2 Kɔlìn 6:14 - Mundani

¹⁴ Bɨ̀ ka tèm àka nè bòt kà zi mèntɨ̧ɨ̧ mɔb ane Mbɔ̧ɔ̧mà. Kàbɔ̀ŋ bɔ̂ ntsɔ̧̀ nàà kà fɔte àdziꞋ, èkaꞋà bɔ̂ ndzěm è ka wua fɔta àdziꞋ.

2 Kɔlìn 6:14 Referans Kwoze

1 Kɔlìn 15:33

Bɨ̀ ka mbɨ̧̀ɨ̧̀nê wòt fɨ̀te awɨ̧, “Bèshu̧ kàbɔ̀ŋ bea ntsòkà wòt mènəè ntsɔ̧̀.”

1 Kɔlìn 10:21

BetsiꞋa à kà me nu a èbem ndɔŋ Tè Yesò, mè nua a èbem ndɔŋ fote kàbɔ̀ŋ. BetsiꞋa à kà me jɨ èghɨjɨ Tè Yesò mè njɨ̀a èghɨjɨ fote kàbɔ̀ŋ.

Jimsì 4:4

Bɨ wu mbɨ̀Ꞌɨ̀ bòt mànjɨa àbȩ. Bɨ bakà ko laꞋ nê wòt nàa me kɔ̀ŋkè èghɨ sitsǎꞋ tà tsiꞋi wɔ̀mbù̧ Mbɔ̧ɔ̧mà à? Ale, wòt me kɨ me kɔ̀ŋkè èghɨ sitsǎꞋ tà ko nê ye wu wɔ̀mbù̧ Mbɔ̧ɔ̧mà.

1 Kɔlìn 5:9

E ndi shu awɨ̧ a èbem àkatè yu e ndi shɨ abua yɨ̧ la nê, bɨ̀ ka mbɔ̀ àghɨa ko a màngɨa ne bòt bu bɔ̀ɔ mpàꞋta àbɨ̧ la.

Filìpȩ 2:15

Bɨ ghɨ ale, ko bɨa tsiꞋi bòt kà fâ̧ ànəê a mbì Mbɔ̧ɔ̧mà, bòt è ka meè ngu ye àghɨa bɔ̀ɔ nɨ efèèlè àwɨ̧ la, bɨ mè ngu etsiꞋi ngule bɔ̧ Mbɔ̧ɔ̧mà kà ye àlɔꞋ a èbem ngɔ̀ŋ yaa, è lu̧u̧ ne bòt mènəè mɔb è toŋke la, nè bòt kàbɔ̀ŋ la. Bɨ̀ me beꞋe ayɔɔ yɔb mbɨ̀Ꞌɨ̀ těnto̧tsə tèa nkaꞋa a èbem ndzěm la,

Jɔ̌n 7:7

BetsiꞋa bòt ngɔ̀ŋ è ka ye àghɨa bɔ̀ɔ me pààbè àwɨ̧ adù̧ la, ka mbɔ̂ me pààbè am, nkàà nê maa shua àghɨa mâ ye mè nko ane yɔb la, nê mènəè mɔb nàà kàbɔ̀ŋ.

1 Kɔlìn 7:39

Àvi yɔꞋa tà bɔ̌ ndɨ tàa wu wuê bɔ̂ lu̧ vi mbɨ̀Ꞌɨ̀ lu̧ tò bele yû̧ la. Ka lu̧ tò pfəa tà mè nko ndzɔꞋ, mbɔ̂ tà me yɔꞋɔ, tà yɔ̀Ꞌɔ̀ wuê wòt Mbɔ̧ɔ̧mà.

ÀfaꞋa 4:23

Mbɨ̀Ꞌɨ̀ bɔ bê sà a Pità bɔ̂ Jɔ̌n la, bɔ ghà kwene ane bòt bɔb, shu awɔb ànəa bètǎt bèntsìà mèpɨ̧̀ Mbɔ̧ɔ̧mà nè bɔɔjuŋ e shu la.

1 Kɔlìn 6:6

Wòt Mbɔ̧ɔ̧mà tsiꞋa nɨa wanyɨ vi nga a mbì bòt kà ko a Mbɔ̧ɔ̧mà bɔɔ saꞋa wɔb.