2 Kɔlìn 7:8 - Mundani

⁸ È màà ngu wuê nê, letà wu e ndi shɨ abua yɨ̧ la è li sɔ̀ɔ̀bè mèntɨ̧ɨ̧ mɨ̧, ko aa kà saa am nè e ndi shɨ letà mbɔŋ. Èntɨ̧ɨ̧ am e li è kà nɔ̀ŋke a èbèm ntsɔ̧̀ àfɨꞋa e ndi shɨŋ la, ka aà kà tsi sàa am àfɨ̀Ꞌ yaa, nkàà nê, mâ ye nê letà mbɔŋ è li sɔ̀ɔ̀bè mèntɨ̧ɨ̧ mɨ̧ ale ka mbɔ̂ ngu wuê ane kètem àfɨ̀Ꞌ.

2 Kɔlìn 7:8 Referans Kwoze

Ètsə 3:19

“ ‘Bòt bu màa nkɔ̀ŋkà la wu bòt màa ŋȩ awɔb, mè mbà̧à̧ta wɔb ane èbu kekweelè mbɨ̀Ꞌɨ̀ bɔɔ bɔ èyì la. È wu ale, bɨ̀ kwàꞋte ntsɔ̧̀ nkùbte mènəè kàbɔ̀ŋ mɨ̧.

2 Kɔlìn 7:11

Bɨ̀ lâ ndzè àghɨa ànəê yaa a saa awɨ̧, àbu a Mbɔ̧ɔ̧mà àa adù̧ la, a ghɨ ane yɨ̧ la. Bɨ li ngɨ̀ ntsɔ̧̀ a mànkubta mèntɨ̧ɨ̧ mɨ̧, mè ntso ane àghɨa bòt e ghɨ̀ la. A li ngɨ̀ bɨ lâ me kɨ eye am, mè me kɨ etàŋe ànəê am, mè ndɔ̀Ꞌ me kɨ enɔ̀ŋe ngoꞋ àtsəa wòt tà ghɨ a kàbɔ̀ŋ la. Bɨ nyɨꞋte ane balu̧ bàgème nê àbu ayɨ̧ a ntsě ane ànəa mbɔŋ.

2 Kɔlìn 7:6

Bà bela ndzea ngoꞋ ale, Mbɔ̧ɔ̧mà wòt tàa ndzìà mèntɨ̧ɨ̧ bòt mèntɨ̧ɨ̧ mɔb ntsě ntsɔ̧̀ la, nɨa Tȩtɔ̀s nɨŋ nkɨ̀Ꞌɨ̂ ndzì mèntɨ̧ɨ̧ ma.

Jɔ̌n 21:17

Yesò mè nkwetê mbììte atò nê, “Simùn waã Jɔ̌n, tè àà nkɔ̀ŋkà am?” Tà biite ale, a saa Pità nkàà nê tàà mbììta ale è wu ngò̧ tetat tà biite atò nê, “tè àa nkɔ̀ŋkè am” la. Tà ghɨ̀ ale mbɔ̂ shu abua Yesò nê, “Tê, à ko ànəa àgème, à ko nê, maà nkɔ̀ŋkà wê.” Yesò shu abua tò nê, “Me jɨɨ njɨ̀ taã.

Jɔ̌n 16:6

Ka ndɨ̀ wu mâ shua wɨ̧ mènəè maa la, tèsȩ te lu̧u̧ a mèntɨ̧ɨ̧ mɨ̧.

2 Kɔlìn 7:7

È ntsě wuê mènkɨ̀Ꞌɨ̂ Tȩtɔ̀s è li ndzì mèntɨ̧ɨ̧ ma la. Tà li shu awa nê bɨ zǐ èntɨ̧ɨ̧ vi ale, a paà ndzì mèntɨ̧ɨ̧ ma mɨ̧̂. Tà li shu awa nê bɨa ndâ nkɨ eye am, mè nê àghɨ yu a li ngɨ̀ la a li à ka bɔ awɨ̧. Tà li mè shu am ndɨ bɨ lâ mbɔ̌ èntɨ̧ɨ̧ a màngɨa àghɨa mâ shu la. Mènəè maa li ngɨ̀ e paa ngùꞋtè am.

2 Kɔlìn 7:9

Mbɨ̀Ꞌɨ̀ àa la, maà ngùꞋtà am àfɨ̀Ꞌ yaa, ka è nka wua ngùꞋtà nê e ndi sɔ̀ɔ̀bè mèntɨ̧ɨ̧ mɨ̧. E ngùꞋtà nê mèntɨ̧ɨ̧ mɨ̧ mbɔŋ li mbɨ ale ngɨ̀ bɨ kubte mènəè mɨ̧. Àbu a Mbɔ̧ɔ̧mà a li ngu ane mèntɨ̧ɨ̧ mɨ̧ mu è bɨɨ la, mbɨ̀Ꞌɨ̀ àa ale la, baa li bà ka zi fɨŋ a èntɨ̧ɨ̧ wòt kǒ.

2 Kɔlìn 7:12

E ndi mbàte shɨ̀ letà abua yɨ̧, ka e ndi è nka wua shɨa ambo wòt wu tà ghɨ a kàbɔ̀ŋ la, è nka wua shɨa abua wòt wu bɔ ghɨ a kàbɔ̀ŋ ane tò la. E ndi ngua shɨa mbɨ̀Ꞌɨ̀ bɨa ye ndɨ bɨ̀a ndâ nkɔ̀ŋkà wa a mbì Mbɔ̧ɔ̧mà la.