fo Mbɔ̧ɔ̧mà la.

Lûm 12:8

Wòt èwe tò nè èghàb wu màndzìa mèntɨ̧ɨ̧ bòt la, tà me zǐ, wòt èwe tò wu màŋa èghɨ abua bòt la, tà me ŋa ka kuule abua. Wòt tà wu àtsə bòt la, me fàꞋa ntsɔ̧̀, wòt tàa ngɨa ntsɔ̧̀ la me ghɨ nê àŋwàŋne.

Matìù 20:15

Tè e mbakà bɔ mètàŋ e nɨ èkab am e ghɨ̀ àghɨa mâ kɔ̀ŋkè la à? Mâ ghaꞋa àbu am abua bòt baa ale, a ghɨ̀ na ka me saa àwê à?’ ”

Matìù 25:17

È wu nè wòt nè bètɔsì babe la ghà ndzì è vi ane èwen mɨ̧̂, àbȩ̀ a nyî a ègwet ane bètɔsì babe.