Bib sou entènèt

2 Kɔlìn 7:13 - Mundani

¹³ Ale, àyaa a zì mèntɨ̧ɨ̧ ma. È ntsě wuê ndàꞋà àyaa a li ndzì mèntɨ̧ɨ̧ ma la. Ba li mpàa ngùꞋtà wa nê bɨ li ngɨ̀ Tȩtɔ̀s me wùꞋtè àvi, nkàà nê bɨ̀agème e li ngɨ̀ èntɨ̧ɨ̧ tò e nɔ̀ŋke a èbèm ntsɔ̧̀.

Gade chapit la Kopi

tounen moute ⬆

2 Kɔlìn 7:13
16 Referans Kwoze

2 Kɔlìn 7:6

Bà bela ndzea ngoꞋ ale, Mbɔ̧ɔ̧mà wòt tàa ndzìà mèntɨ̧ɨ̧ bòt mèntɨ̧ɨ̧ mɔb ntsě ntsɔ̧̀ la, nɨa Tȩtɔ̀s nɨŋ nkɨ̀Ꞌɨ̂ ndzì mèntɨ̧ɨ̧ ma.

1 Kɔlìn 16:13

Bɨ̀ me ko awɨ̧, ntɨ̧̀ɨ̧ ntsɔ̧̀ ane èntɨ̧ɨ̧ wɨ̧ wu bɨ zi ane Yesò la, ntɨ̧ɨ̧ mbɨ̀Ꞌɨ̀ mbâ̧ mè me kweele.

1 Kɔlìn 12:26

ÀdziꞋa mbɨ̧̀ ènyit yeamɔꞋ a me ye ngoꞋ, ko wu èdziꞋi mbɨ̧̀ ènyit ègème ndzea ngoꞋ la, bɔ mè me kuke àdziꞋa mbɨ̧̀ ènyit yeamɔꞋ, ko èdziꞋi mbɨ̧̀ ènyit ègème aa fɔte wùꞋtè àwɔb.

Lûm 15:32

Ale, Mbɔ̧ɔ̧mà bɨ̧̀ɨ̧̀na, ko maa me kɨꞋɨ eye awɨ̧, e kɨꞋɨ ane mèngùꞋte, baa nɨ̧̀ ba e mě ndzì mèntɨ̧ɨ̧ ma.

1 Pità 3:8

Enɨ lìà àyaa nè ànəê, tsiꞋ è shu abua yɨ̧ bɨ̀agème nê, bɨ̀ wu ane ètsəê wemɔꞋ, me ku tèsȩte bɔnyɨ bɨ̧, mè nkɔ̀ŋkà wɔb. Bɨ̀ me yu ane mènəè mɨ̧, mè mbɔ̌ èntɨ̧ɨ̧ ntsɔ̧̀ ane bòt.

Fȩlemùn 1:20

Wanɔ̧, tɨŋe am ane èlen Tǎt wa. Ghɨa èntɨ̧ɨ̧ am è me bɔ̌ mbɨ̀Ꞌɨ̀ wanyɨ wè ane Yesò Klistò.

2 Tɔ̀màtià 1:16

È wua Ònesìfolùs, ko maà ntsàꞋtà nê Mbɔ̧ɔ̧mà ku tèsȩte bòt tò. Tà taꞋa wua nkɨ̀Ꞌâ ndàꞋà nè nà̧. Mâ batè ngu a tèfȩ ale, ka tà kà wua mbɔ̌ àtsəa kɔꞋɔ nkàà am.

Filìpȩ 2:28

Mbɨ̀Ꞌɨ̀ àa anè la, e ngua ntsaa atò kwàla taa kɨꞋɨ ekwene ane yɨ̧, mbɨ̀Ꞌɨ̀ bɨ̀ mee bɨ̀ ye atò bɨ wùꞋtè àwɨ̧, mè ndzɔ̀ mèsi mu àghɨ am la.

2 Kɔlìn 7:15

Tȩtɔ̀s nàa ngɨ̀ tà mɨ̀ɨ̀te ndɨ bɨ̀agème e li ngua nkɨ e ghɨ àghɨa ye shu la, mè mɨ̀ɨ̀tè nê bɨ li me sèe àvi me bɔa mè mbènta, tà me paa nkɔ̀ŋkà àwɨ̧ nɨa ngà nè mbì.

2 Kɔlìn 2:13

Mbàte ngàꞋa ale ka èntɨ̧ɨ̧ am è ka nɔ̀ŋke a èbèm laã ntsɔ̧̀ nkàà nê e ndi è nka ye wanɔ̧ Tȩtɔ̀s abàꞋ və. Ale, e ndàꞋnè àwɔb ntsiꞋi ghà ne Màsèdonìà.

2 Kɔlìn 2:3

E ndi ngua shɨa àkata ngaa a èlɨ mbɔŋ mbɨ̀Ꞌɨ̀ è ngɨa è nkɨ̀Ꞌɨ̂, bɨ̀a wu bɨ wuê è ghɨ̌ èntɨ̧ɨ̧ am aa me bɔ̀ la è ka ghɨ̂ èntɨ̧ɨ̧ am aa me ghò̧ò̧ne. Mâ lâ nko nê èntɨ̧ɨ̧ am e me bɔ̌ ko èntɨ̧ɨ̧ wɨ̧ bɨ̀agème aa me bɔ̌ mɨ̧̂.

Lûm 12:15

Bɨ̀ me wùꞋtè àwɨ̧ nè bòt bu bɔ̀ɔ ngùꞋtà àwɔb la, mè ndɨ̀à nè bu bɔ̀ɔ ndɨ̀à la.

1 Kɔlìn 16:18

Bɔ zǐ èntɨ̧ɨ̧ am mbɨ̀Ꞌɨ̀ bɔ zì è wɨ̧ la. Bɨ̀ me zə ànəa èwuu bòt baa àa shua la.

2 Kɔlìn 7:14

E ndi ngàꞋtà am a mbì Tȩtɔ̀s ane ànəa yɨ̧, tà kɨꞋɨ bɨ̀ ka ghɨ̂ maa bɔ àtsəa kɔꞋɔ. Ànəa gème ba li shu abua yɨ̧ la li ngu nkûŋ. Ànəa ba ghàꞋtà wa adù̧ a mbì Tȩtɔ̀s la, a mè ndzəè ngu nkûŋ.

Fȩlemùn 1:7

Wanɔ̧, èkɔŋ wu à bɔŋ ane bòt Mbɔ̧ɔ̧mà la e taꞋa lɔ̀kte èntɨ̧ɨ̧ am, mè ngɨ̀ e ntaꞋa bɔ mèngùꞋte, nkàà nê à ghɨ mèntɨ̧ɨ̧ bòt Mbɔ̧ɔ̧mà me bɔ̌.

Swiv nou:

Lyen patwone

Piblisite

Piblisite