2 Kɔlìn 7:4 - Mundani

⁴ Mâ bɔ èntɨ̧ɨ̧ ane yɨ̧. Maà ndâ ngàꞋta am ambo yɨ̧. Bɨa ndzìà èntɨ̧ɨ̧ am, e mè ndâ me wùꞋtè am ka wuê a èbem ngoꞋ tu tègème bàa ndzea la.

2 Kɔlìn 7:4 Referans Kwoze

2 Kɔlìn 1:4

Tàà ndzìà mèntɨ̧ɨ̧ ma àfɨ̀Ꞌ àgème bà ndzea ngoꞋ la, mbɨ̀Ꞌɨ̀ bàambɔŋ aa me koa nɨa mèntɨ̧ɨ̧ kèfi màa Mbɔ̧ɔ̧mà ŋa abua ya la ndzìà mèntɨ̧ɨ̧ bòt bu ngoꞋ kwene ane yɔb la mɨ̧̂.

2 Kɔlìn 3:12

Ndɨ̀ wu ba ko ayaa la, ba tsiꞋa ndàꞋà èngǎ̧ Mbɔ̧ɔ̧mà kà bɔ̀a.

Jimsì 1:2

Bɔnyɨ bɔ̧, ngoꞋtsə te kwene ane yɨ̧, ka te màà ngu wuê nà leꞋ, bɨ wùꞋtè àwɨ̧,

Kɔ̀losìà 1:24

Maà ngùꞋtà am àfɨ̀Ꞌ yaa nê betsiꞋa e ndze ngoꞋ nkàà wɨ̧. NgoꞋ yaa e dzea àfɨ̀Ꞌ yaa la wua ntɨ̀ŋa epaa ngoꞋ tu Yesò Klistò li ndze ambo mbɨ̧̀ zi yu è wu chɔsì la.

Filìpȩ 2:17

Mèntɨ̧ɨ̧ mɨ̧ mu bɨ zǐ ane Yesò Klistò la nàà mbɨ̀Ꞌɨ̀ àghɨa bɨ̀ wua ŋǎ abua Mbɔ̧ɔ̧mà ngùꞋtà wɨ̧ la. Tà bɨ̧̀ɨ̧̀na nê bɔ̀ bùŋè am àfɨ̀Ꞌ yaa, ko maa me wùꞋtè wuê am, e mě fɔte awɨ̧ ane mèngùꞋte mɨ̧.

1 Kɔlìn 1:4

Maà nkɔ̀ŋkà Mbɔ̧ɔ̧mà àfɨ̀Ꞌ àgème ane àghɨa tà ghɨ ane yɨ̧ la. Tà nyɨꞋte a ntsɔ̧̀ vi abua yɨ̧, ndɨ̀ wu bɨ̀ tsiꞋi àghɨ yeamɔ̀Ꞌ nè Yesò Klistò la.

1 Tèsàlonikà 2:19

Ane nkûŋ, wu bɨ̀a ka bɨ ghɨ̂ ba bɔ ntɨ̀ nè mèngùꞋte mè mbɔ̀ lə bàa me ghàꞋtè àwa a mbì Yesò Lefɨ̀Ꞌ ane àlia tàa kɨꞋɨ la.

1 Tèsàlonikà 2:2

Bɨ ko ndɨ bɔ li mbɨ̀ ngɨ̧̀ɨ̧̀nè àwa mè ntsɔ̧̀ɔ̧̀tè àwa a Filìpȩ ka ba kɨꞋɨ̀ abua yɨ̧ a Tèsàlonikà la. Bòt è li mbàte ndɔ̀Ꞌte a si àpfəa yɨ̧ mɨ̧̂ me pààbè àwa, ka Mbɔ̧ɔ̧mà bɔ̂ ŋà àwa mèntɨ̧ɨ̧ kèkweelè ba tsɔ̀tè Ntu̧ Ntsɔ̧̀ yu è dzəè abua tò la abua yɨ̧.

Filìpȩ 1:20

Maa nchɨ̀ɨ̀mâ nkɨ̀a, mè mbɔ ntɨ̀ nê, è nka bê lɔ̀Ꞌɔ ebɔ àtsəa kɔꞋɔ ane ànəa Yesò a. Ka maa lɔ̀kè èlen Yesò Klistò etsaa ègwet àfɨ̀Ꞌ yaa mbɨ̀Ꞌɨ̀ màa ndzìà ngɨ̀à la, kà bɔ̀a. E màà ngu bele wuê a sitsǎꞋ ŋàa, kò mpfə leꞋ, ko maa me lɔ̀kè wuê èlen tò.

2 Kɔlìn 11:21

Eyaa wu ndɨ bɨ̀a ndzèa la, bɨ nɨŋ nê ma fâ̧ nkàà nê ba li bà ka bɔ mèntɨ̧ɨ̧ kèkweele e ghɨ̀ èwuu èghɨ mbɔŋ. Ka àghɨ a wuê betsiꞋa wòt me ghàꞋtè àvi adù̧ la ko maa ghàꞋtà am adù̧ mɨ̧̂. E ngua ndàꞋà anè mbɨ̀Ꞌɨ̀ àkèghɨ̧̀.

2 Kɔlìn 8:24

Bɨ̀ nyɨꞋte awɔb nê bɨa nkɔ̀ŋkà àwɔb mbɨ̀Ꞌɨ̀ bèchɔsì bàgème aa zə e mě ko nê bàa ngɨ̀ bà me ghàꞋta wa a mbì lɔb ane ànəa yɨ̧ ale è wu ànəa nkûŋ.

2 Kɔlìn 2:14

Ka mèngùꞋte wu abua Mbɔ̧ɔ̧mà. Tà gha ambo èlɨ̀ wu bà tsiꞋi àghɨ yeamɔꞋ nè Yesò Klistò la ntse a mbì la me ghaꞋa èlu̧ ba me nû a Satàn ntsèà. Tà ghɨ̂ ba wu mbɨ̀Ꞌɨ̀ mèwet àghaa ntsɔ̧̀ bàa ntsèà àdziꞋ àgème ngɨ̀à bòt e koa àghɨa Yesò Klistò wu yùà la.

2 Kɔlìn 1:14

te tsě ndɨ bɨ yaã nko la, mbɨ̀Ꞌɨ̀ Yesò Lefɨ̀Ꞌ ghɨa tà kɨꞋɨ, bɨ me ghàꞋtè àwɨ̧ ambo ya wuê mbɨ̀Ꞌɨ̀ bàambɔŋ àa me ghàꞋtè àwa ambo yɨ̧ la.

Lûm 5:3

Baa mè ngùꞋtà àwa a èbem ngoꞋ ta nkàà nê ngoꞋte mbɔŋ tea ngɨ̀à baa kuula mèntɨ̧ɨ̧ ma;

ÀfaꞋa 5:41

Bɔntu̧ bu e sà lob èsaꞋa yu me ghȩ̀ȩ̀na ngùꞋtà awɔb nê, Mbɔ̧ɔ̧mà ye nê bɔ kùꞋù èbe bɔ̀ɔ jɨ àkù ane èlen Yesò la.

2 Kɔlìn 7:14

E ndi ngàꞋtà am a mbì Tȩtɔ̀s ane ànəa yɨ̧, tà kɨꞋɨ bɨ̀ ka ghɨ̂ maa bɔ àtsəa kɔꞋɔ. Ànəa gème ba li shu abua yɨ̧ la li ngu nkûŋ. Ànəa ba ghàꞋtà wa adù̧ a mbì Tȩtɔ̀s la, a mè ndzəè ngu nkûŋ.

2 Kɔlìn 10:8

È màà ngu wuê nê, mâ ghàꞋtè am tè ntsè ndɨ mâ wu ghɨ̀ la ane àtɔŋ yu Yesò Klistò ŋa abua am la, ko àtsə am aa kà kɔꞋ ane ànəa mbɔŋ. Tà li tà kà ŋa àtɔŋ yaa nê è nɨŋ ntsòkè mèntɨ̧ɨ̧ mɨ̧. Tà li ŋa nê è nɨŋ ngɨ̀ mèntɨ̧ɨ̧ mɨ̧ me kweele.

Filìpȩ 1:14

Ànəa ko yeamɔꞋ wu nê, tèfȩ tàa è ngu a èbèm la, te ghɨ̂ bɔnyɨ ba nyaŋ e paà nkweele ane ànəa Lefɨ̀Ꞌ, tè ntsìꞋa ndàꞋà èngǎ̧ tò kà bɔ̀ɔ̂.

Filìpȩ 1:26

Naa li ngu ane àlia mâ kɨꞋɨ̀ ba mè ndzè awa la, bɨ taꞋa wùꞋte a Yesò Klistò nkàà am.

2 Tèsàlonikà 1:4

Eyaa wu lə bàa ngàꞋtà wa ndàꞋà ànəa yɨ̧ ayɔɔ bèchɔsì Mbɔ̧ɔ̧mà la. Ba ghàꞋtà wa ale ngu ndɨ̀ wu bòt àa mbàtâ nkɨà àtsəa yɨ̧ enɨ, ngɨ̧̀ɨ̧̀nà wɨ̧, ka bɨ bɔ̂ me kweela ngà wuê nè mbì ane èntɨ̧ɨ̧ wɨ̧ wu bɨ zi ane Yesò la.

Fȩlemùn 1:7

Wanɔ̧, èkɔŋ wu à bɔŋ ane bòt Mbɔ̧ɔ̧mà la e taꞋa lɔ̀kte èntɨ̧ɨ̧ am, mè ngɨ̀ e ntaꞋa bɔ mèngùꞋte, nkàà nê à ghɨ mèntɨ̧ɨ̧ bòt Mbɔ̧ɔ̧mà me bɔ̌.