Bib sou entènèt

2 Kɔlìn 8:7 - Mundani

⁷ Bɨa ndâ mbɨ̧̀ɨ̧̀ne èngǎ̧ Mbɔ̧ɔ̧mà. Bɨa nkoa ndàꞋà èngǎ̧ tò ntsɔ̧̀. Bɨ taꞋa bɔ èyì, mè ndâ ŋà wɨ̧ ane àfaꞋa Mbɔ̧ɔ̧mà. Bɨ taꞋa wua nkɔ̀ŋkà wa. Ane nkûŋ, bɨa ndâ ngɨ̀à àfaꞋa ntsɔ̧̀ yaa. Ale, baa ndâ nkɨà nê bɨ̀ la ŋǎ èghɨ ba ntsɔ̧̀ nè èntɨ̧ɨ̧ wɨ̧ wemɔꞋ.

Gade chapit la Kopi

tounen moute ⬆

2 Kɔlìn 8:7
25 Referans Kwoze

2 Tèsàlonikà 1:3

Bɔnyɨ, ba bɔ ndɨ bàa me kɔ̀ŋka Mbɔ̧ɔ̧mà àfɨ̀Ꞌ àgème ane ànəa yɨ̧ la. A bɔ̂ŋ nê bà me ghɨ̀ ale, nkàà nê, bɨa mpaa ndzìà èntɨ̧ɨ̧ wɨ̧ ane Yesò Klistò nɨa ngà nè mbì, èkɔŋ wɨ̧ ane bɔnyɨ bɨ̧ e mè me ghà ne mbì.

2 Kɔlìn 9:8

Mbɔ̧ɔ̧mà bɔ mètàŋ eŋa awɨ̧ àghɨ àgème bɨ̀a nkɨ̀ŋkà la, mbɨ̀Ꞌɨ̀ bɨa me bɔ nyaŋ nɨa bùà nɨa ngɨ̀à àfàꞋa ntsɔ̧̀ àgème.

Filìpȩ 1:9

Maà ntsàꞋtà Mbɔ̧ɔ̧mà àtsəa yɨ̧ nê, èkɔŋ wɨ̧ è me tsəa ngà wuê nè mbì, a màmbɔ èyì, e mě lâ eko ndɨ bɨ̀a me ghɨ̌ àghɨ àgème la.

2 Kɔlìn 8:6

Ndɨ̀ wu bòt Màsèdonìà è le wua ŋǎ nyaŋ la a ghɨ̂ ba me shu abua Tȩtɔ̀s nê, ndɨ̀ wu tà li ndzaŋe ebuꞋu àfàꞋ yaa la, tà kɨꞋɨ nkwene ane yɨ̧ mpàa àfaꞋa ntsɔ̧̀ a màfeta èghɨ bu bòt Mbɔ̧ɔ̧mà àa ŋǎ ambo èkɔŋ tò la.

1 Kɔlìn 13:2

E ngu ko làꞋa àtɔŋ Mbɔ̧ɔ̧mà, e mě ko ènəê ndò̧ Mbɔ̧ɔ̧mà ègème, e lɔ̀Ꞌɔ ko mènəè Mbɔ̧ɔ̧mà è ghaꞋtè shu bòt, e mě zǐ èntɨ̧ɨ̧ am ane Mbɔ̧ɔ̧mà mbɨ̀Ꞌɨ̀ ko tsɔꞋɔ tèbȩtsə, ka mbakà bɔ èkɔŋ, ko e mbê ntsě àghɨ.

1 Kɔlìn 4:7

Wòt wu tà ghɨ̀ àwɨ̧ bɨ tsè bòt ko la wu wàà? Àghɨ yu bɨ li mbɔ̀ ka wu Mbɔ̧ɔ̧mà tà ŋa abua yɨ̧ la wu ghàà? È wu nê èghɨ ègème bɨ bɔ la, e dzə abua Mbɔ̧ɔ̧mà ghǎ ghɨ̀ ka bɨ me ŋeꞋe tèkwȩ tɨ̧ a ègwet à?

1 Kɔlìn 1:5

Maà ndzèa àyaa ane èghɨ ntsɔ̧̀ bu ègème tà ghɨ̂ bɨ bɔŋ la, nè ndɨ̀ wu bɨ ko a màndaꞋa èngǎ̧ tò ane balu̧ bàgème mè nko àghɨ àgème a bɔ ndɨ àa ghɨ̀ nê Fo Mbɔ̧ɔ̧mà la.

1 Kɔlìn 13:8

Èkɔŋ aa kà lìà, è me wu màndaꞋa ane àtɔŋ Mbɔ̧ɔ̧mà ko aa li tsě. È me wu nè màndaꞋa ndɨ̧tsə tsa tsa ko tea li mǐ. È me wua mànkoa e ghaꞋte mènəè Mbɔ̧ɔ̧mà, kǒ nàa li tsě.

1 Kɔlìn 12:13

Wu wuê ndɨ bàagème, kò ba wu Bèjuê, kò bòt kà wu Bèjuê, kò èbùꞋ, kò bòt kà wu èbùꞋ leꞋ, bɔ zì àwa a èdzî baa bɔ Fo ngaa yemɔ̀Ꞌ ntsìꞋi mbɨ̧̀ ènyit yemɔ̀Ꞌ la. Mbɔ̧ɔ̧mà mè ndzì Fo ngaa a mèntɨ̧ɨ̧ ma bàagème.

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

2 Tɔ̀màtià 2:1

È me wu awê à waã am, à me kweele ane mènəè Mbɔ̧ɔ̧mà mu è wuê ma, ndɨ̀ wu ba tsiꞋi àghɨ yeamɔꞋ ane Yesò Klistò la.

Efesɔ̀s 4:29

Wòt ka me làꞋa èbɨꞋte mèngǎ̧, wòt me làꞋà wuê mèngǎ̧ nàa me tɨŋe bòt ane mènəè ndzea wɔb la. Eyaa wu ndɨ bɨ̀a ghɨa ntsɔ̧̀ ane bòt bu bɨ laꞋa abua yɔb la.

2 Kɔlìn 9:14

Ale, bɔɔ me tsàꞋta Mbɔ̧ɔ̧mà ane yɨ̧ nè èkɔŋ nkaa a ntsɔ̧̀ Mbɔ̧ɔ̧mà wu è ghe tà ghɨ ane yɨ̧ la.

2 Kɔlìn 7:7

È ntsě wuê mènkɨ̀Ꞌɨ̂ Tȩtɔ̀s è li ndzì mèntɨ̧ɨ̧ ma la. Tà li shu awa nê bɨ zǐ èntɨ̧ɨ̧ vi ale, a paà ndzì mèntɨ̧ɨ̧ ma mɨ̧̂. Tà li shu awa nê bɨa ndâ nkɨ eye am, mè nê àghɨ yu a li ngɨ̀ la a li à ka bɔ awɨ̧. Tà li mè shu am ndɨ bɨ lâ mbɔ̌ èntɨ̧ɨ̧ a màngɨa àghɨa mâ shu la. Mènəè maa li ngɨ̀ e paa ngùꞋtè am.

1 Kɔlìn 14:12

Ndɨ̀ wu bɨ̀a nùà nkɨ bɔ èghɨ Fo Mbɔ̧ɔ̧mà nàa ŋǎ la, bɨ̀ nyɔ̀Ꞌte a mbì àghɨ àgème ndze nê bɨ ghɨ̀ bu àa me tɨŋa ndɔ̀ktà mèntɨ̧ɨ̧ bòt chɔsì la.

Lûm 15:14

Bɔnyɨ bɔ̧, mmɔ̌ mbɔŋ mâ lâ nko nê bɨ̀ambɔŋ e lu̧u̧ nê ntsɔ̧̀, mè ndâ nko àghɨa bɨ bɔ ndɨ bɨ̀a me ghɨ̀ la, mè ngu eko nyɨꞋte bɔnyɨ bɨ̧.

Ètsə 3:17

Bɨà shua nê bɨ wu bòt èsi ntsɔ̧̀, mbɔ àghɨ àgème, tè bɨ ka tsi ngua mbùa àghɨ. Ka bɨà shua ale bɨ̀ ka lem nko nê bɨ bakà bɔ àghɨ, ngu mbɨ̀Ꞌɨ̀ bòt bòt aa me ku tèsȩ tɨ̧ la, ngȩ̀ȩ̀nà mbɨ̀Ꞌɨ̀ bòt ntseb kà kwaãaã ndǐtsə, mè ngu mbɨ̀Ꞌɨ̀ bòt àghɨ àleme.

Ebùlù 12:28

Ndɨ̀ wu Mbɔ̧ɔ̧mà ŋa awa àdziꞋ a èbem kèfɔ̧̀ vi wu kà bɔ wu ko enyiꞋi la, bɨ̀ tsiꞋ bà me ŋa kènuke abua Mbɔ̧ɔ̧mà, ngùꞋtà tò mè mbɔ̀ɔ atò ane ndɨ àa bɔ̌ atò la.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

1 Kɔlìn 12:8

Fo Mbɔ̧ɔ̧mà mbɔŋ nàa ngɨ̀ è ghɨ̀ wòt kǒ me koa nkɨ̀ɨ̀ta bòt ane mèngǎ̧ èyǐ Mbɔ̧ɔ̧mà, mè ngɨ̀ è wekǒ me ko mènəè Mbɔ̧ɔ̧mà ngàꞋta shua bòt,

Matìù 25:22

“È wu bɔ yaã ŋǎ atò bètɔsì babe la kɨꞋɨ nê ‘Tê, à li ŋà bètɔsì babe abua am, mâ ta èwen tè beko babe be nyi a ègwet.’

Swiv nou:

Lyen patwone

Piblisite

Piblisite