2 Kɔlìn 9:10 - Mundani

¹⁰ Mbɔ̧ɔ̧mà wu tàa ŋa èsaãaãme bòt e sà, mè ŋa èghɨjɨ bòt e jɨa la naa paa kwèꞋnè èghɨ bɨ bɔ la, mbɨ̀Ꞌɨ̀ bɨa me nɨ bùà ngɨa ntsɔ̧̀.

2 Kɔlìn 9:10 Referans Kwoze

2 Kɔlìn 9:6

Bɨ̀ ku̧u̧te nê, wòt nàa ndìꞋa mpiꞋa, ta fùꞋù mpiꞋa, wòt liꞋi nyaŋ tà fùꞋù nyaŋ.

Filìpȩ 4:17

È ntsě wuê èghɨ bu bɨ li ntsaa abua am la ka èntɨ̧ɨ̧ am àa adù̧ la. Àghɨa àa ngɨ̀à èntɨ̧ɨ̧ am e bɔ̀ kwàꞋ ànyaꞋne la wu èghɨ bu bɨ̀a ngɨ̀à, àa ghɨ̌ Mbɔ̧ɔ̧mà naa kwèꞋne àbȩ̀ a yɨ̧ la.

1 Tèsàlonikà 3:12

Ba mè ntsàꞋtà nê Lefɨ̀Ꞌ ghɨa èkɔŋ wɨ̧ ane bɔnyɨ bɨ̧ è me kweela ngà nè mbì, bɨ̀ mèe me nèèta nkɔ̀ŋkà waa waa wuê mbɨ̀Ꞌɨ̀ bàa nkɔ̀ŋkà àwɨ̧ la.

Matìù 6:1

“Bɨ̀ me ko mbɨ̀Ꞌɨ̀ ka bɨ me ghɨ̀ èghɨ bɨ̀a ngɨa ane èlen Mbɔ̧ɔ̧mà la a kètsìà banɔ̧̀ mbɨ̀Ꞌɨ̀ bɔɔ ye. Bɨ me ghɨ̀ ale, ko bɨ̀ ka bɔ àbȩ̀ abua tǎt wɨ̧ wu a ègwet la a.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

Efesɔ̀s 5:9

Wu èkaꞋà waa ka àa ngɨ̀à bòt e ghɨ̀à àghɨ àgème è wù àyea ntsɔ̧̀ la, nè àyea a kùꞋù la, nè àyea è wû nkûŋ la.

1 Tèsàlonikà 4:10

Bɨa ngɨa a èlɨ waa adù̧ bòt Yesò bàgème a Màsèdonìà ale à bɔnyɨ ba, baa shù̧ù̧ta awɨ̧ nê bɨ̀ me paa ngɨ̀à ale nɨa ngà nè mbì.

2 Kɔlìn 9:12

Bɨ ŋa èghɨ bàa bɨ kɨ eŋa la ko aa tɨŋe bòt Mbɔ̧ɔ̧mà bu bɔ̀ɔ nkɨ̀ŋkà la. Àyea mbɔŋ a wuê ghɨ̌ bòt aa mě taꞋa ekɔ̀ŋke a Mbɔ̧ɔ̧mà.

Gàlashìà 3:5

Tè bɨ ye nê Mbɔ̧ɔ̧mà li me ŋa Fo zi abua yɨ̧, e mèe ghɨ̀ tèwuute ènəê kà ye fɨ̀Ꞌ a kètsìà wɨ̧ ale, è wu ndɨ bɨ̀a ngɨ̀à àghɨa mbɨ̧tsə te kɨa la, kò wu ndɨ bɨ li ndzəâ èngǎ̧ Mbɔ̧ɔ̧mà ane ànəa Yesò mbɨ̧̀ɨ̧̀ne la à?